《原創文章 歡迎轉載 請列明出處 謝謝》
-請支持藍獅 Facebook專頁-
今場波既話題性有好多，有摩連奴與林伯特再次在場上相遇，有韋利安連入兩球，亦有孫興民被紅牌趕離場，而個人認為今場波最大兩個關鍵，包括林伯特變陣以三後衛出戰以及後防三子有穩定演出，對摩連奴既熱刺作出最大限度既箝制。
自十月頭歐聯對里爾既分組賽用過三後衛陣式後，林伯特喺過去既比賽一直維持433與4231陣式互換，主要取決於愛將蒙特喺場上既位置同當場需要執行既主任務，而喺魯迪加早兩場正式回歸後，加上湯姆利亦傷後復出，喺後防人手回復充裕後今場波令人意外地擺番一個三後衛陣式出黎，的確令熱刺球員有啲無所適從；三後衛當中以蘇馬為核心位置，左右拍檔分別係湯姆利同魯迪加，而受轉會傳聞久未露面既馬高斯阿朗素亦以左翼衛登場，右邊就由艾斯派古達負責，中場方面就先以簡迪及高華錫作正選，而前場就收起左佩利錫，用左艾巴咸夾韋利安同蒙特。
以全場局勢黎講，唔講的話真係唔知熱刺先係主場果隊，車路士掌握住全場波唔少控制權，主要係以三名後衛先作控球第一點，而左右兩邊翼衛拉開陣容闊度，而簡迪亦較以往唔同回歸番偏於著重防務，直到有機會先會上前幫手拉邊，而高華錫除左推進運波之外亦要負責埋最後一傳，有幾下都交到比前線球員去走一段，至於前場三名球員流動性比較大，蒙治並唔會長時間企於右邊等波，好多時佢都會走返入中路甚至去到左路幫韋利安手，比較偏向輔鋒角色，而韋利安亦有時會走到近右邊既中場幫手，自由流動換位，令熱刺既中後場球員難以用man mark形式一對一作防守，稍一不留神走漏眼就會成功被車路士球員入楔。
除此之外，今場波之都利用左好多對角長傳，好多時喺後場邊路拎波既球員會大腳掘番個波去另一邊既前場，蒙治走到中路幫手over load，令右路既艾斯派古達多出唔少向前跑既空間，好多時都有唔少對華湯根一對一既機會，而哩個時候簡迪亦會走到走路幫手配合走位拉邊，製造空間，將韋利安放去左路個人認為唔多唔少係林伯特對於熱刺右路既部署，奧利亞係一名防守力相當弱既閘馬高斯阿朗素經常前插加上蒙特走邊幫波，明顯令到佢喺右路受到相當大壓力。
除左韋利安既個人發揮應記一功之外，防線既穩定性亦係今場波既關鍵，喺取得絕大部份控球優勢下令車路士既後防線能夠進一步推進上前，熱刺禁區外有高華錫同簡迪負責，即使對手後防嘗試用高波掘返上前場亦有湯姆利同魯迪加負責上搶盧卡斯摩拉同孫興民，而蘇馬除左招呼哈利簡尼之外亦負責接應對手龍門球，而哩個防守配置黎講個人認為係全隊最穩定既組合黎，前場攻力既輸出令哩個林伯特手中既343陣式比起干地時期既戰術內容更加豐富。
最後都想講講孫興民果張紅牌，以慢鏡角度睇，佢的確係做出一個難睇及明顯既腳部動作掂到魯迪加上半身，哩個紅牌決定無可口非，不過其實喺佢仆落地前魯迪加既右手其實係有以一個唔輕既力撞落孫興民身上「抽水」，至於之後被熱刺球迷以猴子聲呼叫，本專頁對任何形式既種族歧視都作出最嚴厲譴責，無論係對手還是己隊球迷，都唔應該因為膚色而作出歧視。
對於林伯特黎講今場波哩三分總算為自己鬆一口氣，始終近幾場波接連失分就算講緊係主場既賽事都輸波，難免係會有啲壓力，但無論點都要提醒所有車路士球迷，即使依加球隊係排緊前列第四都好，藍軍今季依然係處於調整期，除左年輕球員同隊中本身核心果球要磨合都好，林伯特自己亦需要時間摸熟全隊可用既陣式運用同戰術內容，唔可能一步到位，希望大家都要認清哩個方向。
文章發表時間 : 23/11/2019 16:30
文章最後更新時間 : 23/11/2019 16:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
今場波既話題性有好多，有摩連奴與林伯特再次在場上相遇，有韋利安連入兩球，亦有孫興民被紅牌趕離場，而個人認為今場波最大兩個關鍵，包括林伯特變陣以三後衛出戰以及後防三子有穩定演出，對摩連奴既熱刺作出最大限度既箝制。
自十月頭歐聯對里爾既分組賽用過三後衛陣式後，林伯特喺過去既比賽一直維持433與4231陣式互換，主要取決於愛將蒙特喺場上既位置同當場需要執行既主任務，而喺魯迪加早兩場正式回歸後，加上湯姆利亦傷後復出，喺後防人手回復充裕後今場波令人意外地擺番一個三後衛陣式出黎，的確令熱刺球員有啲無所適從；三後衛當中以蘇馬為核心位置，左右拍檔分別係湯姆利同魯迪加，而受轉會傳聞久未露面既馬高斯阿朗素亦以左翼衛登場，右邊就由艾斯派古達負責，中場方面就先以簡迪及高華錫作正選，而前場就收起左佩利錫，用左艾巴咸夾韋利安同蒙特。
以全場局勢黎講，唔講的話真係唔知熱刺先係主場果隊，車路士掌握住全場波唔少控制權，主要係以三名後衛先作控球第一點，而左右兩邊翼衛拉開陣容闊度，而簡迪亦較以往唔同回歸番偏於著重防務，直到有機會先會上前幫手拉邊，而高華錫除左推進運波之外亦要負責埋最後一傳，有幾下都交到比前線球員去走一段，至於前場三名球員流動性比較大，蒙治並唔會長時間企於右邊等波，好多時佢都會走返入中路甚至去到左路幫韋利安手，比較偏向輔鋒角色，而韋利安亦有時會走到近右邊既中場幫手，自由流動換位，令熱刺既中後場球員難以用man mark形式一對一作防守，稍一不留神走漏眼就會成功被車路士球員入楔。
除此之外，今場波之都利用左好多對角長傳，好多時喺後場邊路拎波既球員會大腳掘番個波去另一邊既前場，蒙治走到中路幫手over load，令右路既艾斯派古達多出唔少向前跑既空間，好多時都有唔少對華湯根一對一既機會，而哩個時候簡迪亦會走到走路幫手配合走位拉邊，製造空間，將韋利安放去左路個人認為唔多唔少係林伯特對於熱刺右路既部署，奧利亞係一名防守力相當弱既閘馬高斯阿朗素經常前插加上蒙特走邊幫波，明顯令到佢喺右路受到相當大壓力。
除左韋利安既個人發揮應記一功之外，防線既穩定性亦係今場波既關鍵，喺取得絕大部份控球優勢下令車路士既後防線能夠進一步推進上前，熱刺禁區外有高華錫同簡迪負責，即使對手後防嘗試用高波掘返上前場亦有湯姆利同魯迪加負責上搶盧卡斯摩拉同孫興民，而蘇馬除左招呼哈利簡尼之外亦負責接應對手龍門球，而哩個防守配置黎講個人認為係全隊最穩定既組合黎，前場攻力既輸出令哩個林伯特手中既343陣式比起干地時期既戰術內容更加豐富。
最後都想講講孫興民果張紅牌，以慢鏡角度睇，佢的確係做出一個難睇及明顯既腳部動作掂到魯迪加上半身，哩個紅牌決定無可口非，不過其實喺佢仆落地前魯迪加既右手其實係有以一個唔輕既力撞落孫興民身上「抽水」，至於之後被熱刺球迷以猴子聲呼叫，本專頁對任何形式既種族歧視都作出最嚴厲譴責，無論係對手還是己隊球迷，都唔應該因為膚色而作出歧視。
對於林伯特黎講今場波哩三分總算為自己鬆一口氣，始終近幾場波接連失分就算講緊係主場既賽事都輸波，難免係會有啲壓力，但無論點都要提醒所有車路士球迷，即使依加球隊係排緊前列第四都好，藍軍今季依然係處於調整期，除左年輕球員同隊中本身核心果球要磨合都好，林伯特自己亦需要時間摸熟全隊可用既陣式運用同戰術內容，唔可能一步到位，希望大家都要認清哩個方向。
文章發表時間 : 23/11/2019 16:30
文章最後更新時間 : 23/11/2019 16:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊