-請支持藍獅 Facebook專頁-
《原創文章 歡迎轉載 請列明出處 謝謝》
車路士剛剛完成左第三場季前既熱身賽，總比數以2-3不敵拜仁慕尼黑，亦初嘗敗仗滋味。睇番之前果兩場比賽熱身賽，閉門作賽富咸明顯對手不在同等級數，而對陣阿仙奴以強陣出擊，但雲加安排多位替補或年青球員上陣，比分只作參考。去到今場拜仁雖然都未係Full Team陣容，但排出黎既人腳都能夠在一線立足，正好係一個機會比干地睇下自己既球隊面對住咩問題。
．圖片來源 : Mirror
先睇一睇藍軍既出場陣容，後場用上基斯甸臣頂大衛雷斯為中後衛正選，哩個舉動相信係令球迷比較驚訝既地方，雖則前者比起已借到史篤城既蘇馬更有用波能力，但係在於三中堅陣式入面中後衛同時需要擁有長傳同指揮力，明顯地基斯甸臣並沒有哩兩種技能，更要面對住拜仁既前場，可以話少啲信心既話對佢既打擊都唔細，當然對住利雲度夫斯基哩啲一對一既防守就完全不成問題，但係暫時睇黎佢會放做左或右後衛會更為合適，馬後炮講可能沉晚佢同卡希爾個位調轉，發揮或會更大。
．圖片來源 : The Namibian
至於艾斯派古達同新任隊長卡希爾兩位，狀態上需要再往上提升，在缺少老拍檔雷斯既串聯下兩者尤如少左一半能力，對於聯防同控制節奏都有所難度；到左右翼衛方面，干地繼續派上摩西斯及馬高斯阿朗素成為正選，後者問題相對不大，是因速度上都不能作再進一步提升，尤其喺下半場拜仁既高文入替後，阿朗素既速度同體力不足完完全全反映左出黎；而摩西斯既老問題都係無加以改進，單打獨扭，不斷只係透過速度去衝擊對手防線，明顯哩招對住拜仁哩啲世界級球隊完全唔入肉，去到下半場後段頂替阿朗素為左翼衛，亦見到好多時都要屈番去右腳先出波。單單就咁睇哩場就見到左翼衛哩個位置係引援既首要目標。
．圖片來源 : Sky Sports
去到中場，亦係簡迪第一次對住英超以外既強隊，雖然佢繼續走上走落，但係在於343中兩中場人數上實力有不足之處，而法比加斯亦不能夠同時跟上，導致中場失去平衡，進退失據，黎緊賽季已經唔能夠再用住343一個陣式一招走天涯；而前場派出巴舒亞伊、韋利安以及保加頂替受傷已回英國既柏度，前者上場梅開二度，而莫拉達既加盟令佢更加急於表現自己，大多機會都選射不傳，具備優厚身體質素既巴舒亞伊必需在First Touch以及盤球方面多下苦功，否則有機會成為下一位離開藍橋既盧卡古。而韋利安都不用多提，進步和轉變空間相信不大，排序上只能成為柏度既替補，反而要諗既係喺夏薩特復出前有冇需要喺邊路位置上再增添攻擊球員。至於小將保加，對住強隊表現都可以話不過不失，只係速度上似乎略遜一籌。
．圖片來源 : We Ain't Got No History
至於今場另一個著眼點可以話係後備入替既莫拉達，干地未有直接將哩位前皇馬射手入替巴舒亞伊，似乎希望佢兩者多加默契配合，而莫拉達既盤扭技術明顯高一班，好多時都能夠自己以一己之力突破入對方後場，哩點正正係巴舒亞伊未能做到同埋車路士需要既技能，同時莫拉達亦多次主動與隊友配合，但其他球員似乎亦較少將個波再傳番比佢。當然合作既野要一步步黎，而佢哩場既表現絕對係收貨有突；仲有其他年輕小將例如柏沙歷、貝加等喺下半場後段上場，都好肯瞓身去波同做波，希望黎緊會有更多上陣時間比球迷睇一睇表現。
．圖片來源 : The Telegraph
同時，一啲新球員都無喺是次比賽中上陣，巴卡約高無隨大軍繼續留喺英國操練，而魯迪加據報已啟程到新加坡與球會會合，相信下場賽事可以首次亮相。或許干地能夠見到問題後再為球隊提升，在黎緊既賽季衝擊更好既成績。
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
車路士剛剛完成左第三場季前既熱身賽，總比數以2-3不敵拜仁慕尼黑，亦初嘗敗仗滋味。睇番之前果兩場比賽熱身賽，閉門作賽富咸明顯對手不在同等級數，而對陣阿仙奴以強陣出擊，但雲加安排多位替補或年青球員上陣，比分只作參考。去到今場拜仁雖然都未係Full Team陣容，但排出黎既人腳都能夠在一線立足，正好係一個機會比干地睇下自己既球隊面對住咩問題。
．圖片來源 : Mirror
先睇一睇藍軍既出場陣容，後場用上基斯甸臣頂大衛雷斯為中後衛正選，哩個舉動相信係令球迷比較驚訝既地方，雖則前者比起已借到史篤城既蘇馬更有用波能力，但係在於三中堅陣式入面中後衛同時需要擁有長傳同指揮力，明顯地基斯甸臣並沒有哩兩種技能，更要面對住拜仁既前場，可以話少啲信心既話對佢既打擊都唔細，當然對住利雲度夫斯基哩啲一對一既防守就完全不成問題，但係暫時睇黎佢會放做左或右後衛會更為合適，馬後炮講可能沉晚佢同卡希爾個位調轉，發揮或會更大。
．圖片來源 : The Namibian
至於艾斯派古達同新任隊長卡希爾兩位，狀態上需要再往上提升，在缺少老拍檔雷斯既串聯下兩者尤如少左一半能力，對於聯防同控制節奏都有所難度；到左右翼衛方面，干地繼續派上摩西斯及馬高斯阿朗素成為正選，後者問題相對不大，是因速度上都不能作再進一步提升，尤其喺下半場拜仁既高文入替後，阿朗素既速度同體力不足完完全全反映左出黎；而摩西斯既老問題都係無加以改進，單打獨扭，不斷只係透過速度去衝擊對手防線，明顯哩招對住拜仁哩啲世界級球隊完全唔入肉，去到下半場後段頂替阿朗素為左翼衛，亦見到好多時都要屈番去右腳先出波。單單就咁睇哩場就見到左翼衛哩個位置係引援既首要目標。
．圖片來源 : Sky Sports
去到中場，亦係簡迪第一次對住英超以外既強隊，雖然佢繼續走上走落，但係在於343中兩中場人數上實力有不足之處，而法比加斯亦不能夠同時跟上，導致中場失去平衡，進退失據，黎緊賽季已經唔能夠再用住343一個陣式一招走天涯；而前場派出巴舒亞伊、韋利安以及保加頂替受傷已回英國既柏度，前者上場梅開二度，而莫拉達既加盟令佢更加急於表現自己，大多機會都選射不傳，具備優厚身體質素既巴舒亞伊必需在First Touch以及盤球方面多下苦功，否則有機會成為下一位離開藍橋既盧卡古。而韋利安都不用多提，進步和轉變空間相信不大，排序上只能成為柏度既替補，反而要諗既係喺夏薩特復出前有冇需要喺邊路位置上再增添攻擊球員。至於小將保加，對住強隊表現都可以話不過不失，只係速度上似乎略遜一籌。
．圖片來源 : We Ain't Got No History
至於今場另一個著眼點可以話係後備入替既莫拉達，干地未有直接將哩位前皇馬射手入替巴舒亞伊，似乎希望佢兩者多加默契配合，而莫拉達既盤扭技術明顯高一班，好多時都能夠自己以一己之力突破入對方後場，哩點正正係巴舒亞伊未能做到同埋車路士需要既技能，同時莫拉達亦多次主動與隊友配合，但其他球員似乎亦較少將個波再傳番比佢。當然合作既野要一步步黎，而佢哩場既表現絕對係收貨有突；仲有其他年輕小將例如柏沙歷、貝加等喺下半場後段上場，都好肯瞓身去波同做波，希望黎緊會有更多上陣時間比球迷睇一睇表現。
．圖片來源 : The Telegraph
同時，一啲新球員都無喺是次比賽中上陣，巴卡約高無隨大軍繼續留喺英國操練，而魯迪加據報已啟程到新加坡與球會會合，相信下場賽事可以首次亮相。或許干地能夠見到問題後再為球隊提升，在黎緊既賽季衝擊更好既成績。
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊