《原創文章 歡迎轉載 請列明出處 謝謝》
-請支持藍獅 Facebook專頁-
得到來季參與歐聯資格，沙利可以話暫時舒一口氣，車路士今季餘下目標就只有同阿仙奴喺月尾在歐霸盃決賽決一高下，同時亦迎來好消息，球會正式與常任正選既大衛雷斯續約兩年至2021年，季中沙利都多番向外界表示希望巴西人能夠留下，而球員自己亦想繼續在史丹福橋效力，但今次高層破天荒打破過往年過三十球員只能續約一年既慣例，背後究竟是好是壞？
其實唔少列強球會都慣常以一年一約方式去處理隊內年過三十既球員，而車路士更係嚴格遵從既球會之一，即使對待好似去到傳奇級別既泰利、林伯特等人亦無可例外，引致唔少年事已高既球員選擇離隊到其他聯賽發展，其實哩班老將本心都係希望至少同球隊續約兩年，因為始終年紀都有番咁上下，愈大一年就愈難搵到新球會落班，但佢地又覺得自己既身體質素仲可以踢到未需要退役，所以如果只有一年一約就只好去到其他球隊效力。
對於今次球會打破常規與大衛雷斯續約兩年，球迷既聲音好壞參半，有人認為球會特別善待「爆炸頭」，亦有球迷認為球隊至少都需要一兩位老將帶住先搞得掂個更衣室。老實說，今季「掛名」隊長加利卡希爾好大機會季尾離隊，而另一老將法比加斯亦喺季中轉投法甲摩納哥，論資排輩依加就只係得番副隊長艾斯派古達同夏薩特係隊中留隊最耐既球員，大衛雷斯雖然係二次回歸，不過如果卡希爾走後，佢就成為隊中唯一一個12年歐冠正選球員，可以話喺各方面佢先係老大哥。
不過，今次打破慣例之後，球會對於黎緊一啲同樣年過三十既球員處理就務必要更加小心，就好似同樣係巴西人既韋利安咁，雖然球員本身能力有限，亦經常比球迷指責為「進攻黑洞」，但韋利安賣力同忠心既表現亦值得欣賞，球員同時都希望能夠與球會順利續約，咁高層今次又會唔會比韋利安得嘗所願呢？相信係一個唔容易解決既問題。
先例已開，變相以後年過三十既球員會更希望以二年合約為起點，球會必需為隊中老將以及年輕球員之間取得平衡，咁對球隊長遠發展至係好事。
文章發表時間 : 12/05/2019 11:30
文章最後更新時間 : 12/05/2019 11:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
得到來季參與歐聯資格，沙利可以話暫時舒一口氣，車路士今季餘下目標就只有同阿仙奴喺月尾在歐霸盃決賽決一高下，同時亦迎來好消息，球會正式與常任正選既大衛雷斯續約兩年至2021年，季中沙利都多番向外界表示希望巴西人能夠留下，而球員自己亦想繼續在史丹福橋效力，但今次高層破天荒打破過往年過三十球員只能續約一年既慣例，背後究竟是好是壞？
其實唔少列強球會都慣常以一年一約方式去處理隊內年過三十既球員，而車路士更係嚴格遵從既球會之一，即使對待好似去到傳奇級別既泰利、林伯特等人亦無可例外，引致唔少年事已高既球員選擇離隊到其他聯賽發展，其實哩班老將本心都係希望至少同球隊續約兩年，因為始終年紀都有番咁上下，愈大一年就愈難搵到新球會落班，但佢地又覺得自己既身體質素仲可以踢到未需要退役，所以如果只有一年一約就只好去到其他球隊效力。
對於今次球會打破常規與大衛雷斯續約兩年，球迷既聲音好壞參半，有人認為球會特別善待「爆炸頭」，亦有球迷認為球隊至少都需要一兩位老將帶住先搞得掂個更衣室。老實說，今季「掛名」隊長加利卡希爾好大機會季尾離隊，而另一老將法比加斯亦喺季中轉投法甲摩納哥，論資排輩依加就只係得番副隊長艾斯派古達同夏薩特係隊中留隊最耐既球員，大衛雷斯雖然係二次回歸，不過如果卡希爾走後，佢就成為隊中唯一一個12年歐冠正選球員，可以話喺各方面佢先係老大哥。
不過，今次打破慣例之後，球會對於黎緊一啲同樣年過三十既球員處理就務必要更加小心，就好似同樣係巴西人既韋利安咁，雖然球員本身能力有限，亦經常比球迷指責為「進攻黑洞」，但韋利安賣力同忠心既表現亦值得欣賞，球員同時都希望能夠與球會順利續約，咁高層今次又會唔會比韋利安得嘗所願呢？相信係一個唔容易解決既問題。
先例已開，變相以後年過三十既球員會更希望以二年合約為起點，球會必需為隊中老將以及年輕球員之間取得平衡，咁對球隊長遠發展至係好事。
文章發表時間 : 12/05/2019 11:30
文章最後更新時間 : 12/05/2019 11:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊