《此處不留人 自有留人處 淺談巴舒亞伊在林伯特手中的前境》

藍獅 於 27/08/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


巴舒亞伊,自今季車路士季前熱身賽後一直失蹤的名字,直到上場對諾域治既聯賽中由於柏度熱身時受傷,抽調巴克利打正選之下先至騰空到一個後備位置比佢,當然最終亦都無上到場,意味著開季至今四場賽事依然一場波都未踢過,何解季前熱身賽時巴舒亞伊得到唔少機會,反而依加正式開咧後會有咁大落差?一齊探討一下。

比利時人自黎到倫敦後可以話一直都困難重重,加盟第一季雖然經已獲得英超冠軍,不過上陣機會並唔多,主要擔任迪亞高哥斯達既後備,收咧後西班牙人與干地鬧翻,而隨即換來既係由皇馬來投既莫拉達,雖然黎到第二季巴舒亞伊既上陣時間係有顯注提升,不過交出既成績依然唔能夠競逐長期正選一席位,始終未能適應干地所打既戰術,而意大利人亦未有協助巴舒亞伊既場上發揮,最終喺季中球會就將佢借到當時缺少前鋒多蒙特半季。

而睇番哩幾季比利時人既外借表現,的確地喺多蒙特既發揮係最為亮眼,長期坐穩正選之下一共為「蜜蜂軍團」上陣踢左十四場波攻入左九球,而多蒙特亦有意續借什至傳出肯比轉會費買斷,卻遭到車路士一口拒絕,如果當日巴舒亞伊留低喺德甲的話好大可能唔洗搞到今時今日咁既境地。而隨後藍軍亦未有將佢收歸自用,先後外借到華倫西亞及水晶宮,最終今季先至回歸史丹福橋。

而喺季前熱身賽,巴舒亞伊所得到既機會都唔少,不過睇比利時人即使面對既對手級數較弱,但佢都依然唔太識得運用自己既身體優勢,好多時都「盲衝式」撞向對手,缺乏持球過人能力底下引致多次弄失控球權,巴舒亞伊既強項較為著重於禁區內既射門能力,但在於禁區外既所有前鋒特質就真係非常之一般般,相當單一性同「雞肋」,而無論干地定係依加既林伯特都未有為佢度身訂造一套適合佢打既配置,單係以反擊作戰術藍圖的話實在難助哩位比利時前鋒發揮。

而喺一啲球隊核心問題既前題底下亦未必會嘗試用雙前鋒作主要陣式,人選上雖然隊中三位前鋒都有各自自身缺憾,不過基奧特戰術效果明顯,而艾巴咸能力上唔高但總算全面過巴舒亞伊,所以比利時人喺林伯特心目中既排序亦會放到最後位置,後者近日回應有關外界對巴舒亞伊既前境時,認為球員埋門能力係依加球隊正正所缺少既野,似乎林伯特未必會喺其他聯賽轉會窗關閉前將佢放走。

個人認為既然都花左好幾季時間,倒不如實實在在地比巴舒亞伊喺車路士打埋哩一季,如果表現都依舊未如理想的話,下季就切實地將佢賣走,總好過一直外借每半季轉換一個環境,對球員黎講都絕對唔係一件好事。


文章發表時間 : 27/08/2019 12:00
文章最後更新時間 : 27/08/2019 12:00

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  巴舒亞伊  林伯特  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→