《關於杜曹 我想說的是...》

藍獅 於 27/01/2021 發表 收藏文章
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-


無論你係咪認同球隊選擇哩一刻同林伯特和平分手都好,一切其實都已成定局,而杜曹亦走馬上任正式接任車路士主教練一職,而球迷們對哩位德國少帥既加盟意見不一,有人認為佢連PSG咁既豪門都搞唔掂,亦有人認為佢只屬於過渡方案,但對於杜曹既觀感主要都源於過去既印象之中...

在於季中時間,能夠立刻接任主教練既人選並唔多,當中以前紅牛集團足球總監蘭歷克以及早前被巴黎聖日門辭退既杜曹同藍軍傳得最為火熱,如果要筆者在兩者之中選擇的話,蘭歷克會稍作優先之選,奈何佢實在需要過大既權力掌控,對於車路士黎講實在難以妥協,而相比於蘭歷克黎講杜曹係較為容易入口,再加上以藍軍現時既陣容,喺無太多轉會操作既前題底下亦對於杜曹黎講經已有足夠發揮。

而筆者對於杜曹既上任亦充滿期待,過往其實一直都有批評前主帥林伯特既戰術安排最為人詬病不思進取,更何況杜曹過往係以戰術層面起家,哩一方面既思路同內容定必能夠為球隊發揮得出更大可能性,尤其係面對住今季加盟既添姆雲拿、夏弗斯以及薛耶治等進攻好手喺度,依一刻既聯賽排名實在不足以反映得出藍軍所擁有既攻力上限,高層選擇哩一刻出手換帥其實都係無奈既選擇。

高層喺方向上依舊搵黎富有進攻色彩既杜曹,可見得球會繼續希望以耀目進攻作為未來大方向,不過球迷們亦擔心喺林伯特離開之後一眾年輕球員既前境,過往杜曹其實都非常善用執教球隊之中既年青球員,而個人認為林伯特更過份地側重於佢地,就好似喺右閘位置上經常選用列斯占士,傷癒復出都未重拾狀態經已要佢連續應付兩場賽事,反而艾斯派古達就連坐冷板凳,就連輪換機會都無,實在有啲難講通。

無論點都好,杜曹上任都已成事實,而一年半既合約亦給予足夠既時間為球隊灌輸佢既足球理念,至少對於車路士哩一刻黎講,最重要既係改變...


文章發表時間 : 27/01/2021 20:50
文章最後更新時間 : 27/01/2021 20:50

《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  杜曹  

留言


請按此登錄後留言。未成為會員? 立即註冊
    快捷鍵:←
    快捷鍵:→