《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : 90Min
12萬鎊週薪，用喺一個球隊核心黎講可能係物超所值，但用於一個連後備席都坐唔上嘅球員身上的話，就並唔係一個細數目，亦可能因為咁，嚇怕左唔少潛在買家嘅收購意欲。由當日李斯特城嘅必然正選，變成今日車路士嘅邊緣球員，人工係漲左唔少，但係無左機會上陣，咁做真係值得咩？
「飲水哥」貴為協助李斯特城15-16球季以夢幻式勇奪英超冠軍功臣之一，果季對於球隊黎講真禾特嘅重要性絕對不下於簡迪，而自從後者轉投車路士過後，真禾特就成為狐狸軍團嘅首席防中，主要係為防線提供多一道屏障，亦因為咁令佢喺各項賽事嘅入球同助攻數字上都大大比起「奪冠年」為少。雖則李城當季喺聯賽同歐聯都唔能夠延續神奇戰績，但真禾特一貫高水準平穩，實在係中場重要一員，亦好快受到車路士所注視。
近年缺乏英格蘭人嘅藍軍，自林伯特、艾殊利高爾、泰利等傳奇人物相繼離開藍橋後，唔計青年軍梯隊小將，球隊中就只係得番隊長加利卡希爾為純英格蘭本土球員，亦因為需要補充英人名額，高層就一氣過從愛華頓同李城引進左巴克利同真禾特兩位英人作補充，前者更被外界認為價廉物美，但以戰術取向黎睇，佢地兩個嘅功能同特性都與時任車路士主帥干地嘅體系格格不入，再加上球員斷斷續續嘅傷患唔單止影響左狀態，更影響到佢地與隊友之間嘅磨合。
而到左今季新帥沙利上任後，除左由帶黎拿玻里舊部佐真奴以及向皇馬借入高華錫之外，與此同時被視為球隊未來，上季被外借到水晶宮嘅路夫斯捷克亦先後回歸，加上原班人馬簡迪、法比加斯等人，真禾特喺哩個中場陣容當中嘅出場排位真係唔知輪到第幾。其實喺上個轉會窗關閉之前都有傳出唔少本土球會有意借用「飲水哥」，但最終一一都因為傾唔掂週薪而打「退堂鼓」，而開季至今都打左好幾場波，真禾特嘅名字都唔喺18人名單之上，雖則車路士今季有四條戰線有需要球員作出輪換，但以球員特性同用法黎講，其實搵過另一支英超中游球隊比佢發揮或會更加理想。
當年曾有機會晉身世界盃大軍名單成為大國腳，今日卻變成一個連後備席也攀不上嘅高薪冗員，真禾特的豪門夢亦應該係時候醒來。
文章最後更新時間 : 16/09/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : 90Min
12萬鎊週薪，用喺一個球隊核心黎講可能係物超所值，但用於一個連後備席都坐唔上嘅球員身上的話，就並唔係一個細數目，亦可能因為咁，嚇怕左唔少潛在買家嘅收購意欲。由當日李斯特城嘅必然正選，變成今日車路士嘅邊緣球員，人工係漲左唔少，但係無左機會上陣，咁做真係值得咩？
「飲水哥」貴為協助李斯特城15-16球季以夢幻式勇奪英超冠軍功臣之一，果季對於球隊黎講真禾特嘅重要性絕對不下於簡迪，而自從後者轉投車路士過後，真禾特就成為狐狸軍團嘅首席防中，主要係為防線提供多一道屏障，亦因為咁令佢喺各項賽事嘅入球同助攻數字上都大大比起「奪冠年」為少。雖則李城當季喺聯賽同歐聯都唔能夠延續神奇戰績，但真禾特一貫高水準平穩，實在係中場重要一員，亦好快受到車路士所注視。
近年缺乏英格蘭人嘅藍軍，自林伯特、艾殊利高爾、泰利等傳奇人物相繼離開藍橋後，唔計青年軍梯隊小將，球隊中就只係得番隊長加利卡希爾為純英格蘭本土球員，亦因為需要補充英人名額，高層就一氣過從愛華頓同李城引進左巴克利同真禾特兩位英人作補充，前者更被外界認為價廉物美，但以戰術取向黎睇，佢地兩個嘅功能同特性都與時任車路士主帥干地嘅體系格格不入，再加上球員斷斷續續嘅傷患唔單止影響左狀態，更影響到佢地與隊友之間嘅磨合。
而到左今季新帥沙利上任後，除左由帶黎拿玻里舊部佐真奴以及向皇馬借入高華錫之外，與此同時被視為球隊未來，上季被外借到水晶宮嘅路夫斯捷克亦先後回歸，加上原班人馬簡迪、法比加斯等人，真禾特喺哩個中場陣容當中嘅出場排位真係唔知輪到第幾。其實喺上個轉會窗關閉之前都有傳出唔少本土球會有意借用「飲水哥」，但最終一一都因為傾唔掂週薪而打「退堂鼓」，而開季至今都打左好幾場波，真禾特嘅名字都唔喺18人名單之上，雖則車路士今季有四條戰線有需要球員作出輪換，但以球員特性同用法黎講，其實搵過另一支英超中游球隊比佢發揮或會更加理想。
當年曾有機會晉身世界盃大軍名單成為大國腳，今日卻變成一個連後備席也攀不上嘅高薪冗員，真禾特的豪門夢亦應該係時候醒來。
文章最後更新時間 : 16/09/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊