《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
適逢國際賽期又同大家總結下過去哩個轉會窗最後一日既操作，老實說第二朝起身見到馬特森同加拉加都無走到係會心微笑左一下，事關果晚訓前都見到車路士有意將佢兩位出售，什至已經去到有球會出價求購既消息，當時都以為至少有機會賣走其一，不過最終雙雙都有得留低。
首先依加喺球隊陣容上尤其係中前場有唔少傷兵，佢兩者分別能勝任中場及翼鋒位置如果都賣走的話，對於球隊既處境就只會雪上加霜，一直都有講加拉加係一個好洗好用既球員，加上喺場上百份百博盡既態度都已經值得車迷們欣賞，只係喺位置上佢應該更為靠近對方禁區至能發揮到效果，依加打一個偏後位置就會變相放大左球員既短處，長遠黎講要佢打中場中都唔會係一個理想位置。
至於馬特森更加有幾多位置既屬性，攻中、翼鋒同左閘哩三個位都打到，熱身賽時都見到佢既表現係唔錯，不過去到正賽似乎普捷天奴就無即刻放佢落場用，反而較多後備上陣，個人認為佢既多面性係可以為領隊喺臨場調動上帶黎彈性，不過都係需要上陣時間去成長，由於球員同車路士既合約已經進入最後一年，意味住如果上半季都無法就續約達成協議的話，黎緊冬季轉會窗就會較大機會被賣走，而相信剛被球員拒絕轉會既般尼會再度出手。
奧岱喺最後一日選擇加盟諾定咸森林（早前已有文章交待），同時佢地都有為查路巴送上報價，連同早前拜仁都有意將佢收歸旗下，無諗過原來連查路巴都咁多人爭，不過最終都無辦法就轉會達成協議而雙雙退出，連同沙亞、波查同古古尼亞一樣留隊，相反早前以為兩位曾經喺聯賽盃有份上陣既Mason Burstow同Bashir Humphreys會得到留隊機會，但最後都分別外借到英冠新特蘭及史雲斯一個球季，至於第五個外借出國既名額就比左由賓菲加青年軍免簽加盟既Diego Moreira，外借到法甲里昂，但哩支昔日法甲班霸開季至今四場波未嘗勝仗現時排榜末，Moreira能否突圍而出就好睇機遇。
加上早前喺轉會窗加盟既龐馬（Cole Palmer），車路士正式完成夏季轉會窗既工作，就個人而言喺哩個轉會窗既操作雖然不完美，時間上亦有幾單交易要去到最後一日先有方向同決定，不過球隊的確喺某幾個重點位置有做到補充，包括中場龍骨位新舊交替，後場有W.科芬拿受重傷而收購迪沙斯等，但好似基柏咁最後借用離開而球會只係搵黎山齊士作為首席門將就無可避免地係扣左唔少啲分，同時亦以「刮彩票」形式不斷招攬新秀，當中究竟有幾多人可以成功上位仍是未知之數，比上不足比下有餘之下個人認為哩個轉會窗喺操作上球會都有六七十分，而你又會評價比幾多分？
文章發表時間 : 6/9/2023 17:15
文章發表時間 : 6/9/2023 17:15
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
適逢國際賽期又同大家總結下過去哩個轉會窗最後一日既操作，老實說第二朝起身見到馬特森同加拉加都無走到係會心微笑左一下，事關果晚訓前都見到車路士有意將佢兩位出售，什至已經去到有球會出價求購既消息，當時都以為至少有機會賣走其一，不過最終雙雙都有得留低。
首先依加喺球隊陣容上尤其係中前場有唔少傷兵，佢兩者分別能勝任中場及翼鋒位置如果都賣走的話，對於球隊既處境就只會雪上加霜，一直都有講加拉加係一個好洗好用既球員，加上喺場上百份百博盡既態度都已經值得車迷們欣賞，只係喺位置上佢應該更為靠近對方禁區至能發揮到效果，依加打一個偏後位置就會變相放大左球員既短處，長遠黎講要佢打中場中都唔會係一個理想位置。
至於馬特森更加有幾多位置既屬性，攻中、翼鋒同左閘哩三個位都打到，熱身賽時都見到佢既表現係唔錯，不過去到正賽似乎普捷天奴就無即刻放佢落場用，反而較多後備上陣，個人認為佢既多面性係可以為領隊喺臨場調動上帶黎彈性，不過都係需要上陣時間去成長，由於球員同車路士既合約已經進入最後一年，意味住如果上半季都無法就續約達成協議的話，黎緊冬季轉會窗就會較大機會被賣走，而相信剛被球員拒絕轉會既般尼會再度出手。
奧岱喺最後一日選擇加盟諾定咸森林（早前已有文章交待），同時佢地都有為查路巴送上報價，連同早前拜仁都有意將佢收歸旗下，無諗過原來連查路巴都咁多人爭，不過最終都無辦法就轉會達成協議而雙雙退出，連同沙亞、波查同古古尼亞一樣留隊，相反早前以為兩位曾經喺聯賽盃有份上陣既Mason Burstow同Bashir Humphreys會得到留隊機會，但最後都分別外借到英冠新特蘭及史雲斯一個球季，至於第五個外借出國既名額就比左由賓菲加青年軍免簽加盟既Diego Moreira，外借到法甲里昂，但哩支昔日法甲班霸開季至今四場波未嘗勝仗現時排榜末，Moreira能否突圍而出就好睇機遇。
加上早前喺轉會窗加盟既龐馬（Cole Palmer），車路士正式完成夏季轉會窗既工作，就個人而言喺哩個轉會窗既操作雖然不完美，時間上亦有幾單交易要去到最後一日先有方向同決定，不過球隊的確喺某幾個重點位置有做到補充，包括中場龍骨位新舊交替，後場有W.科芬拿受重傷而收購迪沙斯等，但好似基柏咁最後借用離開而球會只係搵黎山齊士作為首席門將就無可避免地係扣左唔少啲分，同時亦以「刮彩票」形式不斷招攬新秀，當中究竟有幾多人可以成功上位仍是未知之數，比上不足比下有餘之下個人認為哩個轉會窗喺操作上球會都有六七十分，而你又會評價比幾多分？
文章發表時間 : 6/9/2023 17:15
文章發表時間 : 6/9/2023 17:15
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊