干地渴求柱躉中鋒 淺談四大潛在目標

BluexLion車迷手記 於 20/01/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

冬季轉會窗經已過左一半,車路士至今就只有從愛華頓簽入中場巴克里,而近日轉會傳聞主要集中於在前鋒位置上,被認定為干地首要引援目標,韋斯咸前鋒卡路爾將會傷出一段唔短時間,意味著哩位英格蘭高大中鋒將不會喺今個月內完成交易。候選名單中仲有邊啲其它目標?一齊同大家睇下。

1. 迪斯高 - 現效力羅馬

.圖片來源 : Metro

哩位前曼城中鋒係近日傳得最熱烈既一位,外界指出藍軍選擇以50M歐羅以及額外奬金,再加上外借巴舒亞伊去換取迪斯高及左閘艾馬臣加盟,球會雙方在轉會費上仍有拉鋸空間。迪斯高擁有豐富既大賽經驗,加上曾經在英超打滾,適應力絕不成問題,而言個人踢法亦較為全面,雖踏入三十之力但機動性亦不俗,同時間多與隊友配合組織攻勢,尤其喺今季歐聯分組賽兩回合對車路士一共取得兩入球一助攻,都見得到哩位波斯尼亞國腳既能力,相信如果迪斯高能夠加盟,藍軍攻力必定有所提升。

2. 基奧特 - 現效力阿仙奴
.圖片來源 : Sky Sports

自拿卡錫迪加盟阿仙奴後,「銀河唯一」既正選位置經已不保,至今在英超聯賽方面只獲得一次正選上陣機會。適逢黎緊俄羅斯世界盃,眼見多年隊友禾確特都為保參賽資格都選擇離隊他投,貴為法國國家隊首席中鋒既基奧特相信亦不甘於在下半季繼續坐在後備席上。佢可以話係典型既柱躉中鋒,空中轟炸絕對不成問題,而且偶有妙射,但球員自上年十二月尾後一直傷出,未知能否在冬季轉會限期前傷癒復出。與此同時,山齊士加盟曼聯亦只係時間問題,雲加會願意再一次去放走手下球員到其它列強競爭對手嗎?

3. 高治 - 現效力史篤城
.圖片來源 : FourFourTwo

曾效力利物浦及熱刺既高治經已三十有六,自加盟史篤城以黎一直得到唔少後備上陣機會,高達兩米既「長人」經常利用身體優勢頭槌攻門,幫助球隊取得壓倒性既空中優勢,但年事已高,即使加盟車路士亦只能屬於短期應急方案,與此同時史篤城現正處於聯賽降班區域,定必唔會放走陣中主力球員令自己雪上加霜。其實選擇並唔係無,而且又未到轉會期限,不論租用還是購買,都唔應該去搵一個到達退休年齡既攻擊球員作目標。

4. 賓迪基 - 現效力水晶宮
.圖片來源 : Sky Sports

車路士其實由開季至今一直都有以賓迪基作為潛在人選,比利時人制空力強,佢前場作支點再分波二傳比邊路球員好似沙夏或者唐辛哩啲速度高既球員作爆破,套路上進攻能力絕對唔弱,但賓迪基既個人埋門同把握力真係不敢恭維,而且傷病史多。貴為水晶宮頭號射手,球隊剛剛脫離降班區,主帥鶴臣未必會肯放佢走,即使批準在價錢上定必價值不菲。


文章最後更新時間 : 20/01/2018 09:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

標籤: 干地  車路士  迪斯高  基奧特  高治  賓迪基  

留言


請按此登錄後留言。未成為會員? 立即註冊
  • Hoyin Ting123 於 20/01/2018 評論 NO. 1

    simon 馬基洛,2米高丹麥鋒霸
    拉斯澳 查澳尼 2米高科特鋒霸

  • OhMyGirl_Arin 於 20/01/2018 評論 NO. 2

    高治踢史篤城都係長期後備 嚟到車真係買返嚟擺 如果要買高治 卡路爾 我寧願佢唔買好過

  • Marjill 於 20/01/2018 評論 NO. 3

    講黎冇用,跟本唔會買

快捷鍵:←
快捷鍵:→