-請支持藍獅 Facebook專頁-
《原創文章 歡迎轉載 請列明出處 謝謝》
車路士作客晏菲路球場，雙方領隊賽前經已舌戰一輪，而在比賽過程可以話你一拳我一腳，雙方互有攻守，加上臨場既戰術調動，成場波可以話非常精彩，最終各執一分亦係較公平既結果。
雙方既正選陣容都稍作變化，上場歐聯作客卡拉巴克打足九十分鐘既法比加斯同大衛雷斯都被列入後備，取而代之既係真禾特以及基斯甸臣；而利物浦方面亦沒有將文尼、法明奴同埋韋拿杜姆放入正選名單，反而用上了張伯倫、史杜列治以及占士米拿。比較之下後者陣容變化較大，亦可以話相當有驚喜。．圖片來源 : weaintgotnohistory.sbnation.com
干地安排左真禾達配合巴卡約高同簡迪，安排上明顯係想加強中場既爭奪力同掃蕩性，始終對住利物浦絕不能以攻待守，穩守突擊靜待機會是可以理解的；但利物浦亦不甘示弱，打番擅長既迫搶同藍軍爭中場，而大部份攻勢都會交比倒戈既沙拿負責，不斷喺右路進行爆破，令到負責防守既馬高斯阿朗素打得非常吃力，經常要卡希爾以及巴卡約高從旁協助。．圖片來源 : Daily Mirror
至於另一邊路方面，今夏選擇拒絕加盟車路士既張伯倫與替代者薩柏哥斯達在左路正面對決，但無論身體素質以及速度技巧方面都係前者相對地較優勝，意大利人多次誤傳造就對手反擊機會，相信摩西斯正式復出過後佢將會返回後備席上；相反，今場取代法比加斯為正選既真禾達表現可以話非常理想，一搶到波之後就能夠有效地交到前場並前插，亦能為後場球員提供合適既保護，大大分擔左過往只由簡迪負責全場走動既工作，當然今場係佢自傷癒復出後第一場大戰正選，見到狀態已經慢慢提升緊。．圖片來源 : We Ain't Got No History
上半場雙方都係唔少威脅攻門，可惜一一被對手擋出或化解，下半場繼續由利物浦採取主導，終於去到65分鐘由沙拿先開紀錄，把握得到巴卡約高既甩腳射成1-0，隨即高普安排韋拿杜姆入替史杜列治，加強番中場既對抗性希望保住哩一球既優勢；而干地亦相繼換入法比加斯及柏度，增加創造性及加強攻力。．圖片來源 : Daily Mirror
雖然法比加斯落場後的確多左好多快而準既長傳，但由於利物浦既防線已收窄既關係，調動上未見有實質成效，干地唯有安排埋後備席上最後一位攻擊球員上陣，由韋利安入替薩柏哥斯達並將先前換入既柏度移到右翼衛。幸運地去到85分鐘竟然得到機會，巴西人一腳似傳非傳既射門笠過米勞列追成平手，哩球幸運成份相信佔左九成，但以車路士哩八十多分鐘既表現黎講又理應值得得到一分。．圖片來源 : www.premierleague.com
高普亦估唔到自己球隊喺完場前比人追平，放手一博之下同時換入文尼以及拉蘭拿，可惜已經為時已晚，最終各得一分握手而和。對於車路士黎講在舟車勞頓下作客晏菲路能夠得分可以話相當合適，相反高普既最後調動相信有唔少球迷存在質疑。
如果你沉晚無睇到哩場波，小弟絕對覺得你應該睇番全場重溫，真係非常好睇絕無悶場。
文章最後更新時間 : 26/11/2017 13:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
車路士作客晏菲路球場，雙方領隊賽前經已舌戰一輪，而在比賽過程可以話你一拳我一腳，雙方互有攻守，加上臨場既戰術調動，成場波可以話非常精彩，最終各執一分亦係較公平既結果。
雙方既正選陣容都稍作變化，上場歐聯作客卡拉巴克打足九十分鐘既法比加斯同大衛雷斯都被列入後備，取而代之既係真禾特以及基斯甸臣；而利物浦方面亦沒有將文尼、法明奴同埋韋拿杜姆放入正選名單，反而用上了張伯倫、史杜列治以及占士米拿。比較之下後者陣容變化較大，亦可以話相當有驚喜。．圖片來源 : weaintgotnohistory.sbnation.com
干地安排左真禾達配合巴卡約高同簡迪，安排上明顯係想加強中場既爭奪力同掃蕩性，始終對住利物浦絕不能以攻待守，穩守突擊靜待機會是可以理解的；但利物浦亦不甘示弱，打番擅長既迫搶同藍軍爭中場，而大部份攻勢都會交比倒戈既沙拿負責，不斷喺右路進行爆破，令到負責防守既馬高斯阿朗素打得非常吃力，經常要卡希爾以及巴卡約高從旁協助。．圖片來源 : Daily Mirror
至於另一邊路方面，今夏選擇拒絕加盟車路士既張伯倫與替代者薩柏哥斯達在左路正面對決，但無論身體素質以及速度技巧方面都係前者相對地較優勝，意大利人多次誤傳造就對手反擊機會，相信摩西斯正式復出過後佢將會返回後備席上；相反，今場取代法比加斯為正選既真禾達表現可以話非常理想，一搶到波之後就能夠有效地交到前場並前插，亦能為後場球員提供合適既保護，大大分擔左過往只由簡迪負責全場走動既工作，當然今場係佢自傷癒復出後第一場大戰正選，見到狀態已經慢慢提升緊。．圖片來源 : We Ain't Got No History
上半場雙方都係唔少威脅攻門，可惜一一被對手擋出或化解，下半場繼續由利物浦採取主導，終於去到65分鐘由沙拿先開紀錄，把握得到巴卡約高既甩腳射成1-0，隨即高普安排韋拿杜姆入替史杜列治，加強番中場既對抗性希望保住哩一球既優勢；而干地亦相繼換入法比加斯及柏度，增加創造性及加強攻力。．圖片來源 : Daily Mirror
雖然法比加斯落場後的確多左好多快而準既長傳，但由於利物浦既防線已收窄既關係，調動上未見有實質成效，干地唯有安排埋後備席上最後一位攻擊球員上陣，由韋利安入替薩柏哥斯達並將先前換入既柏度移到右翼衛。幸運地去到85分鐘竟然得到機會，巴西人一腳似傳非傳既射門笠過米勞列追成平手，哩球幸運成份相信佔左九成，但以車路士哩八十多分鐘既表現黎講又理應值得得到一分。．圖片來源 : www.premierleague.com
高普亦估唔到自己球隊喺完場前比人追平，放手一博之下同時換入文尼以及拉蘭拿，可惜已經為時已晚，最終各得一分握手而和。對於車路士黎講在舟車勞頓下作客晏菲路能夠得分可以話相當合適，相反高普既最後調動相信有唔少球迷存在質疑。
如果你沉晚無睇到哩場波，小弟絕對覺得你應該睇番全場重溫，真係非常好睇絕無悶場。
文章最後更新時間 : 26/11/2017 13:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊