《失蹤人口之中既代表作 「飲水哥」真禾特未退役前先退休?》

藍獅 於 29/08/2020 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


上回同大家講完巴卡約高,到今次係講另一名具份量既「出租車」成員 - 真禾特,一個感覺既熟悉但去到近兩年又好似相當陌生既名字,自加盟車路士以黎好似進入左半失蹤狀態,賽場上又唔見佢到訓練場上亦唔係太見到佢蹤影,掛住打理自己既社交媒體以及私人餐廳,感覺上足球員經已成為佢既副業一樣...

貴為李斯特城「傳奇式」奪冠一員,真禾特係繼簡迪、馬列斯後另一位能夠成功登入豪門既球員,而其實當時收購佢既主要原因係車路士陣中缺乏英格蘭本土球員,亂石投林之下迫住喺轉會窗完結前收購「飲水哥」,雖然時任主教練干地亦曾經嘗試運用得到球員既特質,可惜真禾特一直不能融入於三中堅體系當中,更開始出現傷患,上場時間同時開始慢慢減少,亦步出球迷們既眼光之中。

去到沙利接掌後,真禾特更成為被冷待既一員,球會一直為佢尋求外借出路,可惜唔少潛在球會都因為球員週薪太高而卻步,藍軍亦並無喺交易上作出太大讓步空間,最終令真禾特白白喺史丹福橋渡過左一個沒有上過陣既球季;而去到今季林伯特上任後,亦無選擇留低哩位英格蘭中場,不過今次終於有球會成功同車路士達成外借協議,般尼先借用球員半季。

由於真禾特都經已有接近一整季時間無參與過正式比賽,所以當時般尼領隊戴治先為真禾特安排於預備組賽事中上陣,希望能夠提升狀態,但正喺哩個時候球員於因場外操守問題被人打傷,被球會雪藏至租借期完結,季中車路士又要再幫佢搵下家,哩個時候維拉願意接手,同樣地提出租借半個球季,其實真禾特初到維拉時都有出場機會,正以為能夠踢得番波時依加又同隊友起衝突打傷人,真係唔知講咩好。

無疑真禾特經已成為一名不折不扣既「水貨」,即使合約期仲有兩年但相信願意接手既球會實在寥寥無幾,再加上無論場內場外佢既職業操手都已經相當唔要得,睇黎真禾特都係嘆埋哩兩季逗埋人工先會完約走人,可以話成為左藍軍失蹤人口之中既代表作。


文章發表時間 : 29/08/2020 10:30
文章最後更新時間 : 29/08/2020 10:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  真禾特  

留言


請按此登錄後留言。未成為會員? 立即註冊
    快捷鍵:←
    快捷鍵:→