《左腳帶刀侍衛 - 馬高斯阿朗素》

BluexLion車迷手記 於 19/08/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : Sport.net

再一次喺強強對決哩啲重要時刻挺身而出射入關鍵入球,馬高斯阿朗素可以話盡得師兄泰利、伊雲奴域等藍軍帶刀侍衛既本色,更打破過往先例唔係用頭槌入波,而係用熟練既左腳、精準既射門俘虜所有車路士球迷既心,成為一個非一般左閘。

出生自足球世家既佢,祖父係皇馬名宿,而父親亦係巴塞及馬體會既重要一員,但馬高斯阿朗素並非順風順水,經歷過高低起跌,好不容易才得到加盟豪門既機會,並接上車路士傳奇左閘既3號波衫。然而最初球迷們對這單收購不敢抱太大期望,畢竟自艾殊利高爾(Ashley Cole)離開後,除了艾斯派古達兼任左閘位合適外,收購番黎擁有各自聯賽名涵既菲臘比路易斯(Filipe Luís Kasmirski)以及巴巴拉文(Baba Rahman)都可算是失敗告終,更何況馬高斯阿朗素喺加盟車路士前可以話藉藉無名。

前季季加盟初期,干地的確未有即時確立馬高斯阿朗素喺正選左閘地位,繼續對艾斯派古達委以重任,而球隊在場上整體表現亦未見得十分理想。在新加盟的球員當中,只有簡迪當上正選位置,其餘大多數都是後備上陣或留待在冷板凳上,亦令球迷開始擔心馬高斯阿朗素是否不適合干地既戰術體系,會否同樣得到水貨之名敗走藍橋。

正喺哩個時候,球隊經歷輸比利物浦以及大敗比阿仙奴兩場賽事後,干地亦隨即選擇轉陣應戰,而備戰以久既馬高斯阿朗素終於以正選左翼衛身份登場,球員對於此位置似乎無需任何實戰時間已經能以駕馭。身後擁有專注防守既卡希爾,令佢可以配合夏薩特等球員組織進攻。擁有精準長傳既左腳,同時並非底線傳底強行出波既球員,對陣曼聯助攻柏度的那一球也成為上季既焦點,而球員在進攻時偏好走入禁區,使他偶有斬獲,處理罰球既質素亦是賣點之一。當然,每個球員都總有缺點,天生左腳既佢可以話係一匹單蹄馬,右腳射門只會令人嚇一驚。而且球員並非天生速度型,眼見不少球迷希望他能在這方面提升,但對於今年經已27歲既佢,不年老亦不屬年輕之齡,平心而論還有多少能耐可以讓他在速度上作出顯注進步。

由皇馬青年軍出身,因素質天賦不及其它球員而離開,到次一級球隊開始職業生涯,再一步一步打起登上豪門,佢叫馬高斯阿朗素。

文章最後更新時間 : 19/08/2018 15:00

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

留言


請按此登錄後留言。未成為會員? 立即註冊
    快捷鍵:←
    快捷鍵:→