《賽前分析》莫天才迎戰列強第二擊 莫拉達、真禾特受傷 韋斯咸主場對車路士 精選

-請支持藍獅 Facebook專頁-
《原創文章 歡迎轉載 請列明出處 謝謝》

剛剛喺主場完成歐聯最後一場分組賽戰和馬體會取得次名晉級淘汰賽後，車路士立即需要準備作客韋斯咸賽事，亦算得上一場倫敦打吡。莫耶斯上場帶領槌仔幫取得一個唔錯既開局完成上半場，只可惜不能堅守到最後作客輸比榜首既曼城，今場番到主場奧林匹克體育場面對著另一支列強車路士，究竟又能唔能夠守和什至取得甜頭呢？
．圖片來源 : 101 Great Goals

韋斯咸只需專心聯賽，令主帥莫耶斯有接近一星期作賽前準備，時間非常充裕，同時上仗對陣曼城時正選門將阿祖安表現非常神勇，多番救出阿古路、辛尼等攻擊手射門，相信因外借條件未能上陣既祖赫特會繼續坐在冷板凳一段時間。而利用角球攻勢在上半場取得入球先開記錄，面對著車路士黎講亦都係正中下懷既方案，莫耶斯在部署上必定以取得分數為先要目標，絕對有機會以攻待守。
．圖片來源 : 90Min

而車路士方面，在多番連戰過後，藍軍既板凳深度再一次響起警號，干地在賽前記者招待會確定大衛雷斯尚未傷癒繼續缺陣，而中場球員真禾特亦宣告發燒未能夠上陣，同時間球隊主要攻擊手莫拉達在賽前訓練時亦拉傷，雖然有隨隊但仲要等待醫療報告再決定能否上陣，中前場位置開始出現人手短缺既情況。
．圖片來源 : Daily Star

由於中場人數不足，暫時只餘下法比加斯、簡迪及巴卡約高三位球員，推測干地會喺今場波變回343陣式出戰，後者表現尚未得到各界認同，相信會先列後備，繼續以法比加斯及簡迪作正選；而後場方面基斯甸臣與及艾斯派古達會係正選，上場未有上陣既魯迪加預計會得到正選機會；而翼衛方面會以摩西斯及馬高斯阿朗素一左一右；前場方面如果莫拉達真係未能上陣，就會以巴舒亞伊、夏薩特及柏度合組攻擊線。
．圖片來源 : Daily Express

另外，車路士正式與年青小將梅桑達正式動筆續約至2022年，打破其它球會轉會傳聞，當然唔推除一月會先以外借身份離開，始終球隊依加提供到比佢既上陣機會只能喺一啲本土盃賽上，對於球員自己本身黎講需要不斷上陣至能夠達到成長效果，眼見前人基斯甸臣，以及季初已外借到水晶宮及史雲斯既路夫斯捷克同艾巴咸都不乏上陣機會，相信一月先行外借到其它英超球隊會係一個唔錯既選擇。
．圖片來源 : Chelsea FC

今晚早場8:30..Come On Chelsea..

文章最後更新時間 : 9/12/2017 10:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/