《林伯特的幕後大腦 青訓上位的幕後功臣 - 佐迪摩利斯》

藍獅 於 01/04/2020 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


每位主帥背後都有一個值得信任既教練團,而當中助教既角色更為重要,可以話係主帥既左右手,小至球隊日常操練內容,大至比賽臨場佈置戰術建議都由助教一腳踢,工作覆蓋範圍什至比主帥仲要廣闊,而其中林伯特身為主帥界既初哥,更加需要一位具級數同相當經驗既助教去扶持,今集想講既就係哩位人物,佐迪摩利斯(Jody Morris)。

與林伯特同年的摩利斯,為土生土長的倫敦人,亦正正係喺車路士既青訓體系中出道,摩利斯更以17歲43日之齡成為為藍軍於英超上陣既最年輕球員,喺96-03年期間,一共為車路士上陣超過170場比賽,亦同林伯特做過同期隊友,不過兩人既職業生捱並不一樣,林伯特於藍橋成為傳奇球星,而摩利斯其後轉會到列斯聯等球會繼續效力,直到13年正式宣佈退役,並隨即投身教練行列。

而摩利斯既第一站就係重投史丹福橋,同樣地加入青訓系統,以U21梯隊教練身份繼續為車路士效力,而其後亦於U18梯隊中擔任助教,再正式成為U18梯隊主教練,而喺哩四年期間,一共為U18梯隊贏左四次聯賽冠軍以及及青年足總盃冠軍,戰績可以話震驚左青少年足球界內,亦令外界憧憬車路士未來能夠擁有一班具天資既年輕球員能夠為一隊上陣。

而喺上季林伯特決定正式接掌打比郡主帥一職後,隨即搵黎摩利斯以及另一位車路士體能教練Chris Jones一同協助,亦外借左蒙特同湯姆利兩位小將到打比郡一個球季,摩利斯除左善於與年輕球員溝通之外,由於曾以主教練身份稱霸U18界別,對於陣式佈置戰術安排亦有充份理解,所以能夠比到林伯特好多額外建議,雖然打比郡最終都無緣晉級英超,不過林伯特就得到重返車路士既機會。

以今季既成績黎講,林伯特既表現可以話合格有餘,而喺「青春風暴」既背後好大程度要歸功於摩利斯既協助,佢喺青訓體系果幾年所合作過既青訓球員可以話多不勝數,對於球員既特質同能力可以話係隊中最了解既一個,而佢亦相當信任哩班年輕球員,車路士能夠將當日所掛住「青春」既夢想成日今日既事實除左係受惠於轉會禁令之外,亦要多得由摩利斯為首既一班教練團隊。


文章發表時間 : 01/04/2019 13:25
文章最後更新時間 : 01/04/2019 13:25

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→