車路士能夠承受得起沒有夏薩特的日子嗎?

BluexLion車迷手記 於 30/12/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : Sky Sports

近幾季每個轉會窗都有零星報導指出,皇家馬德里有意收購車路士重點要員夏薩特,相信這已經是一個公開的秘密,直到沉日再次傳出藍軍尚未與比利時人開啟續約談判,同時間指出球員本人還等待著皇馬開價。現時的車路士,能夠承受得起沒有夏薩特的日子嗎?

2012年藍軍傳奇式奪得歐聯冠軍後,一氣過收購了一批技術型球員試圖改變硬朗風格,而夏薩特正是其中一員。自加盟後,一直都利用出色既自身技術及個人能力,付出所有去幫助球會在各項錦標上力爭上游,至今一共收獲歐霸盃冠軍、兩次英超冠軍及一次足總盃冠軍,但尚未能為藍軍再喺歐聯賽事上再創佳績。局勢動蕩,與前主帥摩連奴鬧翻,一度在藍橋經歷不如意的日子,直到依加由干地執教後至回復番過往水準。

不經不覺已經踏入二十有六,由當日既潛力新星,變成今日各大球迷所稱既「夏世三」,但始終都唔能夠更上一層樓,與當今球壇兩位標誌性人物美斯及C朗拿度齊名,雖然夏薩特聲稱對於依加喺藍橋既生活表示滿意,但一直未能衝擊歐冠及挑戰球王地位,想加盟一間更具名聲及影響力既球會去獲取更高既個人成就亦係無容置疑的。當然,唔排除一切只係球員同其經理人(正是他父親)既公關手段,去換取一份週薪更可觀既合約。

而自干地接任主帥之位後,意大利人既戰術及陣式一直都以整體配合為主,比較過往其它曾執教車路士既教練黎講,確實係減輕對夏薩特既依賴及球員自身負擔,只係由於比利人既個人技術同突破力都係喺隊中數一數二,在場上絕對係對手及球迷既著眼點,引致各界都覺得無左夏薩特既車路士等於一隻「無牙獅子」。季初的確有一段時間佢因傷缺陣,睇得出球隊攻力上係受到影響,但其實球隊在位置上缺少具質素既球員至係主因。

在邊路攻擊位置上,柏度同韋利安都只係啲單一利用反擊作重心既攻擊手,前者主要利用速度及賣力作特點,而後者只係「工兵式」走上走落,至於仲係年輕既夏薩特師弟梅桑達亦只係賣弄腳法為主,身體質素不足以讓佢喺依一刻在英超立足,無論人數、能力及質素,車路士都有需要在哩個位置上進行補強。與此同時,干地今季亦有意將過往既343陣式昇華至熟悉既352,位置上夏薩特被安排與莫拉達站在最前線,但其位置又真的不能被取替?

過往干地喺祖雲達斯同意大利國家隊所用既352陣式,最前線既搭檔都係以一高一矮,一名高位善頂而另一名則著重速度技術突破,明顯依加車路士既莫拉達及夏薩特都係同時偏重於技術方面,面對一啲典型英式著重防守球隊缺少了前線應有既硬度,即使轉變為無鋒陣時亦有久攻不下既場面,收購一名全新風格既正中鋒在配合下得出既效果有機會更具威脅及全面。

而要喺球壇上要搵番同夏薩特一樣性質同時具備技術突破、創造力及高水準射手觸角既球員選擇並唔多,比較類近既就只有尼馬以及麥巴比,但兩者由巴塞及摩納哥雙雙加盟巴黎聖日門後相信短期內都唔會離開。同時間較有潛力以及與藍軍有傳聞的,有摩納哥既利馬、馬體會既卡拉斯高、皇馬既阿辛斯奧等等,雖然各有優劣之處,但相信球迷對於干地所收購的目光也是準確的,只要球會不要再亂石投林,理應無論缺少陣中那一名球員都能夠將影響力減到最低。

文章最後更新時間 : 30/12/2017 13:15

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  夏薩特  皇家馬德里  干地  

留言


請按此登錄後留言。未成為會員? 立即註冊
    快捷鍵:←
    快捷鍵:→