《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
又講下一班各自代表自己國家出戰世界盃既車路士球員...
先講大戶英格蘭，即使列斯占士同捷維爾傷出都有三位球員入選，包括史達寧、蒙特以及干拿加拉加，後者「摱車邊」入選總算無白費到哩三年既努力，雖然喺車路士未打得上正選不過早兩季無論喺西布朗還是水晶宮既表現都相當亮眼，值得入選爭一席位；英格蘭向來雷聲大雨點小，相信會保持一貫三中堅以守為先既策略去應付賽事，史達寧同蒙特都會係⻣幹成員，而佢地所身處既B組同組對手亦有佩利錫出戰既美國，另外都有伊朗同威爾斯，國與國之間都有歷史同政治上既對碰。
繼而講下佩利錫，佢喺車路士既生涯可以話高開低走，傷患實在對於球員既爆發力同盤扭技術造成好大影響，不過返到國家隊佢都依然會係擔大旗果個，加上美國近年都出產唔少年輕小將能夠喺各大聯賽嶄露頭角，相信佢地都希望更上一層樓會以出線為目標，與威爾斯爭逐小組次名，而小組首名正路會係英格蘭喇掛。
之後就講下有兩位車路士代表既塞內加爾，貴為應屆非洲盃盟主，前中後三路本身都各有好手，文迪雖則近年喺球會表現回落但都依然會係國家隊首席門將，而高列巴尼亦以隊長身份握守中路，後場無乜大問題，奈何前線重將文尼已宣佈因傷退隊，佢既缺陣對於塞內加爾黎講係有相當大既影響，而同為A組對手分別有主辦國卡塔爾、勁旅荷蘭以及攪局者厄瓜多爾，塞內加爾要出到線都未必係咁容易。
跟住講下擁有兩支傳統大國既E組，裏面分別有夏維斯以及艾斯派古達代表既德國同西班牙，連同亞洲代表日本以及哥斯達尼加；德國主要以拜仁中軸體系做戰術骨幹，加上多蒙特防線以及魯迪加、夏維斯等重心成員去建構陣容，前線都好睇後者能否於國際大賽回勇，始終佢近期喺藍軍既表現都愈見低迷，而西班牙就可以話集百家之大成，以西甲球員為主軸，再徵召部份聯賽勁旅球員入選，預料艾斯派古達都會得到一定上陣時間，總算係比到佢喺職業生涯晚期喺國家隊層面有擔大旗機會，較為可惜既係近期狀態回勇既基柏因傷而失去競逐入選既機會；預期德國同西班牙會攜手出線，始終佢地兩隊同日本以及哥斯達尼加既實力都有明顯差距。
再到擁有高華錫做克羅地亞代表以及薛耶治為摩洛哥代表既F組，而同組對手分別有比利時以及加拿大，相對上克羅地亞既中場陣容可以話相當華麗，摩迪、高華錫以及波索域都係各自球隊中既核心成員，反而前線攻力疲弱加上後防年紀老化會係格仔軍團比較大既問題；至於薛耶治喺領隊風波後終於再次獲得國家隊征召，亦馬上喺對格魯吉亞既友賽射入一球世界波宣告復出，表現相當搶眼，摩洛哥喺攻力方面都相當依靠佢既發揮，不過佢地喺國際賽既往績唔算得上亮眼，預期未必有太多機會同經驗較豐富既克羅地亞會競逐出線一席，而首名出線資格將由比利時奪得。
最後就輪到G組既堤亞高施華同薩卡利亞，組內分別有巴西、喀麥隆、塞爾維亞以及瑞士，巴西當然係應屆大熱門，今屆亦將會係38歲既施華喺職業生涯中最後一次以球員身份出席世界盃，個人情感上當然希望佢能一完夢想，至於薩卡利亞就偏向擔任後備居多，無論球會抑或國家隊都已經被排除於正選行列之外，反而小組中另一支球隊塞爾維亞有點「黑馬」感覺，相對上哩組既次席位置爭逐預計會較為激烈。
關於參與世界盃既車路士球員評論就大致如上，接著落黎都希望球迷們關注世界盃既同時，都要注視到今次世界盃既陰暗面，當中包括FIFA貪污、與當地政府官商勾結、工人權益等問題，季中世界盃係歷年黎第一次，但不代表會係最後一次，有幾多球員因為要「跑」賽程而受傷引致缺席相信大家都清楚，加上當地氣溫炎熱對於佢地既消耗就只會更大，而卡搭爾當地亦有幾多基層工人因為今次世界盃興建基礎設施或球場時，得不到公平待遇或權益，什至因意外奪去自己生命一定比官方提及的數字為多，再直到近期臨近開幕，酒店房間明顯不勝負荷，旅客要高價住「方艙」，到臨時更改禁酒令、記者採訪被阻撓，哩啲都係繁榮與歡笑畫面背後值得國際球迷關注的事。
文章發表時間 : 19/11/2022 10:25
文章最後更新時間 : 19/11/2022 10:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
又講下一班各自代表自己國家出戰世界盃既車路士球員...
先講大戶英格蘭，即使列斯占士同捷維爾傷出都有三位球員入選，包括史達寧、蒙特以及干拿加拉加，後者「摱車邊」入選總算無白費到哩三年既努力，雖然喺車路士未打得上正選不過早兩季無論喺西布朗還是水晶宮既表現都相當亮眼，值得入選爭一席位；英格蘭向來雷聲大雨點小，相信會保持一貫三中堅以守為先既策略去應付賽事，史達寧同蒙特都會係⻣幹成員，而佢地所身處既B組同組對手亦有佩利錫出戰既美國，另外都有伊朗同威爾斯，國與國之間都有歷史同政治上既對碰。
繼而講下佩利錫，佢喺車路士既生涯可以話高開低走，傷患實在對於球員既爆發力同盤扭技術造成好大影響，不過返到國家隊佢都依然會係擔大旗果個，加上美國近年都出產唔少年輕小將能夠喺各大聯賽嶄露頭角，相信佢地都希望更上一層樓會以出線為目標，與威爾斯爭逐小組次名，而小組首名正路會係英格蘭喇掛。
之後就講下有兩位車路士代表既塞內加爾，貴為應屆非洲盃盟主，前中後三路本身都各有好手，文迪雖則近年喺球會表現回落但都依然會係國家隊首席門將，而高列巴尼亦以隊長身份握守中路，後場無乜大問題，奈何前線重將文尼已宣佈因傷退隊，佢既缺陣對於塞內加爾黎講係有相當大既影響，而同為A組對手分別有主辦國卡塔爾、勁旅荷蘭以及攪局者厄瓜多爾，塞內加爾要出到線都未必係咁容易。
跟住講下擁有兩支傳統大國既E組，裏面分別有夏維斯以及艾斯派古達代表既德國同西班牙，連同亞洲代表日本以及哥斯達尼加；德國主要以拜仁中軸體系做戰術骨幹，加上多蒙特防線以及魯迪加、夏維斯等重心成員去建構陣容，前線都好睇後者能否於國際大賽回勇，始終佢近期喺藍軍既表現都愈見低迷，而西班牙就可以話集百家之大成，以西甲球員為主軸，再徵召部份聯賽勁旅球員入選，預料艾斯派古達都會得到一定上陣時間，總算係比到佢喺職業生涯晚期喺國家隊層面有擔大旗機會，較為可惜既係近期狀態回勇既基柏因傷而失去競逐入選既機會；預期德國同西班牙會攜手出線，始終佢地兩隊同日本以及哥斯達尼加既實力都有明顯差距。
再到擁有高華錫做克羅地亞代表以及薛耶治為摩洛哥代表既F組，而同組對手分別有比利時以及加拿大，相對上克羅地亞既中場陣容可以話相當華麗，摩迪、高華錫以及波索域都係各自球隊中既核心成員，反而前線攻力疲弱加上後防年紀老化會係格仔軍團比較大既問題；至於薛耶治喺領隊風波後終於再次獲得國家隊征召，亦馬上喺對格魯吉亞既友賽射入一球世界波宣告復出，表現相當搶眼，摩洛哥喺攻力方面都相當依靠佢既發揮，不過佢地喺國際賽既往績唔算得上亮眼，預期未必有太多機會同經驗較豐富既克羅地亞會競逐出線一席，而首名出線資格將由比利時奪得。
最後就輪到G組既堤亞高施華同薩卡利亞，組內分別有巴西、喀麥隆、塞爾維亞以及瑞士，巴西當然係應屆大熱門，今屆亦將會係38歲既施華喺職業生涯中最後一次以球員身份出席世界盃，個人情感上當然希望佢能一完夢想，至於薩卡利亞就偏向擔任後備居多，無論球會抑或國家隊都已經被排除於正選行列之外，反而小組中另一支球隊塞爾維亞有點「黑馬」感覺，相對上哩組既次席位置爭逐預計會較為激烈。
關於參與世界盃既車路士球員評論就大致如上，接著落黎都希望球迷們關注世界盃既同時，都要注視到今次世界盃既陰暗面，當中包括FIFA貪污、與當地政府官商勾結、工人權益等問題，季中世界盃係歷年黎第一次，但不代表會係最後一次，有幾多球員因為要「跑」賽程而受傷引致缺席相信大家都清楚，加上當地氣溫炎熱對於佢地既消耗就只會更大，而卡搭爾當地亦有幾多基層工人因為今次世界盃興建基礎設施或球場時，得不到公平待遇或權益，什至因意外奪去自己生命一定比官方提及的數字為多，再直到近期臨近開幕，酒店房間明顯不勝負荷，旅客要高價住「方艙」，到臨時更改禁酒令、記者採訪被阻撓，哩啲都係繁榮與歡笑畫面背後值得國際球迷關注的事。
文章發表時間 : 19/11/2022 10:25
文章最後更新時間 : 19/11/2022 10:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊