《蘇拿再度離開車路士 淺談林伯特教練團成員》

藍獅 於 06/07/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


繼車路士官方公佈林伯特會成為下任藍軍主帥後,隨後亦宣佈球隊另一傳奇人物蘇拿將會再次離開史丹福橋,意味著新任主帥林伯特將會帶黎全新教練班底上任,有傳多位昔日一同效力過車路士既戰友都會回歸加入協助,究竟會傳聞人選有邊幾個?今次會為大家介紹一下。

自沙利過檔轉投祖雲達斯後,都一直傳黎車路士會搵番林伯特返黎幫手,而同時間亦指出藍軍高層有意解散沙利整個教練團隊,而安排球會大使哩個新職位比名宿蘇拿,後者喺岩岩哩季擔任沙利既副手,除左日常助教既職責之外,管理層安排其職位比蘇拿既目的主要係希望佢能夠成為沙利既「盲公竹」,始終初到貴境人生路不熟,蘇拿除左係同鄉之外亦熟悉車路士運作,可以話無邊個比佢更加適合哩一職。

但蘇拿並無跟隨沙利到都靈,同時佢與車路士簽下既助教合約亦本身得一年任期,由於意大利人仍然希望繼續於教練界發展因而拒絕球會大使哩個身份,意味著就只有離隊哩條出路,老實說蘇拿年資上雖然深過林伯特,但教練生涯既進程一直都停滯不前,無論喺韋斯咸、屈福特以至伯明翰等球會擔任主帥既戰績亦都唔算得上特別好,所以大多時都比人辭退,只好祝福佢黎緊一帆風順。

而林伯特既教練團亦好幾位人選得以官方確認,相信對於車路士球迷黎講哩四個人亦都唔會陌生,分別由打比郡再一次回來既摩利斯Jody Morris以及體能教練Chris Jone,同埋本身一直都有喺干地以及沙利教練當中幫手既古度仙尼及希拉里奧哩兩位曾經擔任過龍門既退役球員,同時亦有傳會提升現任車路士U23教練Joe Edwards到一隊,是因林伯特希望球隊能夠好好運用隊內既年輕小將,務求能夠讓更多年輕人能夠喺一隊站穩陣腳。

暫時尚未確實另外三位名宿馬基列尼、杜奧巴以及波歷克會否加入教練團,相信黎緊會陸續公佈有關人選,始終沙利既班底當中有唔少干地時期既教練成員喺度,加上多數同為意大利人,今次重新整合可以話真正令車路士展開新既一頁,希望管理層真係提供充足既空間同耐性比Super Frank。


文章發表時間 : 06/07/2019 12:35
文章最後更新時間 : 06/07/2019 12:35

消息來源 :
1)官方宣佈蘇拿離隊 2)官方教練團名單 3)Goal.com傳聞教練團人選

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  林伯特  蘇拿  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→