《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
傷兵滿營，按主力陣容黎講車路士經已有大半隊正選名單面目全非，當然主隊既傷兵亦都唔少，不過今場波有舊帥雲尼亞里帶領既屈福特明顯技勝一籌，藍軍都純贏運氣以全取三分全身而退，但黎緊既賽程都相當難行。
今場波杜曹亦安排左唔少輪換，防線由基斯甸臣頂替堤亞高施華出任正選，伙拍魯迪加同小將查路巴，左右翼衛由馬高斯阿朗素同艾斯派古達取代因傷缺陣既捷維爾同列斯占士，中場方面亦有路夫斯捷克同沙奧尼古斯作正選，佐真奴先列後備，至於前線就有夏維斯擔任箭頭伙拍佩利錫同蒙特；好老實成場波其實都係比人撳住黎打，由開波到二十分鐘先開始叫做自己Run到第一下攻勢，屈福特明顯撳住車路士左路同中路兩個位黎針對性咁打，阿朗素明顯未上力，多次被對手強行爆破衝擊，如果唔係魯迪加喺左路包波做保護，應該一早已經失波。
再到中路，屈福特明顯用人數優勢去overload藍軍中場，經常性三四個球員群集喺中路推進，令沙奧同路夫斯捷克根本唔知睇得實邊個咁，仲未計哩對組合係今季第一場夾打正選，而蒙特亦好少回後喺中場幫波，即使接應到都好快被對手埋身加上佢都明顯唔夠態，中場保護、遮線同掩護不足下令防線面對壓力相當之大。
而入球都主要係靠球員個人能力同對手防守漏洞所致，老實講屈福特今場波既表現至少值得拎一分走，不過藍軍今場波都叫有少許亮點，首先係夏維斯，比起早幾場盧卡古養傷打正選時今場波明顯知自己要做啲咩同可以做啲咩，好幾下背身擔位接應、持球推進同埋門都做得相當好，早幾場都真係遊雲多，令外就係美隊佩利錫，幾場波打唔同位，今場後段更加被安排擔任右翼衛，每下波都去盡work rate高，不過都要錫身唔好又傷。
傷兵愈黎愈多，賽程愈黎愈緊密，好態既球員又傷，傷癒復出既球員又未上力，相信對杜曹黎講哩個考驗絕對唔細，再望望積分榜原來我地仲捱到喺榜首，不過望下手上武器一場少一件，杜曹仲會有咩計呢？
文章發表時間 : 3/12/2021 08:50
文章最後更新時間 : 3/12/2021 08:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
傷兵滿營，按主力陣容黎講車路士經已有大半隊正選名單面目全非，當然主隊既傷兵亦都唔少，不過今場波有舊帥雲尼亞里帶領既屈福特明顯技勝一籌，藍軍都純贏運氣以全取三分全身而退，但黎緊既賽程都相當難行。
今場波杜曹亦安排左唔少輪換，防線由基斯甸臣頂替堤亞高施華出任正選，伙拍魯迪加同小將查路巴，左右翼衛由馬高斯阿朗素同艾斯派古達取代因傷缺陣既捷維爾同列斯占士，中場方面亦有路夫斯捷克同沙奧尼古斯作正選，佐真奴先列後備，至於前線就有夏維斯擔任箭頭伙拍佩利錫同蒙特；好老實成場波其實都係比人撳住黎打，由開波到二十分鐘先開始叫做自己Run到第一下攻勢，屈福特明顯撳住車路士左路同中路兩個位黎針對性咁打，阿朗素明顯未上力，多次被對手強行爆破衝擊，如果唔係魯迪加喺左路包波做保護，應該一早已經失波。
再到中路，屈福特明顯用人數優勢去overload藍軍中場，經常性三四個球員群集喺中路推進，令沙奧同路夫斯捷克根本唔知睇得實邊個咁，仲未計哩對組合係今季第一場夾打正選，而蒙特亦好少回後喺中場幫波，即使接應到都好快被對手埋身加上佢都明顯唔夠態，中場保護、遮線同掩護不足下令防線面對壓力相當之大。
而入球都主要係靠球員個人能力同對手防守漏洞所致，老實講屈福特今場波既表現至少值得拎一分走，不過藍軍今場波都叫有少許亮點，首先係夏維斯，比起早幾場盧卡古養傷打正選時今場波明顯知自己要做啲咩同可以做啲咩，好幾下背身擔位接應、持球推進同埋門都做得相當好，早幾場都真係遊雲多，令外就係美隊佩利錫，幾場波打唔同位，今場後段更加被安排擔任右翼衛，每下波都去盡work rate高，不過都要錫身唔好又傷。
傷兵愈黎愈多，賽程愈黎愈緊密，好態既球員又傷，傷癒復出既球員又未上力，相信對杜曹黎講哩個考驗絕對唔細，再望望積分榜原來我地仲捱到喺榜首，不過望下手上武器一場少一件，杜曹仲會有咩計呢？
文章發表時間 : 3/12/2021 08:50
文章最後更新時間 : 3/12/2021 08:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊