《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Metro
久違既三連勝，無疑為車路士打下強心針，始終聯賽爭入前四仍然有數字上既可能，睇得出球員哩幾場比賽都回復信心，同時今場莫拉達亦取得入球，球員精神面貌亦似乎鬆一口氣，雖然再一次係用頭槌破網，繼續由艾斯派古達交出助攻，唔通莫拉達真係唔識用腳入波？
今場對修咸頓既足總盃準決賽，場面上最精彩其實係下半場尾段兩隊都互有攻守既畫面。開波初段車路士的確有幾下相當具威脅既埋門，可惜既係較為欠運，曉士隨即將修咸頓陣型進一步收窄以防守為主，確保上半場不失球為重，而藍軍亦無力突破密集，雙方半場握手而和入更衣室。
到下半場一出返黎，「銀河唯一」閃電式破網，入球方式雖然係一個過幾個，不過其實都只係仆下仆下咁射入，並無外界所講得咩美斯上身咁浮誇。車路士取得領先優勢後，修咸頓亦開始加快番進攻既腳步，曉士相繼換入進攻球員加強向藍軍後場施壓，而喺哩個時候干地選擇抽起韋利安換入巴卡約高，未知前者係因為覺得自己打得差，還是不滿意大利人哩下臨場調動，被換出後球員選擇跨過廣告板直衝更衣室。
轉陣352喺打多一個中場下車路士似乎亦未能夠取得場面上既優勢，反而由於前線少左一個人，導致反擊時更欠缺力度，干地就作出第二個換人調動，用柏度換入法比加斯，球迷們亦不解哩下換人調動，以為會變番打343，而柏度喺場上企位亦同上場對般尼既位置一樣，游走於前鋒與中場之間。而最後亦換入莫拉達取代基奧特，西班牙人入場第一下就經已取得入球。
好一段時間未見過既「28+9」入波方程式再現，不過其實佢仲有兩次黃金機會都把握唔到，莫拉達喺搶點同頭槌方面的確係幾好，但可能就因為咁比球迷誤以為搶到點做到頭槌就姐係做到支點，喺身體質素方面佢真係要加強番先可以到英超既後衛對抗一下，如果唔係咁的話，干地就應該將基奧特與莫拉達同場，利用「銀河唯一」既優勢為後者開路，但佢又唔敢收起夏薩特或者嘗試將佢調到其他位置。
希望球隊能夠延續三連勝既氣勢，以不放棄既精神打埋淨番落黎既賽事。
文章最後更新時間 : 23/04/2018 10:30
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Metro
久違既三連勝，無疑為車路士打下強心針，始終聯賽爭入前四仍然有數字上既可能，睇得出球員哩幾場比賽都回復信心，同時今場莫拉達亦取得入球，球員精神面貌亦似乎鬆一口氣，雖然再一次係用頭槌破網，繼續由艾斯派古達交出助攻，唔通莫拉達真係唔識用腳入波？
今場對修咸頓既足總盃準決賽，場面上最精彩其實係下半場尾段兩隊都互有攻守既畫面。開波初段車路士的確有幾下相當具威脅既埋門，可惜既係較為欠運，曉士隨即將修咸頓陣型進一步收窄以防守為主，確保上半場不失球為重，而藍軍亦無力突破密集，雙方半場握手而和入更衣室。
到下半場一出返黎，「銀河唯一」閃電式破網，入球方式雖然係一個過幾個，不過其實都只係仆下仆下咁射入，並無外界所講得咩美斯上身咁浮誇。車路士取得領先優勢後，修咸頓亦開始加快番進攻既腳步，曉士相繼換入進攻球員加強向藍軍後場施壓，而喺哩個時候干地選擇抽起韋利安換入巴卡約高，未知前者係因為覺得自己打得差，還是不滿意大利人哩下臨場調動，被換出後球員選擇跨過廣告板直衝更衣室。
轉陣352喺打多一個中場下車路士似乎亦未能夠取得場面上既優勢，反而由於前線少左一個人，導致反擊時更欠缺力度，干地就作出第二個換人調動，用柏度換入法比加斯，球迷們亦不解哩下換人調動，以為會變番打343，而柏度喺場上企位亦同上場對般尼既位置一樣，游走於前鋒與中場之間。而最後亦換入莫拉達取代基奧特，西班牙人入場第一下就經已取得入球。
好一段時間未見過既「28+9」入波方程式再現，不過其實佢仲有兩次黃金機會都把握唔到，莫拉達喺搶點同頭槌方面的確係幾好，但可能就因為咁比球迷誤以為搶到點做到頭槌就姐係做到支點，喺身體質素方面佢真係要加強番先可以到英超既後衛對抗一下，如果唔係咁的話，干地就應該將基奧特與莫拉達同場，利用「銀河唯一」既優勢為後者開路，但佢又唔敢收起夏薩特或者嘗試將佢調到其他位置。
希望球隊能夠延續三連勝既氣勢，以不放棄既精神打埋淨番落黎既賽事。
文章最後更新時間 : 23/04/2018 10:30
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊