《外借政策之禍 始終情歸馬德里 - 古圖爾斯》

藍獅 於 10/08/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

親吻皇馬隊章,加上一言一談表達自己被皇馬深愛著,相信令唔少車路士以至馬體會球迷都感到嘔心,紛紛送上黑心語句作致意。古圖爾斯最終選擇情歸馬德里,口中說為了家庭,同時亦喺事業上更上一層樓,絕對可以話係名利雙收,特意用一篇文章回顧佢成名之路,以及與馬德里結下的情。

.圖片來源 : Coahuila Hoy

《藉藉無名 聲名大噪》
如果要舉出現今球壇十大守門員,相信比利時人在列上亦不會有球迷反對。現年25歲既古圖爾斯,出身自比利時球隊亨克,由青年梯隊步步晉升到一隊,在10-11球季,穏定既表現令佢被選為最佳聯賽守門員及亨克年度最佳球員兩項殊榮。而言車路士隨即向亨克提出收購,當時既古圖爾斯藉藉無名,如果唔係留意開比利時既球迷相信都幾難知佢係邊個,但以結果論來說,車路士哩單長遠收購無疑係相當出色。

車路士在收購成功後隨即將古圖爾斯外借至西甲馬德里體育會,亦令比利時人與馬德里結下不解之緣,而佢亦都好快坐穩床單軍團既一號門將地位,過往哩支球隊都盛產前鋒同守門員,而比利時人喺哩度可以話係一個修煉好身手既地方。在西班牙既第一個賽季,已經為馬體會奪得歐霸杯,贏取第一項歐洲杯賽錦標,及後在歐洲超級杯的賽場上遇上剛剛贏得歐聯既車路士,再下一城染指另一項錦標。去到13-14賽季,更助馬體會重奪失落18年既聯西甲冠軍,同時晉身歐聯決賽,只可惜最終不敵宿敵皇家馬德里。
.圖片來源 : Kites - We Fly

《西班牙時光》
在馬體會的時光是美好的,亦令古圖爾斯無意回到車路士重新適應英格蘭既生活,施蒙尼同時有意留下他,而言決定權當然在車路士手中,有指時任領隊摩連奴開出來季正選門將作條件,讓比利時人肯定得到穩定既出場機會而引誘回歸,當時球迷更將佢與施治比較誰人能勝任正選作一番熱哄哄既討論,無疑後者在車路士發揮亦相當穏定,但以球隊長遠發展為大前題的話,擁有新星接班是需要的。最終古圖爾斯結束三年既西班牙生捱,正式回歸藍橋,穿起車路士13號球衣。
.圖片來源 : Chelsea FC True Blue

《幸福的煩惱》
古圖爾斯既回歸可以話令車路士同時坐擁兩大門神,而摩連奴的確將比利時人放左守門員位置中的首選,佢亦繼續維持喺馬體會高水準既表現,協助球隊力保不失。另一門將施治只能喺一啲盃賽或少有既聯賽賽事中上陣,當然古圖爾斯亦有表示在訓練中從後者身上得到寶貴既經驗,但無疑施治長期只能坐在冷板凳絕對係大材小用,亦令不少車路士球迷感到心痛。最終球隊奪得英超冠軍及聯賽盃冠軍雙冠王,成為古圖爾斯離開比利時後第5及第6項錦標。
.圖片來源 : Football Friends Online

《絕處逢生》
令人意想不到既係,在施治、杜奧巴離開後,球隊整體落差會係咁大,後防不穩問題完全被放大,而古圖爾斯亦不幸受傷,在休養期間只能望著隊友迎接一場又一場敗仗。直到復出已經是十二月頭,但佢亦無力回天,最終領隊摩連奴亦逃不過下台命運,古圖爾斯在藍橋的兩個球季經歷過高山低谷。干地正式上任,後防隊友增添了從未合作過既大衛雷斯,在變陣到343陣式後球隊刷新13場聯賽不敗紀錄,而比利時人今季一共為車路士上陣近40場賽事,其中失左32個波,有17場清白之身,數據足以令佢鎖定英超金手套,古圖爾斯上季既表現可以話全面回勇,亦助球隊重奪英超冠軍寶座。
.圖片來源 : Univision

愛既反面就係恨,一連串作嘔既語句只會令球迷們更加反感,明白到你可能真係為左家庭,但以罷訓等動作去成就自己最終目的絕對唔值得尊重,黑心既說話我就講唔出,只能說一句「永續正選拿華斯」。

文章最後更新時間 : 10/08/2018 13:15


來源 : RMC

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

留言

會員
我要評論
請按此登錄後留言。未成為會員? 立即註冊
  • Marjill
    Marjill 於 12/08/2018 評論 NO. 1

    契弟一名

  • KenChan沙田友
    KenChan沙田友 於 23 小時前評論 NO. 2

    為古圖C棄C治是否正確, 這個是兩難問題

    暫不提KDB和古圖C私怨
    摩二當時已直接踢走Lukaku和KDB
    如果再踢走古圖C
    艾巴一定不接受(這三人是由同一批球探發掘)
    古圖C在馬體會三季, 幾乎贏盡所有冠軍
    你要他回來當C治後備, 根本不可能
    一他不會續約
    二他外借也只想續借馬會, 到時他真的是精神馬會人
    三他不想外借英超中下遊隊伍
    如果不是古在馬會急速成長, 他也只是車仔賣年青人的現金券
    摩二當初的選擇不是錯
    當然古圖C反骨就是後話(其實他有權不續約, 只是加盟皇馬的動作確令人反感)

    2012年, 車仔靠老將拼了歐冠
    但事實這批老將年紀已偏大 (林8 34、Drogba 34、Terry 32、C治 30、A高 31、Essien 30、Malouda 32)
    即是說, 無論當年是否奪歐冠,
    換血是必然的
    很可惜, 告訴你
    車仔奪歐後, 部份功勳老將不願後備, 
    部份完全喪失戰力的卻賴到合同完結不肯離隊
    有同一個位置三名各有缺陷的功勳霸佔主力和後備
    這樣, 根本無法換血
    同時歐冠功勳, Mata、美利拉斯、Luiz(後回來)等年輕中生代卻平均更早離隊
    車仔就是失去中生代傳承
    車仔的大佬文化和論資排輩, 確令年輕球員不願上車、留車

    各位車迷懷念老將, 但人是會老去的
    如果你是當年摩二, 也會選古圖C棄C治
    如果你選C治而他又下滑
    一樣有球迷會怪他(只是程度較輕)

快捷鍵:←
快捷鍵:→