《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
繼簡迪、真禾特及W.科芬拿過後又一前李斯特城球員加盟，迪斯貝利賀爾緊隨主帥馬利斯卡既步伐一同登陸史丹福橋，佢既加盟不難令人聯想起同加拉加有關，過去一季後者離隊傳言不斷，喺兩者相同位置之下而賀爾作為新帥舊部，最終會唔會真係一出一入？對球隊黎講係進還是退？相信會係大家關心既問題。
現年25歲既賀爾係李城自家青訓，早喺21/22年球季經已代表球隊喺英超上陣，位置上主要擔任偏向進攻型8號位，球員喺盤、推技巧純熟，擅長創造機會及組織攻勢，早兩季喺英超經已有唔錯既表現，上季李城降班英冠加上有核心成員麥迪臣離隊，令賀爾更需要肩負進攻責任，並成功達到入球及助攻數字雙雙完季，雖然協助李城以英冠冠軍身份下季再戰英超，不過球隊面對財政方面既壓力仍需繼續將主力球員套現，而最終由車路士「截尾糊」，成功滿足得到佢地既價位並搶贏首先提出用球員交換作交易條件既白禮頓。
先唔評論係咪為搶而搶，如果單從球員特性同戰術角度出發，賀爾的確提供到一啲藍軍中場所缺乏既進攻元素，尤其靠近禁區邊既職務，包括穿透性傳送、邊線策應、前插入禁區支援等工作，無疑填補到陣容既完整性，加上作為馬利斯卡既舊部，相信喺戰術上無需太多時適應就能即插即用；但針無兩頭利，賀爾既加盟同時衍生另一方面既問題，首先係球權方面既運用，龐馬同佢雖然本身都唔係同一位置既球員黎，但前者並非一名純翼鋒，會經常走入中路用波，而哩個亦都係賀爾主打既區域，兩者之間既任務同負責範圍會點分配？加上有傳馬利斯卡屬意收購多一名右腳既右翼鋒，咁龐馬個定位又會係點？哩個都係延伸出黎既問題。
再者，賀爾哩個位置又係咪真係咁必需？今次交易由傳出到官宣既進程其實個人都感到幾意外，一黎本身都無預計哩個位咁快會有新收購，數落我地中場都已經有唔少球員，二黎係估唔到睇中賀爾，哩句說話並無任何貶義既意思，只係如果睇番藍軍哩兩年既轉會套路，一係啲收購就貴一貴咁買，一係就買入大量「潛力股」當擦擦卡咁玩，你邊估到今次竟然係向升班馬既李城落手，不過個人依然認為哩個位置並非最必需；至於加拉加同賀爾之間，喺個人特質上並不存在任何既同質性，兩者理應可以共存，如之前既文章提到加拉加既去與留係睇球會既取向，但個人角度實在搵唔到一個喺哩隊咁多傷兵而佢出勤率咁高之下都要被賣既理由。
無論如何賀爾哩單交易都已經發生左，喺人才濟濟既中場之中再添一員，都希望真係用得著佢，亦相信喺季前熱身賽過後中場哩個位置會有唔少動作「減磅」。
文章發表時間 : 13/7/2024 17:50
文章發表時間 : 13/7/2024 17:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
繼簡迪、真禾特及W.科芬拿過後又一前李斯特城球員加盟，迪斯貝利賀爾緊隨主帥馬利斯卡既步伐一同登陸史丹福橋，佢既加盟不難令人聯想起同加拉加有關，過去一季後者離隊傳言不斷，喺兩者相同位置之下而賀爾作為新帥舊部，最終會唔會真係一出一入？對球隊黎講係進還是退？相信會係大家關心既問題。
現年25歲既賀爾係李城自家青訓，早喺21/22年球季經已代表球隊喺英超上陣，位置上主要擔任偏向進攻型8號位，球員喺盤、推技巧純熟，擅長創造機會及組織攻勢，早兩季喺英超經已有唔錯既表現，上季李城降班英冠加上有核心成員麥迪臣離隊，令賀爾更需要肩負進攻責任，並成功達到入球及助攻數字雙雙完季，雖然協助李城以英冠冠軍身份下季再戰英超，不過球隊面對財政方面既壓力仍需繼續將主力球員套現，而最終由車路士「截尾糊」，成功滿足得到佢地既價位並搶贏首先提出用球員交換作交易條件既白禮頓。
先唔評論係咪為搶而搶，如果單從球員特性同戰術角度出發，賀爾的確提供到一啲藍軍中場所缺乏既進攻元素，尤其靠近禁區邊既職務，包括穿透性傳送、邊線策應、前插入禁區支援等工作，無疑填補到陣容既完整性，加上作為馬利斯卡既舊部，相信喺戰術上無需太多時適應就能即插即用；但針無兩頭利，賀爾既加盟同時衍生另一方面既問題，首先係球權方面既運用，龐馬同佢雖然本身都唔係同一位置既球員黎，但前者並非一名純翼鋒，會經常走入中路用波，而哩個亦都係賀爾主打既區域，兩者之間既任務同負責範圍會點分配？加上有傳馬利斯卡屬意收購多一名右腳既右翼鋒，咁龐馬個定位又會係點？哩個都係延伸出黎既問題。
再者，賀爾哩個位置又係咪真係咁必需？今次交易由傳出到官宣既進程其實個人都感到幾意外，一黎本身都無預計哩個位咁快會有新收購，數落我地中場都已經有唔少球員，二黎係估唔到睇中賀爾，哩句說話並無任何貶義既意思，只係如果睇番藍軍哩兩年既轉會套路，一係啲收購就貴一貴咁買，一係就買入大量「潛力股」當擦擦卡咁玩，你邊估到今次竟然係向升班馬既李城落手，不過個人依然認為哩個位置並非最必需；至於加拉加同賀爾之間，喺個人特質上並不存在任何既同質性，兩者理應可以共存，如之前既文章提到加拉加既去與留係睇球會既取向，但個人角度實在搵唔到一個喺哩隊咁多傷兵而佢出勤率咁高之下都要被賣既理由。
無論如何賀爾哩單交易都已經發生左，喺人才濟濟既中場之中再添一員，都希望真係用得著佢，亦相信喺季前熱身賽過後中場哩個位置會有唔少動作「減磅」。
文章發表時間 : 13/7/2024 17:50
文章發表時間 : 13/7/2024 17:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊