《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
藍軍既季前熱身賽經已完成首場賽事，喺對白禮頓既友賽下半場部份林伯特起用唔少年青球員作替換，而其中一人既面容相當熟悉，雖然標誌既辮子頭已變成青爽既短髮，不過喺身形同動作都無過份改變下相信唔少車迷依然記得佢，今集文章既主角 - 岩柏度（Ethan Ampadu）。
過去一季哩位威爾斯防守球員被外借到德甲既RB萊比錫之中，與剛加盟車路士既前鋒添姆雲拿成為隊友，但岩柏度喺德甲既歷程可以話只能以「失望」兩個字黎形容，想講既並唔係對球員表現失望，而係對佢受到既待遇失望，岩柏度喺過去哩一季一共只為RB萊比錫喺各項賽事上陣得果7場，喺主教練拿高士文（Julian Nagelsmann）手上既佢只屬一名長期後備但沒有出場機會既球員，即使把握得到喺歐聯淘汰賽對熱刺既首回合踢足全場，而且數據相當亮眼之後，就經歷一段長時間既傷患影響，可以話天意弄人。
其實喺季中時段都一度傳出車路士會提早回收，但最終並未有成事，而喺哩個處境底下RB萊比錫亦當然未有再向藍軍提出任何續借請求，令佢依加出現喺季前集訓名單之中，外界媒體對於岩柏度來季既去向偏向同一說法，球會主要傾向繼續為佢尋求外借球會鍛鍊，不過球員自己就先希望留低用表現爭取林伯特既信任，睇下球會喺防守位置上有冇一啲出售既操作而騰出到空間比岩柏度留隊發展，意味住即使佢最終外借，亦都會係喺開季前甚至轉會期完結前既最後時段先會有決定。
相比於其他防守位置既球員，岩柏度較為獨特既個人之處就係佢同時能勝任防中以及中堅兩個位置，與外界傳出被車路士追逐前青訓球員現效力韋斯咸既迪格蘭賴斯（Declan Rice）擁有相同位置特性，不過對比於後者黎講岩柏度既個子就比較細少，只擁有一米八二既身高，以中堅球員黎講的確係先天性上比較輸蝕，不過佢較偏向靈活、速度以及彈跳力作為賣點，加上擁有現代型防守球員既用波能力，實在令人難免聯想起特質上相當類近而已轉投曼城既另一前青訓艾基。
而個人認為，應就著上陣時間作為大前題底下而決定岩柏度來季發展既地方，不論係留喺史丹福橋還是為佢尋求外借球會，都要確保到威爾斯人能夠擁有穩定既出場機會，至少唔可能既係佢喺為國家隊得到既上陣時間仲多過喺為球會上陣既，哩一點可以話相當之影響到球員既成長，而如果最終都決定將佢外借的話，亦希望佢能夠繼續留喺英國發展好過再遠赴德甲，始終對於防守球員黎講及早適應英超既防守對抗絕對係好事。
即管再睇埋佢餘下熱身賽既表現能唔能夠取悅到林伯特既歡心，機會係有不過都要睇下岩柏度自己把唔把握得到...
文章發表時間 : 03/09/2019 11:50
文章最後更新時間 : 03/09/2019 11:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
藍軍既季前熱身賽經已完成首場賽事，喺對白禮頓既友賽下半場部份林伯特起用唔少年青球員作替換，而其中一人既面容相當熟悉，雖然標誌既辮子頭已變成青爽既短髮，不過喺身形同動作都無過份改變下相信唔少車迷依然記得佢，今集文章既主角 - 岩柏度（Ethan Ampadu）。
過去一季哩位威爾斯防守球員被外借到德甲既RB萊比錫之中，與剛加盟車路士既前鋒添姆雲拿成為隊友，但岩柏度喺德甲既歷程可以話只能以「失望」兩個字黎形容，想講既並唔係對球員表現失望，而係對佢受到既待遇失望，岩柏度喺過去哩一季一共只為RB萊比錫喺各項賽事上陣得果7場，喺主教練拿高士文（Julian Nagelsmann）手上既佢只屬一名長期後備但沒有出場機會既球員，即使把握得到喺歐聯淘汰賽對熱刺既首回合踢足全場，而且數據相當亮眼之後，就經歷一段長時間既傷患影響，可以話天意弄人。
其實喺季中時段都一度傳出車路士會提早回收，但最終並未有成事，而喺哩個處境底下RB萊比錫亦當然未有再向藍軍提出任何續借請求，令佢依加出現喺季前集訓名單之中，外界媒體對於岩柏度來季既去向偏向同一說法，球會主要傾向繼續為佢尋求外借球會鍛鍊，不過球員自己就先希望留低用表現爭取林伯特既信任，睇下球會喺防守位置上有冇一啲出售既操作而騰出到空間比岩柏度留隊發展，意味住即使佢最終外借，亦都會係喺開季前甚至轉會期完結前既最後時段先會有決定。
相比於其他防守位置既球員，岩柏度較為獨特既個人之處就係佢同時能勝任防中以及中堅兩個位置，與外界傳出被車路士追逐前青訓球員現效力韋斯咸既迪格蘭賴斯（Declan Rice）擁有相同位置特性，不過對比於後者黎講岩柏度既個子就比較細少，只擁有一米八二既身高，以中堅球員黎講的確係先天性上比較輸蝕，不過佢較偏向靈活、速度以及彈跳力作為賣點，加上擁有現代型防守球員既用波能力，實在令人難免聯想起特質上相當類近而已轉投曼城既另一前青訓艾基。
而個人認為，應就著上陣時間作為大前題底下而決定岩柏度來季發展既地方，不論係留喺史丹福橋還是為佢尋求外借球會，都要確保到威爾斯人能夠擁有穩定既出場機會，至少唔可能既係佢喺為國家隊得到既上陣時間仲多過喺為球會上陣既，哩一點可以話相當之影響到球員既成長，而如果最終都決定將佢外借的話，亦希望佢能夠繼續留喺英國發展好過再遠赴德甲，始終對於防守球員黎講及早適應英超既防守對抗絕對係好事。
即管再睇埋佢餘下熱身賽既表現能唔能夠取悅到林伯特既歡心，機會係有不過都要睇下岩柏度自己把唔把握得到...
文章發表時間 : 03/09/2019 11:50
文章最後更新時間 : 03/09/2019 11:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊