《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Twitter
車路士順利晉級聯賽盃決賽，雖然要同熱刺鬥到十二碼先分到勝負，不過藍軍喺主場亦打出一場相當具水準嘅賽事，至少球員精神面貌都展示出爭勝嘅決心。沙利喺今場波嘅人腳上無作出太大變動，只係喺左閘上安排負責開盃賽嘅艾馬臣上陣，哩位巴籍意人交出嘅表現亦都相當具有說服力，但為何沙利仲係唔肯比佢一次聯賽正選機會呢？
上季加盟嘅艾馬臣為意大利大國腳，但其實本身同佐真奴一樣都擁有巴西人血統，出自巴西名門山度士，骨子裏有著具技術性嘅「森巴基因」，艾巴臣其實係一位相當典型巴西閘位球員，同時具備速度、技術同體力於一身，亦相當鐘意前插助攻，其實喺現今球壇哩種踢法亦係一貫閘位球員所需要的，但沙利對於艾馬臣喺隊中嘅定位一直都只係左閘嘅後備人選。
相比於常任正選馬高斯阿朗素，其實兩者之間各有長短，西班牙人能夠處理球隊喺右路嘅死球，始終隊中左腳球員較少，同時能夠擁有罸球能力就只有阿朗素一個，而球員偏好亦鐘意自己殺入禁區，早兩季都見佢喺球隊面臨失分關頭挺身而出，但球員喺速度就真係偏慢，上左前就返唔切後，加上體能又唔係特別好，賽程頻密下沙利又要場場出佢，真係場場比賽都見唔少佢比對手「爆」嘅場面。
反而艾馬臣喺阿朗素嘅短處方面就處理得比較好，好氣好力能夠喺前插助攻後都跑得切返嚟回防，亦好肯同隊友配合，適當嘅時候拉邊用盡球場闊度，等對手騰出更多空間有利球隊進攻，同時佢喺邊路出啲波嘅落點亦都相當不俗，尤其係喺有基奧特同場時更加需要多啲哩啲傳中先製造到埋門機會。
相反喺依加嘅戰術下阿朗素走入禁區就只會令過多球員囤積於中路，尤其係同樣打左邊嘅夏薩特都係鐘意自己帶波入中間，喺沒有太多空間下根本唔會有任何進攻機會，只係依賴個別球員自己嘅個人能力；當然，並非抺煞過去兩季阿朗素嘅功勞，只係喺依加沙利嘅戰術體系下艾馬臣的確比起前者更合乎閘位球員嘅標準，哩位巴籍意人亦絕對值得擁有一次聯賽正選嘅機會，而馬體會以及祖雲達斯亦對艾馬臣虎視眈眈。
沙利，求你開竅吧！
文章最後更新時間 : 26/01/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Twitter
車路士順利晉級聯賽盃決賽，雖然要同熱刺鬥到十二碼先分到勝負，不過藍軍喺主場亦打出一場相當具水準嘅賽事，至少球員精神面貌都展示出爭勝嘅決心。沙利喺今場波嘅人腳上無作出太大變動，只係喺左閘上安排負責開盃賽嘅艾馬臣上陣，哩位巴籍意人交出嘅表現亦都相當具有說服力，但為何沙利仲係唔肯比佢一次聯賽正選機會呢？
上季加盟嘅艾馬臣為意大利大國腳，但其實本身同佐真奴一樣都擁有巴西人血統，出自巴西名門山度士，骨子裏有著具技術性嘅「森巴基因」，艾巴臣其實係一位相當典型巴西閘位球員，同時具備速度、技術同體力於一身，亦相當鐘意前插助攻，其實喺現今球壇哩種踢法亦係一貫閘位球員所需要的，但沙利對於艾馬臣喺隊中嘅定位一直都只係左閘嘅後備人選。
相比於常任正選馬高斯阿朗素，其實兩者之間各有長短，西班牙人能夠處理球隊喺右路嘅死球，始終隊中左腳球員較少，同時能夠擁有罸球能力就只有阿朗素一個，而球員偏好亦鐘意自己殺入禁區，早兩季都見佢喺球隊面臨失分關頭挺身而出，但球員喺速度就真係偏慢，上左前就返唔切後，加上體能又唔係特別好，賽程頻密下沙利又要場場出佢，真係場場比賽都見唔少佢比對手「爆」嘅場面。
反而艾馬臣喺阿朗素嘅短處方面就處理得比較好，好氣好力能夠喺前插助攻後都跑得切返嚟回防，亦好肯同隊友配合，適當嘅時候拉邊用盡球場闊度，等對手騰出更多空間有利球隊進攻，同時佢喺邊路出啲波嘅落點亦都相當不俗，尤其係喺有基奧特同場時更加需要多啲哩啲傳中先製造到埋門機會。
相反喺依加嘅戰術下阿朗素走入禁區就只會令過多球員囤積於中路，尤其係同樣打左邊嘅夏薩特都係鐘意自己帶波入中間，喺沒有太多空間下根本唔會有任何進攻機會，只係依賴個別球員自己嘅個人能力；當然，並非抺煞過去兩季阿朗素嘅功勞，只係喺依加沙利嘅戰術體系下艾馬臣的確比起前者更合乎閘位球員嘅標準，哩位巴籍意人亦絕對值得擁有一次聯賽正選嘅機會，而馬體會以及祖雲達斯亦對艾馬臣虎視眈眈。
沙利，求你開竅吧！
文章最後更新時間 : 26/01/2019 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊