《相隔一年車路士重返歐聯淘汰賽 「青春風暴」下的分組賽回顧與展望》

藍獅 於 12/12/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


於歐聯分組賽晉級,無疑對車路士全隊上下都係一件喜訊,自前季失去聯賽前四席位後,藍軍喺上屆以歐霸盃冠軍資格晉身今季歐聯分組賽,事隔一年,哩一支車路士可以話面目全非,上至主帥下至核心球員都經已作出唔少轉變,正好係時候到大家回顧一下同展望黎緊歐聯之路既期望。

上季沙利走馬上任,喺無左歐聯戰線既負擔底下球隊相對較為輕鬆,始終打次一級歐霸盃既對手實力有一段距離,比到空間沙利專心於聯賽發展以及調控球員適應其戰術體系,最終成功帶領球隊成為歐霸盃冠軍以為聯賽第三名完成賽季。正當以為沙利會繼續帶領車路士來季嘗試挑戰歐聯之時,佢成為左自艾巴莫域治入主後首位自己主動請辭既主帥,再加上球會受到轉會禁令既影響,令唔少潛在新帥都唔肯喺哩個時候接掌藍軍帥印。

正正係因為哩個危機,高層搵黎執教經驗並唔豐富既林伯特返黎救駕,佢亦願意接受哩個挑戰,但受制於轉會禁令既影響下球會就只有佩利錫作新援,而球會亦買斷上季外借到史丹福橋既高華錫作補充,同時夏薩特亦離開轉投皇馬,喺無其他可收購既新球員底下就只可以活用現有隊中既球員,而其實唔少車迷都知道車路士既核心班底都經已由摩二期用到依加,其實一早開始要逐步換班,林伯特所應對既挑戰其實係非常之大。

而以哩一刻既成績黎講,歐聯分組賽次名出線加上聯賽排名第四,絕對係合格有餘,集中討論番歐聯戰線,其實季初抽籤將車路士編入哩組既時候情況明顯不樂觀,對手有阿積士、華倫西亞同里爾,每支球隊喺各個聯賽都有具實力既表現,尤其係阿積士就更加唔洗多講,喺實力相對接近下季初未打果一刻都覺得必有一番「大混戰」,絕對係有機會要鬥到最後一輪先知道邊兩隊可以出線。

而依加再睇番車路士哩六輪既賽果,三勝兩和一負,令人意外既係對阿積士反而取得到一勝一和既成績,對於哩支荷甲青春班唔能夠出線感到可惜,而華倫西亞既表現亦的確係值得以小組首名晉級。對於晉身淘汰賽後車路士既展望,個人黎講其實都真係小組賽出線已經「收貨有突」,黎緊無論抽中邊啲首名對手,再能唔能夠晉到級,都只係抱著見步行步既心態去面對,不過今次亦都係一個好好既機會比一眾後生仔去感受一下歐聯戰線既氣氛,哩一個都係林伯特所講球員生涯歷程入面一個寶貴既經驗。


文章發表時間 : 12/12/2019 12:30
文章最後更新時間 : 92/12/2019 12:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  林伯特  

留言


請按此登錄後留言。未成為會員? 立即註冊
    快捷鍵:←
    快捷鍵:→