成不了藍橋下的老虎 法卡奧

藍獅 於 20/04/2017 發表 收藏文章
-請支持藍獅 Facebook專頁-

剛剛完成歐聯八強賽事,外界聚焦於有「新亨利」之稱既麥巴比(Kylian Mbappe Lottin)身上;但同時取得一個入球,帶領摩納哥相隔十三年後再闖入歐聯四強,仲有佢,戴上隊長臂章既法卡奧(Radamel Falcao García Zárate)。
回想起還身處馬德里體育會時期既老虎,不論埋門觸角、牽引走位、盤球爆發等前鋒應有既要素,都可以話係世界級,絕對令對手聞風喪膽。亦是繼費蘭度托利斯(Fernando José Torres Sanz)後,第二位受到車路士注目既馬體會前鋒。可惜既係,當時選擇離開床單軍團既法卡奧,並不是去藍橋,而是選擇加盟法甲新貴摩納哥。
登陸法甲後,傷患似乎跟老虎結下不解緣,在有限既發揮底下,第一季只能達到馬體會時期賽季一半既上陣次數,而入球更少於三分之一,傷患形影不離令佢被除下高效射手之名,亦被外界定為高峰已過。似乎法卡奧不甘心於外界既批評,堅決再向外闖証明自己,而佢既下一站,想不到會係英超既曼聯。
被外借加盟到曼聯既法卡奧,哩單轉會可以話令不少球迷震驚,將重燃九號射手既希望寄托在佢身上。但似乎老虎對英超賽場十分陌生,更加對當時曼聯領隊雲高爾(Louis van Gaal)既戰術無所適從,雖然上陣次數比效力摩納哥的第一季為多,但當中有接近一半既時間係以後備上陣,而入球只取得四個。對於未能扭轉生涯劣勢既法卡奧,決定再作一次人生賭博,加盟曼聯宿敵,車路士。
再一次被摩納哥外借,時任領隊摩連奴(José Mário dos Santos Mourinho)將法卡奧帶到藍橋,亦還了車路士球迷希望佢穿起藍色球衣既心願。可惜的是,法卡奧已經遲了兩季加盟,果時既老虎,已經唔係當日馬體會既老虎。相比於前一季效力曼聯時期,法卡奧既生涯可以話低處未算低,傷患再一次與降臨到佢身上。全季只為車路士上陣十二場,入球更只得一個,同時球隊當季正處於低潮期。法卡奧亦不得不決定離開失意既英超賽場,車路士球迷亦只能將佢變成回憶。
拒絕多間包括中超在內既球會邀請,隻身回到法國,亦已經發現自己已經三十出頭,法卡奧知道哩次將會係足球生涯裏面最後一次機會,而似乎堅定既決心使佢擺脫左命運既作弄。今季至今已經為摩納哥上陣三十六場,並且攻入二十七個入球。
時機不合,雖然法卡奧最終不能在藍橋下發光發熱,亦希望佢能夠重拾老虎本色,帶領摩納哥走得更遠更高。

藍獅 每週末出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  摩納哥  法卡奧  

留言


請按此登錄後留言。未成為會員? 立即註冊
    快捷鍵:←
    快捷鍵:→