《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
車路士大軍經已飛到美國參與季前集訓，當中除左路夫斯捷克及簡迪因未有接種疫苗而需要留番喺倫敦之外，官方亦宣佈小將波查（Armando Broja︱亦稱保查）將會喺稍後時間會合大軍，早前傳出球員希望喺集訓前就個人前景作出決定，若然主帥杜曹未能保証佢喺新球季得到一定上陣時間，波查希望以出售形式離隊他投，究竟今次官方所講既延遲歸隊係仲要時間傾？還是有其他私人原因？一齊同大家講下哩位近年藍軍掘起既新星，點解會受到各支英超中游球隊所注視。
阿爾巴尼亞籍既波查自九歲起就加入車路士青年軍，一步步於梯隊內晉升，對藍軍可以話有深厚既感情，直到前年2020年佢得到一個外借機會，轉投至同車路士經常合作既荷甲維迪斯一個球季，波查喺出發前亦有搵師兄蒙特傾過比啲意見，是關後者喺回歸史丹福橋確立正選一席之前都曾經同樣地外借到維迪斯效力，都認為荷甲既環境係一個唔錯既起步點，所以波查最終都決定離開自己成長既地方，獨自一人去荷蘭挑戰另一個新環境。
而言果一季哩位阿爾巴尼亞前鋒的確交出一張唔錯既成績表，34場賽事交出11個入球3個助攻，亮眼既表現亦吸引到一眾英超球隊願意提出一個外借機會比佢，而修咸頓正正係其中之一，進一步驗證自己既實力水平去到邊；同另一位師兄艾巴咸唔同，同樣擁有高大身軀既波查非常擅長背向龍門既工作，前者主要都以支點形式二傳比隊友推進，而細四年既佢就可以自己做埋轉身推進果範，再判斷跑動路線快速奔路至前場，繼而睇下會自己完成埋門還是交比隊友處理，加上身體對抗性唔弱，喺前線既侵略性可以話相當大。
波查並唔係啲典型既9號位球員，佢企位上停留喺中路既時間其實係好少，相反球員更為活躍於邊路兩側作接應，於對手閘位同中堅球員之間尋找缺口，而且佢亦擅於短時間內策動攻勢，講緊既無論係佢自己透過高速既跑動推進抑或為隊友製造機會，只要比波查捕捉到一下機會，對手就必需透過戰術犯規去整停攻勢；不過哩類年輕球員亦都並非無缺點的，修咸頓領隊哈辛赫圖（Ralph Hasenhuttl）就曾經批評過佢對於無球在腳既工作投入度不足，姐係球員對於現代化既前場壓迫並不能提供到有效輸出，對於球隊第一點防守既處理仍有進步空間。
睇番佢上季喺修咸頓既數據，各項賽事上陣38場交出9入球1助攻，表現算不上好亮眼，不過在於新秀首季於英超亮相就以七三比例擔任正選與後備，實在不能苛求得太多，再以一整季黎睇埋入球分佈時段，自冬季轉會窗過後佢喺英超賽場就經已無乜入波，換句話說波查同其他年輕小將一樣缺乏持續既穩定性，當勢頭好腳風順時就相當順境，但每當一進入入球荒時就難以擺脫劣勢，實在需要更多時間同機會去累積經驗成長。
而睇番車路士依加既需要同杜曹既戰術體系，波查喺埋門處理同背身工作方面的確好符合藍軍哩一刻所需，但要留意球員既技術特點係好依賴低位防守同反擊空間，修咸頓主要利用防反去製造攻勢，的確能有效發揮得到波查既個人特質，相反車路士既戰術主要以控球為重心，除非強強對碰否則你有幾可會見到藍軍打低位防守打反擊，喺主控場面佔多既情況下阿爾巴尼亞人既技術特點就未必能夠完全發揮，對手又會比到幾多空間同機會佢去透過跑動而捕捉得到？哩一點係存在疑問。
個人認為波查的確係一個唔錯既「後手」球員，於落後時又或者需要打反擊果陣換佢到場上，相信係會有唔錯既效果，但如果球員本人堅持要正選一席位的話，抱歉地說夏維斯先會係杜曹以至一眾車迷喺哩一刻陣中既首選，不過藍軍喺新賽季始終需要人手應付各項戰線，加上英超新例將提升至五名換人名額，如果杜曹能夠平衡到夏維斯同波查之間既上陣時間，後者的確係會有一定既出場機會，而修咸頓、韋斯咸、紐卡素連同舊帥林伯特所帶領既愛華頓都對波查虎視眈眈，希望將佢收歸旗下。
其實波查都並不需要急著一時連季前集訓都唔參與就同球會攤牌，事關喺上季外借到修咸頓前球員查實已經同車路士續約至2026年，意味住即使哩一刻離開既定價都會較高，更何況就連杜曹都未見一面就要人保證出場時間決定前景，對於職業球員黎講又未免太過兒戲了吧，先返黎試試再商議出路同解決辦法方為上策，說不定杜曹喺戰術上有啲新念頭呢...
文章發表時間 : 13/7/2022 15:05
文章最後更新時間 : 13/7/2022 15:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
車路士大軍經已飛到美國參與季前集訓，當中除左路夫斯捷克及簡迪因未有接種疫苗而需要留番喺倫敦之外，官方亦宣佈小將波查（Armando Broja︱亦稱保查）將會喺稍後時間會合大軍，早前傳出球員希望喺集訓前就個人前景作出決定，若然主帥杜曹未能保証佢喺新球季得到一定上陣時間，波查希望以出售形式離隊他投，究竟今次官方所講既延遲歸隊係仲要時間傾？還是有其他私人原因？一齊同大家講下哩位近年藍軍掘起既新星，點解會受到各支英超中游球隊所注視。
阿爾巴尼亞籍既波查自九歲起就加入車路士青年軍，一步步於梯隊內晉升，對藍軍可以話有深厚既感情，直到前年2020年佢得到一個外借機會，轉投至同車路士經常合作既荷甲維迪斯一個球季，波查喺出發前亦有搵師兄蒙特傾過比啲意見，是關後者喺回歸史丹福橋確立正選一席之前都曾經同樣地外借到維迪斯效力，都認為荷甲既環境係一個唔錯既起步點，所以波查最終都決定離開自己成長既地方，獨自一人去荷蘭挑戰另一個新環境。
而言果一季哩位阿爾巴尼亞前鋒的確交出一張唔錯既成績表，34場賽事交出11個入球3個助攻，亮眼既表現亦吸引到一眾英超球隊願意提出一個外借機會比佢，而修咸頓正正係其中之一，進一步驗證自己既實力水平去到邊；同另一位師兄艾巴咸唔同，同樣擁有高大身軀既波查非常擅長背向龍門既工作，前者主要都以支點形式二傳比隊友推進，而細四年既佢就可以自己做埋轉身推進果範，再判斷跑動路線快速奔路至前場，繼而睇下會自己完成埋門還是交比隊友處理，加上身體對抗性唔弱，喺前線既侵略性可以話相當大。
波查並唔係啲典型既9號位球員，佢企位上停留喺中路既時間其實係好少，相反球員更為活躍於邊路兩側作接應，於對手閘位同中堅球員之間尋找缺口，而且佢亦擅於短時間內策動攻勢，講緊既無論係佢自己透過高速既跑動推進抑或為隊友製造機會，只要比波查捕捉到一下機會，對手就必需透過戰術犯規去整停攻勢；不過哩類年輕球員亦都並非無缺點的，修咸頓領隊哈辛赫圖（Ralph Hasenhuttl）就曾經批評過佢對於無球在腳既工作投入度不足，姐係球員對於現代化既前場壓迫並不能提供到有效輸出，對於球隊第一點防守既處理仍有進步空間。
睇番佢上季喺修咸頓既數據，各項賽事上陣38場交出9入球1助攻，表現算不上好亮眼，不過在於新秀首季於英超亮相就以七三比例擔任正選與後備，實在不能苛求得太多，再以一整季黎睇埋入球分佈時段，自冬季轉會窗過後佢喺英超賽場就經已無乜入波，換句話說波查同其他年輕小將一樣缺乏持續既穩定性，當勢頭好腳風順時就相當順境，但每當一進入入球荒時就難以擺脫劣勢，實在需要更多時間同機會去累積經驗成長。
而睇番車路士依加既需要同杜曹既戰術體系，波查喺埋門處理同背身工作方面的確好符合藍軍哩一刻所需，但要留意球員既技術特點係好依賴低位防守同反擊空間，修咸頓主要利用防反去製造攻勢，的確能有效發揮得到波查既個人特質，相反車路士既戰術主要以控球為重心，除非強強對碰否則你有幾可會見到藍軍打低位防守打反擊，喺主控場面佔多既情況下阿爾巴尼亞人既技術特點就未必能夠完全發揮，對手又會比到幾多空間同機會佢去透過跑動而捕捉得到？哩一點係存在疑問。
個人認為波查的確係一個唔錯既「後手」球員，於落後時又或者需要打反擊果陣換佢到場上，相信係會有唔錯既效果，但如果球員本人堅持要正選一席位的話，抱歉地說夏維斯先會係杜曹以至一眾車迷喺哩一刻陣中既首選，不過藍軍喺新賽季始終需要人手應付各項戰線，加上英超新例將提升至五名換人名額，如果杜曹能夠平衡到夏維斯同波查之間既上陣時間，後者的確係會有一定既出場機會，而修咸頓、韋斯咸、紐卡素連同舊帥林伯特所帶領既愛華頓都對波查虎視眈眈，希望將佢收歸旗下。
其實波查都並不需要急著一時連季前集訓都唔參與就同球會攤牌，事關喺上季外借到修咸頓前球員查實已經同車路士續約至2026年，意味住即使哩一刻離開既定價都會較高，更何況就連杜曹都未見一面就要人保證出場時間決定前景，對於職業球員黎講又未免太過兒戲了吧，先返黎試試再商議出路同解決辦法方為上策，說不定杜曹喺戰術上有啲新念頭呢...
文章發表時間 : 13/7/2022 15:05
文章最後更新時間 : 13/7/2022 15:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊