《志理明言 少說話 多做事 這句話是送給盧卡古的》

藍獅 於 05/01/2022 發表 收藏文章
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-


盧卡古事件相信會告一段落,杜曹經已同球員進行一次深入會面,管理層亦有參與其中,盧卡古亦承認唔應該接受相關訪問,未知球會會否以罰款了事,不過球員經已公開同隊友、球迷們道歉,並重新參與隊內訓練,相信下場聯賽盃對熱刺既賽事將會上陣,正所謂少說話多做事,盧卡古理應用表現去說服同安撫一眾車迷。

事件源於盧卡古接受Sky Italy既一個訪問,內容大致係想修補同國際米蘭球迷之間既關係,但最終不補討好得黎更得罪晒兩邊球迷,什至有人將佢2021年頭喺社交媒體帳戶中效力國米既狀態重新當依一刻發生咁推出黎,喺大部份車迷都未fact check之下當然令事件火上加油,但理性地說盧卡古既處理可以話相當差,如果一早道歉相信爆炸力經已減半。

而訪問過程中盧卡古亦有表示自己喺車路士既處境,當中表達出喺場上踢得並唔舒服,哩段說話當然觸動到杜曹既觸覺,老實講相信無乜邊位教練可以容忍到自己既球員可以當住出面媒體面前批評自己,而尤其係盧卡古回歸史福橋背後既最大推動者係杜曹,即使你認為教練喺場上用人定位同戰術安排未能夠用得好你,你都理應先喺內部同教練進行溝通,尋求解決辦法,而唔係當住媒體面前去講比機會佢地大造文章。

其實之前都曾經有出文講過杜曹喺盧卡古既使用上仲未係好得心應手,尤其喺佢同夏維斯同場上既定位有啲雙衝,引致疊位情況出現前線炒晒車咁,不過自盧卡古傷癒復出後都開始有改善跡象,根據媒體指出其實盧卡古早於上月頭已經同杜曹交流過有關佢自己喺戰術上既定位,希望令教練更能用盡佢既踢法,只係杜曹對於盧卡古接受訪問毫不知情,至出現今日被炒作既境況。

相關文章 : 《盧卡古與夏維斯不能同場? 探討車路士的進攻隱憂與問題所在》

車路士以往每隔一兩季都總有花生料供媒體炒作,希望黎到新一年球隊同球員都做好公關角色,現況都已經唔係好,如果再多兩單哩啲咁既炒作野相信杜曹都會頂唔順自行了斷。


文章發表時間 : 5/1/2022 12:40
文章最後更新時間 : 5/1/2022 12:40

《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  盧卡古  杜曹  

留言


請按此登錄後留言。未成為會員? 立即註冊
    快捷鍵:←
    快捷鍵:→