《小總結》莫拉達加盟後 車路士的轉會工作達到一半還是已經完結?

BluexLion車迷手記 於 20/07/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

相信唔少車路士球迷都過左一個亢奮既晚上,依加都係時候冷靜落黎,如無意外莫拉達喺體測過後就會到中國與球隊會合。睇番車路士哩個轉會窗至今一共有四宗收購,而離開既球員多不勝數,究竟轉會收購陸續有黎,定係莫拉達既加盟已經代表轉會工作完成?一齊分析一下。
.圖片來源 : Daily Star

睇番今次去中國既大軍名單,正選陣容當中主要係缺少左迪亞高哥斯達同馬迪,前者睇到莫拉達既轉會消息理應係最不快既一位,而後者本身已經有離心,離開亦只係時間問題,兩位同時不乏潛在買家。相反,喺大軍名單入面亦有部份球員有機會離開,當中包括前鋒雷米、邊路球員堅尼地、後衛卡拉斯等外借回歸球員,相信干地會喺今次亞洲之旅考察佢地喺熱身賽既表現,定斷合唔會乎戰術需要,再決定放行外借還是批準正式轉會離開。
.圖片來源 : Sports News XL

那邊箱喺仲有球員會離開下,車路士理應需要再作出好幾個位置既收購。先講後防方面,中堅相信已組軍完成,大衛雷斯、卡希爾、艾斯派古達、基斯甸臣連同新收購既魯迪加會輪流上陣。反而翼衛會係需要補強既地方,祖雲達斯在放走主力邦路斯後不會再輕易讓阿歷士辛度離開,而皇馬既右閘丹尼路亦被曼城捷足先登,本身擁有既堅尼地在場上位置明顯存在不適應,而巴巴拉文未知因傷還是被干地放棄未有入選亞洲大軍名單當中。
.圖片來源 : Metro

中場方面,即使擁有從摩納哥收購既巴卡約高,連同本身既法比加斯、簡迪同馬迪似乎好完整,但後者選擇喺哩個時候離開,使車路士不得不再需要收購多一名中場球員,原本查路巴可作替任人選,但球員本人拒絕藍軍既高薪合約離開,主要原因係球會無法保証佢有穏定既出場時間。當然,外借回歸既球員當中亦有中場新星貝加等,有機會獲干地留任成為替補球員。
.圖片來源 : Watford FC

到邊路攻擊球員與前鋒位置,夏薩特因傷將會缺席季初多場賽事,人手上只餘下柏度及韋利安二人作正選之用,年輕小將蒙桑達有機會獲得留任作邊路替補,而前鋒亦有巴舒亞伊及新收購既莫拉達,雷米暫時未知下一步去向,留任作第三前鋒亦為合適。如果喺攻擊位置上再有球員離開,球會就必需再添收購,否則戰力上絕不足以應付下季四線作戰以及夏薩特季初既缺陣。
.圖片來源 : IBTimes India

總括而言,當務之急係喺翼位位置上尋找新目標,再因應干地既安排同球員熱身賽既表現,選擇喺中前場上作出收購,查路巴、艾基等一代離開,亦代表蒙桑達、貝加等一代上任,作為球迷只能夠繼續支持球隊同球員有出色發揮。

有新消息再同大家交代,待續...

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/


標籤: 莫拉達  車路士  干地  

留言


請按此登錄後留言。未成為會員? 立即註冊
    快捷鍵:←
    快捷鍵:→