《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Daily Mail
眼見圍繞著車路士前鋒莫拉達既聲音不絕，主要係上場作客對曼聯既失利，引伸至「藍色9號魔咒」及「水貨」等字眼相繼出現。但說實話，莫拉達真係如外界所講咁一無是處嗎？也許，英超賽場黎講仲需要時間熟習以及適應，歐聯或許至係佢真正表演既舞台。
上回合車路士在史丹福橋迎戰曼聯，憑著一對西班牙入球組合，艾斯派古達長傳助攻比莫拉達頭槌頂入，令藍軍在主場以一球小勝曼聯全取三分。干地在今場作客照板煮碗地起用佢為正選，但對面既摩連奴唔係傻，既然你上回合入得波，今場番到自己地頭對住舊東家又點會失威，定必好好針對性地招呼你。果然，莫拉達被連迪路夫、史摩靈等人貼身式防守，「文弱書生」控球後倒地次數絕不下於十次，摸著頭的畫面老是常出現。
但有持平的球迷會話，要不是有莫拉達，上半場一球連迪基亞都比唔切反應既射門中眉以及完場前一球「被越位」既攻門係唔會出現，這正正反映出哩位西班牙前鋒既作用同特性，由加盟果刻開始，車路士球迷就理應要走出杜奧巴同迪亞高哥斯達既回憶底下，大家都知莫拉達與兩者並非相同類型，既然係咁就更加唔應該將佢地既能力特性套用黎作比較，干地明顯係想將技術元素加入到藍軍前場。
莫拉達既走位入攝、埋門一腳質素絕對係無容置疑，但要做支點分波，在英超賽場上與其他後衛作身體對抗的話，就仲有好長磨鍊既路要走。無論當時效力緊祖雲達斯，定係皇家馬德里時期，又或者喺西班牙國家隊既賽事上，莫拉達過往都能夠喺一啲一場定勝負既盃賽上交出好表現，加上基奧特既加盟，兩者分別各自應付聯賽及歐聯戰線就最好不過。當然，根據干地心目中既理想藍圖，理應係由莫拉達與及基奧特同時擔任正選中鋒位，一剛一柔，一個以技術為主，另一個以高大作支點為首，但意大利人似乎仲未諗得掂如何將夏薩特加入到兩者之中，亦不敢捨棄後者。
干地尚未發揮得出手上前場球員既最大能力，但硬仗一場接一場，相信佢如果仲唔盡快諗通的話，「失眠」既晚上就只會愈來愈多。
文章最後更新時間 : 27/02/2018 13:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Daily Mail
眼見圍繞著車路士前鋒莫拉達既聲音不絕，主要係上場作客對曼聯既失利，引伸至「藍色9號魔咒」及「水貨」等字眼相繼出現。但說實話，莫拉達真係如外界所講咁一無是處嗎？也許，英超賽場黎講仲需要時間熟習以及適應，歐聯或許至係佢真正表演既舞台。
上回合車路士在史丹福橋迎戰曼聯，憑著一對西班牙入球組合，艾斯派古達長傳助攻比莫拉達頭槌頂入，令藍軍在主場以一球小勝曼聯全取三分。干地在今場作客照板煮碗地起用佢為正選，但對面既摩連奴唔係傻，既然你上回合入得波，今場番到自己地頭對住舊東家又點會失威，定必好好針對性地招呼你。果然，莫拉達被連迪路夫、史摩靈等人貼身式防守，「文弱書生」控球後倒地次數絕不下於十次，摸著頭的畫面老是常出現。
但有持平的球迷會話，要不是有莫拉達，上半場一球連迪基亞都比唔切反應既射門中眉以及完場前一球「被越位」既攻門係唔會出現，這正正反映出哩位西班牙前鋒既作用同特性，由加盟果刻開始，車路士球迷就理應要走出杜奧巴同迪亞高哥斯達既回憶底下，大家都知莫拉達與兩者並非相同類型，既然係咁就更加唔應該將佢地既能力特性套用黎作比較，干地明顯係想將技術元素加入到藍軍前場。
莫拉達既走位入攝、埋門一腳質素絕對係無容置疑，但要做支點分波，在英超賽場上與其他後衛作身體對抗的話，就仲有好長磨鍊既路要走。無論當時效力緊祖雲達斯，定係皇家馬德里時期，又或者喺西班牙國家隊既賽事上，莫拉達過往都能夠喺一啲一場定勝負既盃賽上交出好表現，加上基奧特既加盟，兩者分別各自應付聯賽及歐聯戰線就最好不過。當然，根據干地心目中既理想藍圖，理應係由莫拉達與及基奧特同時擔任正選中鋒位，一剛一柔，一個以技術為主，另一個以高大作支點為首，但意大利人似乎仲未諗得掂如何將夏薩特加入到兩者之中，亦不敢捨棄後者。
干地尚未發揮得出手上前場球員既最大能力，但硬仗一場接一場，相信佢如果仲唔盡快諗通的話，「失眠」既晚上就只會愈來愈多。
文章最後更新時間 : 27/02/2018 13:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊