《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
由傳出到落實加盟用左無半個星期時間，龐馬（Cole Palmer）正式以£40m+2.5m由曼城轉投至車路士，簽約7年並有額外1年續約選擇權，淺藍轉深藍將會身穿20號球衣，貴為曼城青訓產品既龐馬早於20/21年球季已被晉升至一隊，直至上季開始得到更多上陣時間參與聯賽以及歐聯賽事，而喺剛過去既U21歐國盃更協助英格蘭勇奪冠軍，成為一時佳話。
喺尼宮古同卓古美卡接連受傷後，同時前者更需要養傷長達半個球季，實在令車路士不得不選擇再喺攻擊線上增添人手，而近幾場波都見到即使史達寧同積遜合作製造到啲攻門機會出黎，但陣中始終無人能夠做到接應兼破門果個，目標人選除左需要具備埋門能力之外，位置上既多元性都能可以為攻擊線帶黎流動同活力；早前車路士所關注既水晶宮翼鋒奧利斯（Michael Olise）的確擁有以上特質，佢既英超經驗什至比起龐馬多，不過在於球員最終都選擇同球會續約令車路士需要另覓人選，繼而令龐馬得到轉會機會。
哩位英格蘭小將主打右翼以及攻中位置，同時能兼任左翼，慣常用左腳既龐馬最煞食果招就係右邊扣大位埋禁區頂起腳，好幾下入球都係用同一招喺哩個位置施射破網，而按現時車路士既陣容推斷，佢較大機會擔任正選右翼一職，而史逹寧則出任左翼，再因應賽事進程嘗試互換位置，龐馬既加盟雖然會擠壓同為右翼馬杜基（Noni Madueke）既上陣時間，不過將兩者直接作比較的話，前者既埋門同小範圍盤球技術都會比起後者優勝，馬度基既定位暫時都係作輪換替補較為適合，而同樣地佢兩個既球風都係偏向「獨食」，要睇普捷天奴再點樣調教。
至於更衣室融入方面相信唔會係問題，龐馬喺曼城時期就已經同史達寧以及拉維亞（Roméo Lavia）合作過，而喺剛過去既U21歐國盃中亦有馬杜基同高維作為隊友，不過佢過去效力果隊始終係傳控上已達到爐火純青級別既曼城，黎到車路士需要重新適應另一套戰術體系，定位同職責一定有所不同，始終都需要時間同空間去發揮同融合。
文章發表時間 : 1/9/2023 20:30
文章發表時間 : 1/9/2023 20:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
由傳出到落實加盟用左無半個星期時間，龐馬（Cole Palmer）正式以£40m+2.5m由曼城轉投至車路士，簽約7年並有額外1年續約選擇權，淺藍轉深藍將會身穿20號球衣，貴為曼城青訓產品既龐馬早於20/21年球季已被晉升至一隊，直至上季開始得到更多上陣時間參與聯賽以及歐聯賽事，而喺剛過去既U21歐國盃更協助英格蘭勇奪冠軍，成為一時佳話。
喺尼宮古同卓古美卡接連受傷後，同時前者更需要養傷長達半個球季，實在令車路士不得不選擇再喺攻擊線上增添人手，而近幾場波都見到即使史達寧同積遜合作製造到啲攻門機會出黎，但陣中始終無人能夠做到接應兼破門果個，目標人選除左需要具備埋門能力之外，位置上既多元性都能可以為攻擊線帶黎流動同活力；早前車路士所關注既水晶宮翼鋒奧利斯（Michael Olise）的確擁有以上特質，佢既英超經驗什至比起龐馬多，不過在於球員最終都選擇同球會續約令車路士需要另覓人選，繼而令龐馬得到轉會機會。
哩位英格蘭小將主打右翼以及攻中位置，同時能兼任左翼，慣常用左腳既龐馬最煞食果招就係右邊扣大位埋禁區頂起腳，好幾下入球都係用同一招喺哩個位置施射破網，而按現時車路士既陣容推斷，佢較大機會擔任正選右翼一職，而史逹寧則出任左翼，再因應賽事進程嘗試互換位置，龐馬既加盟雖然會擠壓同為右翼馬杜基（Noni Madueke）既上陣時間，不過將兩者直接作比較的話，前者既埋門同小範圍盤球技術都會比起後者優勝，馬度基既定位暫時都係作輪換替補較為適合，而同樣地佢兩個既球風都係偏向「獨食」，要睇普捷天奴再點樣調教。
至於更衣室融入方面相信唔會係問題，龐馬喺曼城時期就已經同史達寧以及拉維亞（Roméo Lavia）合作過，而喺剛過去既U21歐國盃中亦有馬杜基同高維作為隊友，不過佢過去效力果隊始終係傳控上已達到爐火純青級別既曼城，黎到車路士需要重新適應另一套戰術體系，定位同職責一定有所不同，始終都需要時間同空間去發揮同融合。
文章發表時間 : 1/9/2023 20:30
文章發表時間 : 1/9/2023 20:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊