《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
魯迪加最終都選擇離開效力達五年既車路士轉投皇家馬德里，雖然佢算不上球會名宿或傳奇人物，不過佢既拼博精神加上對藍軍既愛實在係無容置疑，尤其係喺杜曹手下既魯迪加表現可以話發光發亮，為車路士衝擊左唔少冠軍奬盃，今次將會回顧一下佢喺藍橋既生涯，為魯迪加寫上最後一篇穿起藍色球衣既文章。
2017年哩位德國中堅由意甲賽場轉投到史丹福橋，當時哩單同羅馬既交易並唔觸目，講緊既無論係轉會費以至球迷對球員既寄望，不過藍軍往往喺一啲最唔受關注既轉會都會帶黎成功；魯迪加加盟既首季喺干地手上主要都係擔任半正選半後備，直至沙利接任後先至正式確立自己喺藍軍正選位置，與大衛雷斯合組雙中堅組合，雖然防線未至於能以穩定見稱，時常出現大起大落大手交易既畫面，不過兩者之間既特質成功達至相輔相成，組合上黎講效果都算係幾理想。
直到之後林伯特上任後加上球員同時受傷患困擾，復出後表現亦大不如前，與基斯甸臣、蘇馬以及湯姆利三位小將被取其名為「後防風火輪」，講緊既係無論用邊兩個做中堅組合都好，中路既防守能力都相當薄弱，當時既防線可以話用不堪入目黎形容，及後魯迪加更被林伯特投閒置散，更一度傳出轉投熱刺既消息，雖然最終轉會都未有成事，不過德國人喺史丹福橋既處境經已跌入左冰河時期。
而林伯特最終亦喺季中落馬由杜曹上任，魯迪加終於獲得「重新」既機會迎來職業生涯既春天，一步步重拾昔日狀態明顯愈打愈有信心，更成為上季車路士奪得歐聯冠軍既重心人物之一，完全將之前接近離隊邊緣既局面扭轉，由場內經常挑釁對手犯規，鼓動球迷隊友，到場外走進社區捐助區內醫院探訪小孩，魯迪加既一舉一動都展現出自己對車路士哩間球會既感情，可惜既係時間交錯令到球員同球會之間無法喺賣盤前完成續約操作，最終魯迪加都選擇離開轉投皇馬。
雖然可惜但都尊重球員既選擇，他日歐聯如果再有機會碰頭相信佢都會獲得唔少車迷們既掌聲，我地約定賽場上再見...
多謝你，魯迪加。
文章發表時間 : 13/6/2022 13:20
文章最後更新時間 : 13/6/2022 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
魯迪加最終都選擇離開效力達五年既車路士轉投皇家馬德里，雖然佢算不上球會名宿或傳奇人物，不過佢既拼博精神加上對藍軍既愛實在係無容置疑，尤其係喺杜曹手下既魯迪加表現可以話發光發亮，為車路士衝擊左唔少冠軍奬盃，今次將會回顧一下佢喺藍橋既生涯，為魯迪加寫上最後一篇穿起藍色球衣既文章。
2017年哩位德國中堅由意甲賽場轉投到史丹福橋，當時哩單同羅馬既交易並唔觸目，講緊既無論係轉會費以至球迷對球員既寄望，不過藍軍往往喺一啲最唔受關注既轉會都會帶黎成功；魯迪加加盟既首季喺干地手上主要都係擔任半正選半後備，直至沙利接任後先至正式確立自己喺藍軍正選位置，與大衛雷斯合組雙中堅組合，雖然防線未至於能以穩定見稱，時常出現大起大落大手交易既畫面，不過兩者之間既特質成功達至相輔相成，組合上黎講效果都算係幾理想。
直到之後林伯特上任後加上球員同時受傷患困擾，復出後表現亦大不如前，與基斯甸臣、蘇馬以及湯姆利三位小將被取其名為「後防風火輪」，講緊既係無論用邊兩個做中堅組合都好，中路既防守能力都相當薄弱，當時既防線可以話用不堪入目黎形容，及後魯迪加更被林伯特投閒置散，更一度傳出轉投熱刺既消息，雖然最終轉會都未有成事，不過德國人喺史丹福橋既處境經已跌入左冰河時期。
而林伯特最終亦喺季中落馬由杜曹上任，魯迪加終於獲得「重新」既機會迎來職業生涯既春天，一步步重拾昔日狀態明顯愈打愈有信心，更成為上季車路士奪得歐聯冠軍既重心人物之一，完全將之前接近離隊邊緣既局面扭轉，由場內經常挑釁對手犯規，鼓動球迷隊友，到場外走進社區捐助區內醫院探訪小孩，魯迪加既一舉一動都展現出自己對車路士哩間球會既感情，可惜既係時間交錯令到球員同球會之間無法喺賣盤前完成續約操作，最終魯迪加都選擇離開轉投皇馬。
雖然可惜但都尊重球員既選擇，他日歐聯如果再有機會碰頭相信佢都會獲得唔少車迷們既掌聲，我地約定賽場上再見...
多謝你，魯迪加。
文章發表時間 : 13/6/2022 13:20
文章最後更新時間 : 13/6/2022 13:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊