從兩場勝負既共通點 分析干地還需著手處理既問題

藍獅 於 08/04/2017 發表 收藏文章
-請支持藍獅 Facebook專頁-

國際賽期完結過後,車路士完成左兩場聯賽賽事,一共獲得三分進賬,而哩三分係全數由曼城身上取得,反觀主場對賽水晶宮敗陣而回,可以話同球迷預期既結果相反。聚焦於哩兩場賽事,除左陣式以及賽果不同之外,唔難發現有不少問題有共通之處,以下為大家續一分析。

<<摩西斯的缺陣>>
自從喺今季轉用343陣式後,摩西斯穩佔當中右翼衛既正選,賣力既表現可以話係佢能夠勝任這位置既主因。不幸喺佢受傷之後,右翼位既替補問題表露無遺,喺對陣水晶宮既賽事當中,干地轉陣以及起用柏度為右翼衛,希望利用後者勤於走動既特性減少摩西斯缺陣既影響,顯然柏度在防守方面未為理想,更有點進退失據既感覺;而在對陣曼城,干地以原陣343及選用艾斯派古達為右翼衛,相比柏度,艾斯派古達在這位置明顯較為全面,當然有一些前插時機需要時間拿捏。在於今季,艾斯派古達主要被安排右中堅角色,如果來季干地會繼續這樣的話,似乎右翼衛既替補必須補充,但市面上有多少適合干地既右翼衛現貨呢?
(外借到祖雲達斯既古亞達度係理想人選 但外借年期為三年 同時球員似乎未能適應英超 所以小弟認為球員回歸機會極微)

<<難保清白之身>>
自一月尾聯賽對陣侯城過後,車路士每場比賽都出現失球。針對喺水晶宮同曼城哩兩場波,失波共通點可以話同出一轍,想講既就係大衛雷斯,喺干地安排佢既位置當中,負責串聯艾斯派古派以及卡希爾處理防務,以及將皮球快速傳送到前場進行攻勢。而球員喺哩兩場都有標失波既情況出現,由於佢同簡迪前後夾擊,標失波同時會影響到後者喺帶波球員身後進行既防守工作。似乎干地需要再三提點大衛雷斯,盡量減少輕出既情況再次出現。
相比於上者,職責較少既艾斯派古達以及卡希爾相對穩定,反而要諗既係有需要喺左路防守上增添速度元素,始終卡希爾以及大衛雷斯既速度問題其實存在已久,近至對陣曼城既賽事都不時見到對手以速度挑戰車路士防線。情況就像一個尚未引爆既炸彈,干地有必要正視,否則來季好大機會重滔上年覆轍。

<<馬迪狀態不穩>>
正當法比加斯開始回到正選行列,而球隊同時維持兩個中場中既名額,亦代表著馬迪狀態不夠前者火熱。自下半季起,馬迪狀態開始跌跌沉沉,反反覆覆,當然不知是否跟伊雲奴域既離開有關。而聚焦於水晶宮以及曼城兩場波,不難看見球員繼續維持低沉狀態,在於防守,決定性不足,需要出腳攔截時時卻多用了眼神防守。進攻時,亦不時見到交失波以及機動性不足導致接應不到隊友既輸送,使球隊失去控球權及攻勢。在簡迪加盟後,干地明確地表明後者既職責及位置,同時將馬迪進行半改造,加入進攻元素,但球員本身以打防守為主,現在既佢可以話有少少兩頭唔到岸,究竟係弄不清職責而狀態低迷,還是狀態低迷導致進退失據,實屬無從稽考。

<<哥斯達啞火>>
迪亞高哥斯達既入球荒係近日討論得熱烘烘既話題,同時亦開始被部份球迷針對成夏季轉會窗離開既對象。過去哩兩場波亦開始發現哥斯達毛手毛腳既舊患開始復發,似乎球員亦開始為射手榜位置下降而著急起來。以事論事,球員本人的確在比賽中少左同隊友配合,或者弄失控球權既情況出現,但我認為球迷們亦無需將以上事件無限放大,並轉化為佢需要下季離開既理由。在車路士既體系當中,不論領隊怎樣轉變,或是戰術排陣怎樣轉變,正箭頭哩個角色一向難以擔當。下季球隊亦需要到歐聯場上作戰,在多線發展底下,不論傳言盧卡古以及莫拉達幾咁無限接近加盟,放走哥斯達,使用全新類型既前鋒,實在係一個不智既做法。反觀球隊應該按步就班,減少對哥斯達既依賴,始終佢同巴舒亞伊既差距實在太大,一個係當打前鋒,而另一個只係潛力新星,的確缺乏良性競爭喺入面。而且近日干地開始嘗試轉陣,如果來季真係比小弟估中佢會以352為終極目標既話( 延伸舊文 : 343只是352既前奏?(上) ),迪亞高哥斯達更有需要留下。
其實在球隊訓練當中,不難看到球員本人與大衛雷斯既搞事或搞笑畫面,即使入球荒持續,亦未見哥斯達在訓練既態度或面容有轉變。而且英國當地球迷非常愛戴哥斯達(小弟在剛過去既一月有現場觀看主場對陣侯城既賽事 有機會再同大家分享),希望佢繼續獲得球員既支持打破入球荒。

藍獅 每週末出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Ralf Kwok
    Ralf Kwok 於 08/04/2017 評論 NO. 1

    把甘美治帶來史丹福橋便可以了....大家意大利人有計傾

  • Pluto Kin
    Pluto Kin 於 08/04/2017 評論 NO. 2

    比個機會艾基啦....

  • Kevin Lo
    Kevin Lo 於 08/04/2017 評論 NO. 3

    右翼衛唔使諗, AZP 同摩西輪換。
    而本身右中堅就 Zouma 同收返嘅基斯甸臣。
    左中堅就一係 Cahill 一係 Ake。

  • Maxima Chan
    Maxima Chan 於 09/04/2017 評論 NO. 4

    買華西打後備

快捷鍵:←
快捷鍵:→