《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
1. 確立人腳
正選十一人名單都相當正路，馬利斯卡開季用左兩三場波已經確立左心目中既腹稿咁制，打英超一套到打盃賽又另一套人腳，當然仲有啲問題好似中場拉維亞與安素之間如何選擇咁（首先要前者傷癒），不過正選名單的確係愈早定立愈好，總好過五時花六時變，球員亦可以盡快適應建立默契。
2. 密集與破密集
2.1 先由對手水晶宮既戰術講起，企位呈541陣式，車路士後場用波時客隊唔會急於上前壓迫，反而囤兵於自己半場佈防，只要藍軍球員進入看守區域就會開始進行攔截，務求喺離門三至四十碼可以停到個波，對水晶宮球員既感覺係有紀律、硬淨、好清楚知道自己既走位路線同任務係咩，進攻時亦能夠猜到一段去做組織，攻守轉換得宜，一改以往鶴臣領軍時既戰術風格。
2.2 到車路士哩邊，大體套路無乜大改，而執行上既細節就有少許唔同，後場用波時卡斯度多左會回後與後防線拍齊，右中堅既W.科芬拿會走到右邊線區域，諗法上似乎想利用卡些度既用波能力去提升出球既穩定性，佢既狀態係相當影響到球隊中路防守既硬度同質素，而今場波哩位厄瓜多爾中場既表現絕對比起上場好得多。
2.3 不過問題依然都出自喺中場度，卡些度回後要波，但上半場好幾次見到佢拎住個波搵唔到人交，收入中路既古斯度可以話比水晶宮三至四名中場球員包圍，而安素企既位置甚至連鏡頭畫面都影唔到，變相卡些度只能夠又比番邊路去波，到半場作出調整後明顯見到龐馬多左回後校炮，問題先有所改善，但就延伸出一個疑問，點解卡些度同安素之間既連線會咁遠？
2.4 入正題講到密集同破密集哩一環，上半場隊波夠體能好氣好力，自然踢落個節奏可以爽朗一啲，不乏比數上拉開既機會，不過始終都係把握唔到，到下半場水晶宮出黎無耐就成功追平，同時藍軍球員體能開始放緩，節奏同球速都有所減慢，客隊只要專心做好防守同捕捉防反機會已經奏效，簡單講就係缺乏提速變奏、過份依賴龐馬作為唯一攻勢發動點、進攻路線無太多即場變化令對手難以適應。
2.5 至於臨場調動都有啲令人不解既操作，58分鐘由菲歷斯入替尼圖打左邊，到下一個換人經已係74分鐘古斯度受傷由梅迪歷入替，後者換入後擔任左翼再將菲歷斯移近中路，再將卡斯度既企位改為近右閘既位置，到臨完場前86分鐘先再換安宮古入替馬度基，問題喺邊？可以喺留言區再傾。
3. 逐步改善
雖然最終都只係獲得一分，不過對比起上場有幾個位係改善左，先係中空問題，卡些度一打得好中間自然少左空位比對手任射，雖然失果球都係輸哩啲位，不過又咁啱擋完彈出不遠再比佢二連射死角；跟手就係一對中堅組合表現穩定左，面對住體形相當大份既馬迪達都不落下風，至少無一尾向後縮或向前標失既畫面；同時大上大落既起伏都少左，哩點對於聯賽哩啲長途戰係相當重要。
文章發表時間 : 3/9/2024 14:00
文章發表時間 : 3/9/2024 14:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
1. 確立人腳
正選十一人名單都相當正路，馬利斯卡開季用左兩三場波已經確立左心目中既腹稿咁制，打英超一套到打盃賽又另一套人腳，當然仲有啲問題好似中場拉維亞與安素之間如何選擇咁（首先要前者傷癒），不過正選名單的確係愈早定立愈好，總好過五時花六時變，球員亦可以盡快適應建立默契。
2. 密集與破密集
2.1 先由對手水晶宮既戰術講起，企位呈541陣式，車路士後場用波時客隊唔會急於上前壓迫，反而囤兵於自己半場佈防，只要藍軍球員進入看守區域就會開始進行攔截，務求喺離門三至四十碼可以停到個波，對水晶宮球員既感覺係有紀律、硬淨、好清楚知道自己既走位路線同任務係咩，進攻時亦能夠猜到一段去做組織，攻守轉換得宜，一改以往鶴臣領軍時既戰術風格。
2.2 到車路士哩邊，大體套路無乜大改，而執行上既細節就有少許唔同，後場用波時卡斯度多左會回後與後防線拍齊，右中堅既W.科芬拿會走到右邊線區域，諗法上似乎想利用卡些度既用波能力去提升出球既穩定性，佢既狀態係相當影響到球隊中路防守既硬度同質素，而今場波哩位厄瓜多爾中場既表現絕對比起上場好得多。
2.3 不過問題依然都出自喺中場度，卡些度回後要波，但上半場好幾次見到佢拎住個波搵唔到人交，收入中路既古斯度可以話比水晶宮三至四名中場球員包圍，而安素企既位置甚至連鏡頭畫面都影唔到，變相卡些度只能夠又比番邊路去波，到半場作出調整後明顯見到龐馬多左回後校炮，問題先有所改善，但就延伸出一個疑問，點解卡些度同安素之間既連線會咁遠？
2.4 入正題講到密集同破密集哩一環，上半場隊波夠體能好氣好力，自然踢落個節奏可以爽朗一啲，不乏比數上拉開既機會，不過始終都係把握唔到，到下半場水晶宮出黎無耐就成功追平，同時藍軍球員體能開始放緩，節奏同球速都有所減慢，客隊只要專心做好防守同捕捉防反機會已經奏效，簡單講就係缺乏提速變奏、過份依賴龐馬作為唯一攻勢發動點、進攻路線無太多即場變化令對手難以適應。
2.5 至於臨場調動都有啲令人不解既操作，58分鐘由菲歷斯入替尼圖打左邊，到下一個換人經已係74分鐘古斯度受傷由梅迪歷入替，後者換入後擔任左翼再將菲歷斯移近中路，再將卡斯度既企位改為近右閘既位置，到臨完場前86分鐘先再換安宮古入替馬度基，問題喺邊？可以喺留言區再傾。
3. 逐步改善
雖然最終都只係獲得一分，不過對比起上場有幾個位係改善左，先係中空問題，卡些度一打得好中間自然少左空位比對手任射，雖然失果球都係輸哩啲位，不過又咁啱擋完彈出不遠再比佢二連射死角；跟手就係一對中堅組合表現穩定左，面對住體形相當大份既馬迪達都不落下風，至少無一尾向後縮或向前標失既畫面；同時大上大落既起伏都少左，哩點對於聯賽哩啲長途戰係相當重要。
文章發表時間 : 3/9/2024 14:00
文章發表時間 : 3/9/2024 14:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊