《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
冬季轉會窗仲有唔夠三日就完結，但車路士都一直未有新中場加盟既消息，如月頭既文章所講，如果藍軍喺今個轉會窗無就住中場問題而對症下藥的話，佐真奴、夏維斯為首既球員都只會繼續係箭靶，而以前四為目標就只會繼續係目標，因為根本唔會拉近到距離。
簡迪傷患不斷，高華錫亦開始斷斷續續有小傷，而佐真奴即使傷病史極少，但身體反應已經追不上腦袋節奏，奈何無傷無病迫使佢都要上場受靶，薩卡利亞只為過渡選擇，但同樣受傷患困擾，而干拿加拉加亦都只係兼任中場替補，佢擔任前場球員先係合適選擇，最後剩下既路夫斯捷克都已經不能寄予太大厚望，藍軍既中場選擇基本上已經一眼睇晒。
今個轉會窗相對上同車路士傳得較近既兩名中場，賓菲加既安素費南迪斯（Enzo Fernández）以及白禮頓既卡些度（Moisés Caicedo），前者能夠同時勝任6號及8號位，能夠為藍軍即時補充中場硬度、防守攔截力、覆蓋面、創造性以及後上埋門，擁有咁多元素就當然一分錢一分貨，加上世界盃冠軍成員賓菲加就點都唔會平比你，至於後者價錢上就比較相宜，特質上就自然無安素費南迪斯咁多元素，不過都至少能夠為車路士提供到防守硬度堵塞缺口，但白禮頓既定價亦都同球隊既估價有啲差距，加上卡些度同樣得到阿仙奴既關注，令哩單轉會有更多不確定因素。
會唔會喺轉會窗完結前有其他人選爆出就要再觀察，不過老實講期望就不太大，始終今個轉會窗球會喺其他位置洗得太多錢，仲有幾多空間可以喺中場位度做修補就真係唔知，真心唔希望最後會見到蒙特同加拉加要以替補中場身份落場應戰。
文章發表時間 : 29/1/2023 12:00
文章最後更新時間 : 29/1/2023 12:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
冬季轉會窗仲有唔夠三日就完結，但車路士都一直未有新中場加盟既消息，如月頭既文章所講，如果藍軍喺今個轉會窗無就住中場問題而對症下藥的話，佐真奴、夏維斯為首既球員都只會繼續係箭靶，而以前四為目標就只會繼續係目標，因為根本唔會拉近到距離。
簡迪傷患不斷，高華錫亦開始斷斷續續有小傷，而佐真奴即使傷病史極少，但身體反應已經追不上腦袋節奏，奈何無傷無病迫使佢都要上場受靶，薩卡利亞只為過渡選擇，但同樣受傷患困擾，而干拿加拉加亦都只係兼任中場替補，佢擔任前場球員先係合適選擇，最後剩下既路夫斯捷克都已經不能寄予太大厚望，藍軍既中場選擇基本上已經一眼睇晒。
今個轉會窗相對上同車路士傳得較近既兩名中場，賓菲加既安素費南迪斯（Enzo Fernández）以及白禮頓既卡些度（Moisés Caicedo），前者能夠同時勝任6號及8號位，能夠為藍軍即時補充中場硬度、防守攔截力、覆蓋面、創造性以及後上埋門，擁有咁多元素就當然一分錢一分貨，加上世界盃冠軍成員賓菲加就點都唔會平比你，至於後者價錢上就比較相宜，特質上就自然無安素費南迪斯咁多元素，不過都至少能夠為車路士提供到防守硬度堵塞缺口，但白禮頓既定價亦都同球隊既估價有啲差距，加上卡些度同樣得到阿仙奴既關注，令哩單轉會有更多不確定因素。
會唔會喺轉會窗完結前有其他人選爆出就要再觀察，不過老實講期望就不太大，始終今個轉會窗球會喺其他位置洗得太多錢，仲有幾多空間可以喺中場位度做修補就真係唔知，真心唔希望最後會見到蒙特同加拉加要以替補中場身份落場應戰。
文章發表時間 : 29/1/2023 12:00
文章最後更新時間 : 29/1/2023 12:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊