干地已通知哥斯達來季不會在計劃之中

BluexLion車迷手記 於 08/06/2017 發表 收藏文章
-請支持藍獅 Facebook專頁-
<歡迎轉載 請列明出處 謝謝>

在西班牙與哥倫比亞既國際賽後,車路士前鋒迪亞高哥斯達接受傳媒訪間,指出干地已透過短信通知來季西班牙人將不會再喺車路士踢波。此消息前哥斯達曾表明會繼續效力車路士,如果選擇離開,就只會重番馬德里體育會。先同大家回顧一下佢今季既轉會鬧劇。
.圖片來源 : SI.com

自季中冬季轉會窗就傳出有關中超球會天津權健高價收購迪亞高哥斯達,同時馬體會亦有出手求購,雖然最終球員未有離開,但自消息傳出後西班牙人既入球數字每況愈下,而且場內表現更急躁起來,而哥斯達亦有表明轉會窗的確想回歸馬德里,只可惜最未能成事。而言接近季尾被傳媒影到球員與中國商人共聚晚餐,似乎為來季加盟中超作準備。但季後中超球會天津權健表明未曾與迪亞高哥斯達有任何接觸,究竟係傾唔掂數定真有其事實屬無從溪巧。而在足總盃決賽過後球員亦有表明會繼續效力車路士,但一切似乎都只係佢既一箱情願。
.圖片來源 : La Vanguardia

迪亞高哥斯達一直同干地既關係都成為傳媒既焦點,上半季時球員在場內曾經表現出不肯防守以及要求換出既動作,但干地沒有理會,賽後並指明一切以戰術為先。而言哥斯達一直不妥被巴舒亞伊換出,尤其在足總盃決賽八十多分鐘球隊正處於落後階段,而哩場波唯一一個入波正正係由哥斯達射入,球員表現係展示出爭勝既決心。
.圖片來源 : fichajes.com

在下季重番歐聯底下,必需擁有一名世界級射手至可以保持入球質素,但在已攤牌既情況下迪亞高哥斯達離開只係時間問題,而明顯地最接近既替代品就係盧卡古,似乎干地已經想合組比利時鋒線成為車路士既進攻核心,但一出一入底下球隊還是缺少一名前鋒增加板凳深度。而馬體會在轉會禁令底下今個轉會窗不能為任何新球員註冊,此事令迪亞高哥斯達陷於兩難局面,球員同時要為下屆世界盃爭取入選資格而努力,必需效力一支有機會成為正選既球隊,如果真係回歸馬德里,那麼上半季會喺邊度效力?

究竟放走迪亞高哥斯達是否明智之舉?相信只有時間能夠証明一切。

https://www.youtube.com/watch?v=IE_8ZbbOdD4
.影片來源 : Youtube - FootLeo

<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 干地  迪亞高哥斯達  車路士  

留言


請按此登錄後留言。未成為會員? 立即註冊
  • 閒雲野鶴 於 08/06/2017 評論 NO. 1

    講真車仔陣中我真係最欣賞沙皮,對勝利嘅渴望都係首屈一指,如果佢要離開英超真係少咗啲獨突嘅娱樂性!

  • OhMyGirl_Arin 於 08/06/2017 評論 NO. 2

    dc又無話要走 留佢打輪換都好呀...

  • Marjill 於 08/06/2017 評論 NO. 3

    呢個時候走咪又益49000

  • 閒雲野鶴 於 08/06/2017 評論 NO. 4

    係喎,若然呢個時候摩連奴出手搶沙比,呢場大龍鳳就真係好睇👏

  • 閒雲野鶴 於 08/06/2017 評論 NO. 5

    搶"沙皮"

快捷鍵:←
快捷鍵:→