《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
如果擁有最後一個中場留隊機會，你會揀邊個？車路士中場人手可以話人才濟濟，單計簡迪、高華錫、佐真奴、蒙特、巴克利、路夫斯捷克以及基爾摩亞已經多達七位球員，即使預算埋傷患等潛在因素，人手上亦至少需要多一名球員離開以便騰出及攤分更多上陣時間，而最後一個留隊席位就由巴克利同路夫斯捷克之中作出選擇，今次就分析一下邊個球員留低既機會大啲...
如果將兩者直接作實質比較的話，可以分為實戰特質上、能力層面上以及競技狀態同傷患哩幾個部份作為比較項目，先講球員特質，巴克利同路夫斯捷克喺踢球風格上其實都相當類近，兩者都以中場持球推進作為主，透過跑動直接將皮球由後半場域運上前場，不過兩位球員實際在球場上既演繹就有些少分別，巴克利對於拿揑時機上既掌握比較差，較多時會以一己之力進行突破而錯失傳比隊友製造更好機會既黃金時間，相反路夫斯捷克就偏向與隊友作配合居多，執行細則上兩者的確存在差異。
而喺能力層面方面，老實講巴克利自愛華頓打響名堂後，競技水平一直都係維持喺哩個階段，唔可以話好差，但至少同進步哩兩隻字係完全扯唔上關係，感覺上由當日有英格蘭「金童」之稱經已變成今日平平無奇既中場球員，基本上都可以確定現年二十有六歲既佢已經到達到見頂層面；相反比佢後生三年既路夫斯捷克既潛力就出現較大變化，自晉升一隊以至外借到水晶宮同回歸藍軍後既表現，都見到佢係有幾明顯既進步同提升，奈何因為傷患實在對於球員既職業生涯實在有太大影響。
自前季季尾一場友誼賽路夫斯捷克受到一次嚴重傷患，休養左接近一個賽季既時間，球員復出後無論喺身體層上既速度同對抗方面，抑或心理狀態上五五波都未必敢於去盡，今次既傷患可以話由內至外都對路夫斯捷克有一定打擊，而喺早兩場聯賽對白禮頓場波交出受千夫所指既表現，感覺更可以話痛不欲生，當然身為主教練既林伯特亦需負上某程度上既責任，即使佢有嘗試為球員既表現降溫，但都無太大幫助，而近兩場波連埋本土盃賽亦未有再見到球員蹤影。
在於球隊角度，今季都預期無法提供更多時間同空間比路夫斯捷克去慢慢提升競技狀態，操作上將佢外借的確會係一個較為穩妥既安排，若然最後都無法提升至受傷前既狀態的話，無奈地就只好放棄，相反留用巴克利亦都只係作替補之用，對於佢未來可以再作進步絕無半點奢望，相信佢都未來一兩季都總會被其他新收購返黎既球員所取代。
文章發表時間 : 29/09/2019 12:45
文章最後更新時間 : 29/09/2019 16:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
如果擁有最後一個中場留隊機會，你會揀邊個？車路士中場人手可以話人才濟濟，單計簡迪、高華錫、佐真奴、蒙特、巴克利、路夫斯捷克以及基爾摩亞已經多達七位球員，即使預算埋傷患等潛在因素，人手上亦至少需要多一名球員離開以便騰出及攤分更多上陣時間，而最後一個留隊席位就由巴克利同路夫斯捷克之中作出選擇，今次就分析一下邊個球員留低既機會大啲...
如果將兩者直接作實質比較的話，可以分為實戰特質上、能力層面上以及競技狀態同傷患哩幾個部份作為比較項目，先講球員特質，巴克利同路夫斯捷克喺踢球風格上其實都相當類近，兩者都以中場持球推進作為主，透過跑動直接將皮球由後半場域運上前場，不過兩位球員實際在球場上既演繹就有些少分別，巴克利對於拿揑時機上既掌握比較差，較多時會以一己之力進行突破而錯失傳比隊友製造更好機會既黃金時間，相反路夫斯捷克就偏向與隊友作配合居多，執行細則上兩者的確存在差異。
而喺能力層面方面，老實講巴克利自愛華頓打響名堂後，競技水平一直都係維持喺哩個階段，唔可以話好差，但至少同進步哩兩隻字係完全扯唔上關係，感覺上由當日有英格蘭「金童」之稱經已變成今日平平無奇既中場球員，基本上都可以確定現年二十有六歲既佢已經到達到見頂層面；相反比佢後生三年既路夫斯捷克既潛力就出現較大變化，自晉升一隊以至外借到水晶宮同回歸藍軍後既表現，都見到佢係有幾明顯既進步同提升，奈何因為傷患實在對於球員既職業生涯實在有太大影響。
自前季季尾一場友誼賽路夫斯捷克受到一次嚴重傷患，休養左接近一個賽季既時間，球員復出後無論喺身體層上既速度同對抗方面，抑或心理狀態上五五波都未必敢於去盡，今次既傷患可以話由內至外都對路夫斯捷克有一定打擊，而喺早兩場聯賽對白禮頓場波交出受千夫所指既表現，感覺更可以話痛不欲生，當然身為主教練既林伯特亦需負上某程度上既責任，即使佢有嘗試為球員既表現降溫，但都無太大幫助，而近兩場波連埋本土盃賽亦未有再見到球員蹤影。
在於球隊角度，今季都預期無法提供更多時間同空間比路夫斯捷克去慢慢提升競技狀態，操作上將佢外借的確會係一個較為穩妥既安排，若然最後都無法提升至受傷前既狀態的話，無奈地就只好放棄，相反留用巴克利亦都只係作替補之用，對於佢未來可以再作進步絕無半點奢望，相信佢都未來一兩季都總會被其他新收購返黎既球員所取代。
文章發表時間 : 29/09/2019 12:45
文章最後更新時間 : 29/09/2019 16:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊