《原創文章 歡迎轉載 請列明出處 謝謝》
-請支持藍獅 Facebook專頁-
賽季都完結左一段時間，襯沙利依加仲未正式轉投祖雲達斯，快快手打一篇關於佢今季既總結，車路士以歐霸盃冠軍、聯賽盃亞軍以及英超季軍完成1819賽季，結果論黎講可以話沙利合格有餘，只係進程以及場面上有落差，加上用拿玻里既子弟兵，令唔少車迷不滿。
帶住「平民教頭」既身份黎到史丹福橋，論級數沙利並非車路士以往所請既星級領隊，各自擁有一份喺世界舞台亮眼既履歷，同時亦沒有名宿光環，沙利就只係有教拿玻里所獲得既「沙利波」之名，亦曾經一度衝擊祖雲達斯既過去，但始終未有奪冠經驗，難免令一眾車迷都覺得請沙利係一種「倒退」既現象。
沙利唔同上任教頭干地，後者會嘗試為車路士所擁有既人腳既調整陣式內容，而沙利較執著於一貫風格，所以執掌藍軍帥印後亦馬上帶黎舊部佐真奴，確立戰術中既核心地位，同時沙利未有太多時間下就直接將433傳控踢法套用於過往多年打開防反既車路士身上，季初所得到既效果其實唔錯，最受注目就必定係主場同利物浦抗衡既一場，如果唔係舊將史杜列治既神來之筆，藍軍果場就必定成為一時佳話，同時亦獲得一段聯賽不敗紀錄。
不過佐真奴既弱點亦好快被對手睇穿，繼而部份對手開始針對性部署，再加上前線乏力，好多時都要靠夏薩特單天保至尊，蜜月期過後球隊既成績亦開始不穩定，而沙利亦係季中再次招攬另一舊部希古恩，希望佢既全面性能夠取代莫拉達為前線提高戰術效果，但阿根廷人表現不滯，再加上下半季大敗比曼城六比零，令唔少車迷茅頭直指沙利。
高山低谷，季初一段聯賽不敗令全隊士氣達至高峰，但自紀錄一斷過後問題亦隨之而來相繼出現，如果唔係季尾各支列強都相應失分，車路士都難以第三名沖線，幸運成份的確佔一要素，不過最終都有歐霸盃冠軍同入到聯賽盃決賽，再加上重奪歐聯席位，場面上有落差還有落差，但點計沙利哩份成績表都合格有餘。
如果意大利人真係決定左下季重返意甲的話，只好祝佢一路順風，歐聯戰場上再見。
文章發表時間 : 11/06/2019 14:30
文章最後更新時間 : 11/06/2019 14:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
賽季都完結左一段時間，襯沙利依加仲未正式轉投祖雲達斯，快快手打一篇關於佢今季既總結，車路士以歐霸盃冠軍、聯賽盃亞軍以及英超季軍完成1819賽季，結果論黎講可以話沙利合格有餘，只係進程以及場面上有落差，加上用拿玻里既子弟兵，令唔少車迷不滿。
帶住「平民教頭」既身份黎到史丹福橋，論級數沙利並非車路士以往所請既星級領隊，各自擁有一份喺世界舞台亮眼既履歷，同時亦沒有名宿光環，沙利就只係有教拿玻里所獲得既「沙利波」之名，亦曾經一度衝擊祖雲達斯既過去，但始終未有奪冠經驗，難免令一眾車迷都覺得請沙利係一種「倒退」既現象。
沙利唔同上任教頭干地，後者會嘗試為車路士所擁有既人腳既調整陣式內容，而沙利較執著於一貫風格，所以執掌藍軍帥印後亦馬上帶黎舊部佐真奴，確立戰術中既核心地位，同時沙利未有太多時間下就直接將433傳控踢法套用於過往多年打開防反既車路士身上，季初所得到既效果其實唔錯，最受注目就必定係主場同利物浦抗衡既一場，如果唔係舊將史杜列治既神來之筆，藍軍果場就必定成為一時佳話，同時亦獲得一段聯賽不敗紀錄。
不過佐真奴既弱點亦好快被對手睇穿，繼而部份對手開始針對性部署，再加上前線乏力，好多時都要靠夏薩特單天保至尊，蜜月期過後球隊既成績亦開始不穩定，而沙利亦係季中再次招攬另一舊部希古恩，希望佢既全面性能夠取代莫拉達為前線提高戰術效果，但阿根廷人表現不滯，再加上下半季大敗比曼城六比零，令唔少車迷茅頭直指沙利。
高山低谷，季初一段聯賽不敗令全隊士氣達至高峰，但自紀錄一斷過後問題亦隨之而來相繼出現，如果唔係季尾各支列強都相應失分，車路士都難以第三名沖線，幸運成份的確佔一要素，不過最終都有歐霸盃冠軍同入到聯賽盃決賽，再加上重奪歐聯席位，場面上有落差還有落差，但點計沙利哩份成績表都合格有餘。
如果意大利人真係決定左下季重返意甲的話，只好祝佢一路順風，歐聯戰場上再見。
文章發表時間 : 11/06/2019 14:30
文章最後更新時間 : 11/06/2019 14:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊