《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
添姆雲拿對於自己開季至今既上陣時間不滿係可以理解的，由歐聯兩場波坐晒冷板凳連場都無得出，繼而聯賽七場入面只有三場正選三場後備，相比於同鄉夏維斯參與左接近九成賽事可以話完全被比下去，近日有傳如果添姆雲拿喺上半季既處境依然未有太大改善的話將會選擇喺冬季轉會窗離隊他投，哩名德國攻擊球員或會成為杜曹手上首位犠牲品？
選擇離開家鄉轉到新環境從來都唔係容易既事，尤其係一直喺德甲都有著穩定既入球率，黎到英超除左要重新適應環境之外更要改變自己踢法去迎合球隊戰術，加上聯賽風格不同之下所應付既中堅亦有所不同，而同時要面對愛好炒作話題既傳媒所問既苛刻問題，添姆雲拿所面對既困難其實係唔少，近日亦有數據指出自球員登陸英超以黎一共有16個入球被VAR判決推翻，雖則你可能會話佢喺破越位方面既銳利度依然不足，不過喺數字上黎睇其實都幾令人氣餒同打擊信心。
自上季無論係林伯特還是杜曹帶領底下添姆雲拿都係球隊既核心成員，不過自從喺季初盧卡古加盟之後，佢既處境就由必然正選變成後備席上其中一個選擇，次序上排於夏維斯同蒙特之後，與薛耶治、奧岱等人同為後備（佩利錫踢完英超揭幕戰後就受傷所以無數據參考），而取代添姆雲拿既正選位置就正正係佢同鄉夏維斯。
杜曹喺今季既諗法係希望擴大球隊喺進攻方面既成效，嘗試喺中路增設更多攻擊點，務求將入球數字推升，與盧卡古配合從而製造埋門機會，至於邊線就交由後上既翼衛負責，而夏維斯既個人風格正正係以切入中路為主，相反添姆雲拿偏向於邊路發展居多，不過觀察到由開季至今球隊喺進攻組織上既效果黎睇，將夏維斯放置於中路後反而令對手禁區外圍囤兵過多，更會出現前線「塞車」畫面。
而睇番添姆雲拿喺場上既效果，無論喺343打翼鋒抑或352打前鋒，佢同盧卡古或者其他隊友都有更多既配合，透過跑動同拉扯釋放左唔少進攻空間出黎，而喺組合性上什至可以話比起夏維斯更加之夾到盧卡古，即使後備落場都提供到一定既衝擊力，當然佢喺主力打陣地戰方面依然有不足之處，埋門處理仍有改善既地方，不過貿然放棄佢的話變相會令球隊少左一名可以同時一兼兩職既反擊能手，個人認為倒不如從夏維斯身上分配更多出場時間比添姆雲拿，咁樣既處理會更為合適。（之後會有文章詳細交待盧卡古喺進攻組合上既方向以及夏維斯等問題）
拜仁同多蒙特一直都有觀察住德國人既情況，相信只要藍軍願意放人或球員決意出走的話佢地就會作出報價，而添姆雲拿喺史丹福橋既未來將交由杜曹所決定。
文章發表時間 : 11/10/2021 11:45
文章最後更新時間 : 11/10/2021 11:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
添姆雲拿對於自己開季至今既上陣時間不滿係可以理解的，由歐聯兩場波坐晒冷板凳連場都無得出，繼而聯賽七場入面只有三場正選三場後備，相比於同鄉夏維斯參與左接近九成賽事可以話完全被比下去，近日有傳如果添姆雲拿喺上半季既處境依然未有太大改善的話將會選擇喺冬季轉會窗離隊他投，哩名德國攻擊球員或會成為杜曹手上首位犠牲品？
選擇離開家鄉轉到新環境從來都唔係容易既事，尤其係一直喺德甲都有著穩定既入球率，黎到英超除左要重新適應環境之外更要改變自己踢法去迎合球隊戰術，加上聯賽風格不同之下所應付既中堅亦有所不同，而同時要面對愛好炒作話題既傳媒所問既苛刻問題，添姆雲拿所面對既困難其實係唔少，近日亦有數據指出自球員登陸英超以黎一共有16個入球被VAR判決推翻，雖則你可能會話佢喺破越位方面既銳利度依然不足，不過喺數字上黎睇其實都幾令人氣餒同打擊信心。
自上季無論係林伯特還是杜曹帶領底下添姆雲拿都係球隊既核心成員，不過自從喺季初盧卡古加盟之後，佢既處境就由必然正選變成後備席上其中一個選擇，次序上排於夏維斯同蒙特之後，與薛耶治、奧岱等人同為後備（佩利錫踢完英超揭幕戰後就受傷所以無數據參考），而取代添姆雲拿既正選位置就正正係佢同鄉夏維斯。
杜曹喺今季既諗法係希望擴大球隊喺進攻方面既成效，嘗試喺中路增設更多攻擊點，務求將入球數字推升，與盧卡古配合從而製造埋門機會，至於邊線就交由後上既翼衛負責，而夏維斯既個人風格正正係以切入中路為主，相反添姆雲拿偏向於邊路發展居多，不過觀察到由開季至今球隊喺進攻組織上既效果黎睇，將夏維斯放置於中路後反而令對手禁區外圍囤兵過多，更會出現前線「塞車」畫面。
而睇番添姆雲拿喺場上既效果，無論喺343打翼鋒抑或352打前鋒，佢同盧卡古或者其他隊友都有更多既配合，透過跑動同拉扯釋放左唔少進攻空間出黎，而喺組合性上什至可以話比起夏維斯更加之夾到盧卡古，即使後備落場都提供到一定既衝擊力，當然佢喺主力打陣地戰方面依然有不足之處，埋門處理仍有改善既地方，不過貿然放棄佢的話變相會令球隊少左一名可以同時一兼兩職既反擊能手，個人認為倒不如從夏維斯身上分配更多出場時間比添姆雲拿，咁樣既處理會更為合適。（之後會有文章詳細交待盧卡古喺進攻組合上既方向以及夏維斯等問題）
拜仁同多蒙特一直都有觀察住德國人既情況，相信只要藍軍願意放人或球員決意出走的話佢地就會作出報價，而添姆雲拿喺史丹福橋既未來將交由杜曹所決定。
文章發表時間 : 11/10/2021 11:45
文章最後更新時間 : 11/10/2021 11:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊