《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
好老實係咪贏得好有說服力就並唔係既，如果你係中立球迷睇見場波既上半場相信都會選擇早啲訓，不過車路士喺半場調整後開始逐步控制戰局，而韋拉所帶領既水晶宮亦總算打出表現，藍軍晉級決賽後將會再次面對利物浦，亦會係聯賽盃決賽戲碼翻版。
喺背水一戰力戰而敗比皇馬於歐聯出局後，杜曹喺今場波作出左少量調動，後防線由基斯甸臣取代堤亞高施華伙拍魯迪加同列斯占士為三中堅，艾斯派古達亦回歸正選擔任右翼衛，左翼衛正選繼續係馬高斯阿朗素，而雙中場依然都係高華錫伙拍佐真奴，前面三箭頭就係夏維斯、添姆雲拿以及蒙特。
將賽事分為上下兩部份去睇，車路士喺上半場既表現的確喺合格線之下，跑動輸出太少，傳球速率亦偏慢，藍軍球員可以話疲態盡現，而水晶宮即使缺少左干查加拉加既倒戈表現都無乜過份走樣，韋拉依舊要球隊保持緊密防守及適量壓迫，靜待反擊機會由沙夏領軍於車路士後場大造文章，亦成功將客隊分割成兩個戰區，有效地切斷藍軍前場同中後場既連接，尤其係喺高華錫受傷後更為明顯；而有唔少球迷都對於艾斯派古達同列斯占士既位置都存在疑問，認為二人應調轉角色出任，但其實杜曹主要希望後者專注防守沙夏，如果由隊長出任右中堅角色的話，會相當吃力。
下半場由更衣室返出黎後，見得到車路士作出左唔少調整，最前點由添姆雲拿取代夏維斯，後者較多時墜後負責連接中前場，拉近佢同佐真奴之間既距離，好幾下都見到夏維斯接應中後場隊友傳球後經已有空間立即轉身推動進攻，而同樣地路夫斯捷克亦負責類近職責，面對住昔日水晶宮既舊隊友愈打愈放，更收錄得一球世界波為車路士先開紀錄，亦開始控制戰局相繼換入盧卡古、簡迪等人，令水晶宮無力回天。
當然去到比賽最後階段雲拿同盧卡古都各有埋門欠運，否則會以更大比數終結賽事，不過無論如何車路士今場波既表現都只能夠講不過不失，主力球員出現疲態相信下場面對同巿對手阿仙奴會再度作出少量輪換，尤其係佢地同熱刺都喺上輪失分令球隊有空間作調整，始終依加爭冠戰線只係剩餘足總盃哩一條，最重要保持球員健康保留實力為上策。
文章發表時間 : 18/4/2022 11:10
文章最後更新時間 : 18/4/2022 11:10
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
好老實係咪贏得好有說服力就並唔係既，如果你係中立球迷睇見場波既上半場相信都會選擇早啲訓，不過車路士喺半場調整後開始逐步控制戰局，而韋拉所帶領既水晶宮亦總算打出表現，藍軍晉級決賽後將會再次面對利物浦，亦會係聯賽盃決賽戲碼翻版。
喺背水一戰力戰而敗比皇馬於歐聯出局後，杜曹喺今場波作出左少量調動，後防線由基斯甸臣取代堤亞高施華伙拍魯迪加同列斯占士為三中堅，艾斯派古達亦回歸正選擔任右翼衛，左翼衛正選繼續係馬高斯阿朗素，而雙中場依然都係高華錫伙拍佐真奴，前面三箭頭就係夏維斯、添姆雲拿以及蒙特。
將賽事分為上下兩部份去睇，車路士喺上半場既表現的確喺合格線之下，跑動輸出太少，傳球速率亦偏慢，藍軍球員可以話疲態盡現，而水晶宮即使缺少左干查加拉加既倒戈表現都無乜過份走樣，韋拉依舊要球隊保持緊密防守及適量壓迫，靜待反擊機會由沙夏領軍於車路士後場大造文章，亦成功將客隊分割成兩個戰區，有效地切斷藍軍前場同中後場既連接，尤其係喺高華錫受傷後更為明顯；而有唔少球迷都對於艾斯派古達同列斯占士既位置都存在疑問，認為二人應調轉角色出任，但其實杜曹主要希望後者專注防守沙夏，如果由隊長出任右中堅角色的話，會相當吃力。
下半場由更衣室返出黎後，見得到車路士作出左唔少調整，最前點由添姆雲拿取代夏維斯，後者較多時墜後負責連接中前場，拉近佢同佐真奴之間既距離，好幾下都見到夏維斯接應中後場隊友傳球後經已有空間立即轉身推動進攻，而同樣地路夫斯捷克亦負責類近職責，面對住昔日水晶宮既舊隊友愈打愈放，更收錄得一球世界波為車路士先開紀錄，亦開始控制戰局相繼換入盧卡古、簡迪等人，令水晶宮無力回天。
當然去到比賽最後階段雲拿同盧卡古都各有埋門欠運，否則會以更大比數終結賽事，不過無論如何車路士今場波既表現都只能夠講不過不失，主力球員出現疲態相信下場面對同巿對手阿仙奴會再度作出少量輪換，尤其係佢地同熱刺都喺上輪失分令球隊有空間作調整，始終依加爭冠戰線只係剩餘足總盃哩一條，最重要保持球員健康保留實力為上策。
文章發表時間 : 18/4/2022 11:10
文章最後更新時間 : 18/4/2022 11:10
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊