《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : The Independent
無論環境、待遇、位置定係上陣機會，唔同球員喺唔同教練既手下發揮可以話各有不同，而巴克利就正正係一個活生生人板比到大家睇。昔日既英格蘭「金童」近年發展停滯不前，即使由愛華頓一登龍門轉投車路士，表現亦未見有好轉跡象，幸好佢今季遇上沙利哩位「伯樂」，令佢既職業生涯再次出現振翅高飛既機會。
巴克利哩個名相信大家都耳熟能詳，但其實佢今年先至仲係得廿四歲，以往既英格蘭人都比到人早熟早殘、雷聲大雨點少既感覺，即使年青時好早成名亦會好快因為傷患、狀態、場外生活而令到佢地變返做一個活在英超既「高薪低能」。剛出道既巴克里其實都有相同情況，早早成名於愛華頓，而球風亦比較與林伯特相近，尤其係好鐘意禁區外施行遠射而且質素不俗，所以其實一早已經進入車路士法眼之中。
可惜既係，傷患哩個天敵令到巴克里喺職業生涯舉步維艱，每次一傷都唔係一段短時間，即使好番亦需要一段長時間至打得返起個狀態，但隔一排又再傷過，天意弄人既劇本一次又一次咁重複出現，亦令佢既國家隊席位好快就被後浪好似迪利阿里、連加特既再年青一代所取替。既然都唔能夠改變現有處境，倒不如轉換環境試一試，正喺哩個時候缺乏英人既車路士向愛華頓提出收購，最終雙方亦以1500萬鎊轉會費成交。
價錢上睇黎係一個超值既數字，不過始終都要睇球員自己能唔能夠打得出身價，巴克利加盟藍軍初期其實都仲係休養當中，亦因為咁引致佢錯過左參與季前集訓同球隊日常操練，而時任主帥干地既戰術思維過往都並非能夠輕易理解，向來球員都需要一段長時間既訓練至可以貫徹執行，加上外界猜測其實收購巴克利並唔係干地意思，只係高層希望補充英人名額而收歸旗下，即使佢復出場上表現亦未如理想，高呼「水貨」既聲音亦陸陸續續咁出現。
但哩位英格蘭人並沒有放棄自己，自沙利上任後一直都喺訓練時表現出應有態度，而巴克利既場上最佳位置亦非常適合沙利既戰術體系，所以即使球會外借到高華錫為常任正選，巴克利都一直能夠得到唔少既上場機會。而岩岩喺作客修咸頓既賽事中更得到正選上陣既機會，最終亦自開季後首次交出一入球一助攻既佳績成為賽事中最佳球員，雖然巴克利喺各方面都有提升空間，不過佢喺場上面表現出既拼勁同積極性其實先至係最重要。
始終每個車路士球迷心中都希望8號哩個數字能夠薪火相傳，繼續發光發亮。
巴克利，你一定要繼續努力...
文章最後更新時間 : 09/10/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : The Independent
無論環境、待遇、位置定係上陣機會，唔同球員喺唔同教練既手下發揮可以話各有不同，而巴克利就正正係一個活生生人板比到大家睇。昔日既英格蘭「金童」近年發展停滯不前，即使由愛華頓一登龍門轉投車路士，表現亦未見有好轉跡象，幸好佢今季遇上沙利哩位「伯樂」，令佢既職業生涯再次出現振翅高飛既機會。
巴克利哩個名相信大家都耳熟能詳，但其實佢今年先至仲係得廿四歲，以往既英格蘭人都比到人早熟早殘、雷聲大雨點少既感覺，即使年青時好早成名亦會好快因為傷患、狀態、場外生活而令到佢地變返做一個活在英超既「高薪低能」。剛出道既巴克里其實都有相同情況，早早成名於愛華頓，而球風亦比較與林伯特相近，尤其係好鐘意禁區外施行遠射而且質素不俗，所以其實一早已經進入車路士法眼之中。
可惜既係，傷患哩個天敵令到巴克里喺職業生涯舉步維艱，每次一傷都唔係一段短時間，即使好番亦需要一段長時間至打得返起個狀態，但隔一排又再傷過，天意弄人既劇本一次又一次咁重複出現，亦令佢既國家隊席位好快就被後浪好似迪利阿里、連加特既再年青一代所取替。既然都唔能夠改變現有處境，倒不如轉換環境試一試，正喺哩個時候缺乏英人既車路士向愛華頓提出收購，最終雙方亦以1500萬鎊轉會費成交。
價錢上睇黎係一個超值既數字，不過始終都要睇球員自己能唔能夠打得出身價，巴克利加盟藍軍初期其實都仲係休養當中，亦因為咁引致佢錯過左參與季前集訓同球隊日常操練，而時任主帥干地既戰術思維過往都並非能夠輕易理解，向來球員都需要一段長時間既訓練至可以貫徹執行，加上外界猜測其實收購巴克利並唔係干地意思，只係高層希望補充英人名額而收歸旗下，即使佢復出場上表現亦未如理想，高呼「水貨」既聲音亦陸陸續續咁出現。
但哩位英格蘭人並沒有放棄自己，自沙利上任後一直都喺訓練時表現出應有態度，而巴克利既場上最佳位置亦非常適合沙利既戰術體系，所以即使球會外借到高華錫為常任正選，巴克利都一直能夠得到唔少既上場機會。而岩岩喺作客修咸頓既賽事中更得到正選上陣既機會，最終亦自開季後首次交出一入球一助攻既佳績成為賽事中最佳球員，雖然巴克利喺各方面都有提升空間，不過佢喺場上面表現出既拼勁同積極性其實先至係最重要。
始終每個車路士球迷心中都希望8號哩個數字能夠薪火相傳，繼續發光發亮。
巴克利，你一定要繼續努力...
文章最後更新時間 : 09/10/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊