干地在倫敦的第一個冬天

BluexLion車迷手記 於 10/03/2017 發表 收藏文章
-請支持藍獅 Facebook專頁-

三月,賽季未完,半程總結又過左。畢竟係小弟既第一編淺評,分享一下干地今季至現在帶領車路士起左咩變化。

經歷過輸比利物浦同大敗比阿仙奴兩場波後,343就同車路士連上左關係。仲記得未轉陣前,車路士總係踢得患得患失,除左場上面有番熟悉既面孔雷斯,以及新球員簡迪之外,似乎話無乜太大既變化。畢竟可以話干地一動不如一靜,意大利人同時需要時間認清英超究竟咩玩法。上年歐國盃,干地讓懂足球既人知道咩係352,但無人諗到輸左開頭講果兩場波後,343先係干地認為車路士既最理想陣式。先唔考究係咪干地既試驗作,但以結果論黎講,車路士溝埋343喺今季至今係成功。

陣只係球員出場既企位,打法先係主菜。干地過去帶領既球隊無論進攻同防守都比到人有條理既印象,尤其喺防守上面,一貫意式防守,當然佢帶領既車路士依加比賽都偶有混亂情況出現,相信每次喺球隊失球後,干地都有同球員做事後檢討,不然都唔會有聯賽連續多場清白之身出現。場上十一人都清楚知道自己喺球場上既職責定位,而干地亦盡可能發揮每位球員既強項特性,球員與球員之間互補長短,先至係發揮出343既關鍵。

當然,球場上既位置得十一個,總有人不能上陣。盡管部份球員本質與干地既戰術理念不太相乎,後備席上難免出現上季正選既面孔,但佢都有比機會球員出場表現自己,嘗試適應打法或者全新位置。當然,英超慢慢長路,穩定性係競逐聯賽冠軍既應有條件,始終不用分身歐聯,球員既體力回復理應更易掌握,保持勝利十一人陣容,實屬無可厚非。部份球員既離開,干地也會依照佢地既意願而放行,變相令後備席上出現年青新血。

干地上任後明顯提拔年青人到球場上,相信車迷們絕對樂於見到哩個場面。始終車路士的青年軍絕不失色,雖則係後備上陣,小弟認為總好過無限外借,而佢地場上既表現都稱職合格,還偶有盃賽正選既機會。新舊交替,默契係需要時間醞釀出來,相信佢地會係下季多線作賽既重要元素。

媒體向來都係領隊場下既老對手,而干地貴為第一季英超新丁,對記者既答問亦都相當審慎,而對李斯特城賽後記招 更出現叫記者請食蛋糕一幕,可見到意大利人對媒體相當有一手。而且答問主要圍繞自己球隊,亦避免左同其他領隊口水戰以及被傳媒大做文章既機會。

總結以上小弟觀點,對干地依然抱著樂觀既態度。當然,仍有許多可改善既地方,路遙知馬力,相信佢帶比車路士既野會更多。

藍獅 每週末出文 用心寫每篇文章 給我們一個Like作支持 : https://www.facebook.com/bluexlion/

標籤: 車路士  干地  

留言


請按此登錄後留言。未成為會員? 立即註冊
  • 數據就是事實 於 11/03/2017 評論 NO. 1

    干地車仔之路剛剛才開始,真正巨大挑戰可能下季才來,始終車仔那些舊問題似乎沒完沒了,例如山頭大哥主義,玩死領隊習俗,球隊無視球會利益,軍心易亂,在過往多位名家接手後都最終全死之下,可以非常能夠說明問題...此類情況,只會令球會衰落衰敗,如果車仔會忽然星散降班,完全唔奇,因為死因全人類都看到,就只有車仔球員會部份相關人士看不到!!(他們都被自己利益阻擋了眼睛)

快捷鍵:←
快捷鍵:→