-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : 411 UG
能夠做出連續三場不失球記錄，對一隊球隊黎講絕對係一件好事，但如果同時間連續不勝，更未能取得一球進帳，就絕非好事。而干地所帶領既車路士正正面對著哩個問題，連接埋岩岩聯賽主場和左李斯特城後，球隊經已錄得連續四場和波以及三場零入球，究竟問題出於干地、球員還是有其它因素？一齊分析一下。
1 - 343與352之間的角力
上季干地帶領車路士以343陣式衝擊英超，而意大利人喺今季開始嘗試使用352陣式，希望進一步加強中場球員人數去奪取比賽操控權，得出效果好壞參半，中場球員顯得不習慣，尤其係新加盟既巴卡約高最為嚴重。在對陣李斯特城既賽後訪問時，干地指出今場以352作首發陣式並無問題，但睇得到既係對手不斷利用邊路去製造攻勢，基本上都唔會同你「打中路」，三中場可以話形同虛設，而下半場轉為343陣式後球隊明顯主導番比賽節奏，先似番一隊主場球隊，係咁既話真係干地所講既並非陣式問題？
2 - 巴卡約高定位不清
自加盟後一直都拎唔出有力表現去說服球迷，就連名宿林佰特近日亦忍唔住口出聲，指出法國人既身體語言同反應都好慢，而且跑動量少，就連一啲基本野都無改進過。唔難發現巴卡約高喺擔當三中場時，定位會顯得非常唔清晰，同鄉簡迪職責為掃蕩防守作主，而前者同法比加斯為間既工作就似乎有啲重疊左，基本上無論進攻定防守，巴卡約高都好似樣樣都唔係咁，如同打少個，反而一轉番343，出鏡次數就會因應提升，睇黎干地真係要諗諗計幫佢提升一下信心同釐清番場上工作。
3 - 前線啞火？
因應三場不入球，首當其衝必定歸咎於前線攻擊球員未能入球，但其實問題係咪真係在於佢地？針對講番對李斯特城哩場波，上文都有講過話對手不斷透過邊路製造攻勢，導致到兩邊翼衛馬高斯阿朗素同摩西斯在受壓下唔敢過於進取到前場助攻，同時中場亦只靠法比加斯既零星輸送，前線受供應不足影響，引致到夏薩特等人經常性要回後拎波，自然帶波既跑動既距離遠左。當然，球員疲態係見得到，狀態亦非處於高峰，莫拉達以及夏薩特既出場時間絕對需要韋利安同柏度等人平均攤分，否則黎緊攻力疲弱既問題就只係會繼續延續落去。
4 - 板凳深度不足
哩個都唔係今時今日所講既問題，由季初至今車路士在多個位置既人手一直都唔係處於四線作戰既正常水平，長期用死同一班球員而且賽事一場接著一場，就算你話有輪換其實選擇唔係多之下咪又係果幾個。而在一月轉會窗展開不久後，經已確立從愛華頓引進中場球員巴克里，可以話高層今次都算做番件好事。但其它位置無論左翼衛、邊路還是前鋒都需要人手補充，今次真係要快手完成，如果唔係車路士下半季真係大把失分空間，到時好大機會前四都不保。
總結
轉會傳聞愈黎愈多，真正要留待到一月過後至可以為高層在引進新球員工作方面下定論，而依加干地就只能見步行步，但希望意大利人在賽前佈陣及戰術安排方面可以做得更加完善，過份在人手不足以及狀態不佳既情況下執著於使用352陣式對雙方都無好處，再喺臨場調動改變安排也只會為時已晚。
文章最後更新時間 : 15/01/2018 13:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : 411 UG
能夠做出連續三場不失球記錄，對一隊球隊黎講絕對係一件好事，但如果同時間連續不勝，更未能取得一球進帳，就絕非好事。而干地所帶領既車路士正正面對著哩個問題，連接埋岩岩聯賽主場和左李斯特城後，球隊經已錄得連續四場和波以及三場零入球，究竟問題出於干地、球員還是有其它因素？一齊分析一下。
1 - 343與352之間的角力
上季干地帶領車路士以343陣式衝擊英超，而意大利人喺今季開始嘗試使用352陣式，希望進一步加強中場球員人數去奪取比賽操控權，得出效果好壞參半，中場球員顯得不習慣，尤其係新加盟既巴卡約高最為嚴重。在對陣李斯特城既賽後訪問時，干地指出今場以352作首發陣式並無問題，但睇得到既係對手不斷利用邊路去製造攻勢，基本上都唔會同你「打中路」，三中場可以話形同虛設，而下半場轉為343陣式後球隊明顯主導番比賽節奏，先似番一隊主場球隊，係咁既話真係干地所講既並非陣式問題？
2 - 巴卡約高定位不清
自加盟後一直都拎唔出有力表現去說服球迷，就連名宿林佰特近日亦忍唔住口出聲，指出法國人既身體語言同反應都好慢，而且跑動量少，就連一啲基本野都無改進過。唔難發現巴卡約高喺擔當三中場時，定位會顯得非常唔清晰，同鄉簡迪職責為掃蕩防守作主，而前者同法比加斯為間既工作就似乎有啲重疊左，基本上無論進攻定防守，巴卡約高都好似樣樣都唔係咁，如同打少個，反而一轉番343，出鏡次數就會因應提升，睇黎干地真係要諗諗計幫佢提升一下信心同釐清番場上工作。
3 - 前線啞火？
因應三場不入球，首當其衝必定歸咎於前線攻擊球員未能入球，但其實問題係咪真係在於佢地？針對講番對李斯特城哩場波，上文都有講過話對手不斷透過邊路製造攻勢，導致到兩邊翼衛馬高斯阿朗素同摩西斯在受壓下唔敢過於進取到前場助攻，同時中場亦只靠法比加斯既零星輸送，前線受供應不足影響，引致到夏薩特等人經常性要回後拎波，自然帶波既跑動既距離遠左。當然，球員疲態係見得到，狀態亦非處於高峰，莫拉達以及夏薩特既出場時間絕對需要韋利安同柏度等人平均攤分，否則黎緊攻力疲弱既問題就只係會繼續延續落去。
4 - 板凳深度不足
哩個都唔係今時今日所講既問題，由季初至今車路士在多個位置既人手一直都唔係處於四線作戰既正常水平，長期用死同一班球員而且賽事一場接著一場，就算你話有輪換其實選擇唔係多之下咪又係果幾個。而在一月轉會窗展開不久後，經已確立從愛華頓引進中場球員巴克里，可以話高層今次都算做番件好事。但其它位置無論左翼衛、邊路還是前鋒都需要人手補充，今次真係要快手完成，如果唔係車路士下半季真係大把失分空間，到時好大機會前四都不保。
總結
轉會傳聞愈黎愈多，真正要留待到一月過後至可以為高層在引進新球員工作方面下定論，而依加干地就只能見步行步，但希望意大利人在賽前佈陣及戰術安排方面可以做得更加完善，過份在人手不足以及狀態不佳既情況下執著於使用352陣式對雙方都無好處，再喺臨場調動改變安排也只會為時已晚。
文章最後更新時間 : 15/01/2018 13:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊