《傷兵復出有如強援加盟 車路士中場解決良方 - 路夫斯捷克》

藍獅 於 07/02/2020 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


經歷接近九個月既養傷期,車路士中場路夫斯捷克終於能夠再一次與一隊進行集訓,而球員亦喺藍軍青年梯隊賽事中上陣只尋獲狀態,球會方面暫時未有為哩位英格蘭中場定下為一隊正式復出日期,不過如無意外按時間序係可以喺二月尾出戰,傷兵復出有如強援加盟,對於一月轉會窗並無任何收獲既車路士黎講絕對係一大喜訊。

上季車路士成功晉身歐霸盃決賽,而喺完成哂所有本土賽事後球會無哩啦間安排左一場作賽美國新英格蘭革命既友誼賽,而賽事之中就令當日有份上陣既路夫斯捷克受重傷,更加缺席左歐霸盃決賽,雖然球會最終成功奪冠,但對球員黎講難免有一點遺憾。而經歷過數月既休養之後,其實路夫斯捷克早喺兩個月前經已喺社交媒體上載接受輕度訓練既片段,並指自己好快會回歸球場,睇得到球員本人其實係非常期待上陣,但林伯特喺果排接受傳媒訪問時指其實並未有咁快可以復出。

路夫斯捷克係由摩連奴二期執教時段尾期晉身一隊,之後亦喺干地執教期間有上過陣,再外借過去到水晶宮直到上季至正式上位,位置上路夫斯捷克除左中場中同攻中之外,喺干地時期亦曾擔任過翼鋒角色,主要因為英格蘭人擁有極強個人推進力,亦有一定程度既腳下技術,令佢自己無論喺中場定前線都能發爛持球突破,同時路夫斯捷克亦善於進行快速小組短傳以及具備長傳視野,可以話係一名相當全能既中場球員,再加上身高腳長跑動起黎既速度亦唔慢,所以上季先可以咁快上位取代到前輩巴克利作正選。

根據林伯特依加所建立既戰術體系,估計路夫斯捷克復出後能夠喺陣中擔任兩個位置,首選係能夠同蒙特一同喺4231既攻中位置上輪換,前者能力上比起後者全面同優勝,再加上蒙特其實打左大半季賽事都非常吃力,年輕球員好多時都會喺接連既賽事中因為得唔到喘息機會而迷失自我;而另一位置上英格蘭人能夠退後一格同簡迪以及高華錫等人喺中場中位置上輪換,功能上路夫斯捷克亦同時擁有前兩者既推動力,而咁做的話亦可以將簡迪退番後與佐真奴於墜後中場位置交替,增加左林伯特臨場既即時調整同選擇,無疑可以令車路士中場出現更多變化。

冬季轉會窗之中無進行任何收購,依加就只好希望球員復出能夠加強球隊喺英超之中既競爭力,始終多支同級球隊都經已增添新球員,而車路士能夠繼續於英超排名榜中佔據第四位亦好大程度取決於運氣上,實在有必要解決球隊困局以提升穩定性。


文章發表時間 : 07/02/2019 11:35
文章最後更新時間 :07/02/2019 10:50

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  路夫斯捷克  林伯特  

留言


請按此登錄後留言。未成為會員? 立即註冊
    快捷鍵:←
    快捷鍵:→