《默默耕耘的最佳進步奬 - 域陀摩西斯》

藍獅 於 22/02/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Báo Mới

一個球員,可能在職業生涯中沒有幾多次機會遇到一個好教練,過程當中,可能遇上唔少挫折、無限次失敗,尤其係你活在一間大球會,如果你本身質素唔高又唔係靠星味的話,無番咁上下意志同自信基本上都唔可能生存得耐。而今集想講既主角,正正遇上干地,否則已經好大機會離開左車路士了,佢叫域陀摩西斯。

2012年,藍軍以傳奇式奪得歐聯冠軍過後,油王艾巴莫域治一改固有硬朗作風,收購一堆以夏薩特為首既「技術流」球員,由於摩西斯在效力韋根時,在對陣車路士有非常亮眼既表現,因而成為收購對象亦不感意外。「一登龍門 聲價十倍」並沒有發生在摩西斯身上,反而令佢既足球路變得更難行,雖然加盟後第一季上陣次數唔少,更在各項賽事一共取得十個入球,助球隊成為應屆歐霸盃冠軍,但自摩連奴再一次執掌車路士帥印後,摩西斯的命運亦再一次受改變。

成為「出租車」一員,先後被藍軍外借至利物浦、史篤城以及韋斯咸,而其中在每間球會均打不上主力,什至連後備上陣既機會都小之有小。再一次回到車路士參與季前集訓,而主帥亦變為干地,外界當時預測哩位意國教頭會選用番自己拿手既三後衛陣式,至於右翼衛人選?我諗從未有人諗過會係摩西斯,事關在外借名單當中唔知大家仲記唔記得,有一位無論名氣同實力都係數一數二既右翼衛之選,佢叫古亞達度。

摩西斯一度盛傳被清洗,但球員一於少理繼續在訓練時賣力,熱身賽表現比起古亞達度更為注目,用行動証明自己希望留效車路士既決心,後者最終亦選擇放棄哩個競爭機會,寧願回到熟悉既意甲生活,干地亦無意強留一啲不敢面對新挑戰既球員;摩西斯於英超打滾多年,雖然個人技術未算上乘,但勝在體能同身體質素好,用速度過你就過你唔做多餘野,踢法相當積極,而且能夠有效地遵從教練戰術安排,其實係非常好洗好用。

也許這是天意弄人,外借表現不佳引致未有買家羅致,但冥冥中自有安排,機會總會再一次溜入有準備既人手上,尤其係摩西斯哩啲在背後默默耕耘而且低調既球員,只要遇上伯樂,就能夠在球場上發光發亮。

有一種黑暗變做光明,叫域陀摩西斯。

文章最後更新時間 : 17/02/2018 20:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  干地  摩西斯  域陀摩西斯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→