《你的離開也是愛 - 加利卡希爾》

藍獅 於 24/08/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : Getty Images

近日有傳土超勁旅加拉塔沙雷有意羅致車路士隊長加利卡希爾,由於除左英超之外各大聯賽既轉會窗尚未完結,意味住一眾效力英超既球員仍然有機會離開。開咧至今喺車路士兩場聯賽賽事之中,卡希爾都未有為球隊上陣,什至連後備名單都無被入選,種種跡象都顯示佢今季並非常任球員之一。

沙利上任後,馬上確立左大衛雷斯喺後防既領導地位,但同時亦有指出藍軍既後防球員質素未係最好,因而要求管理層收購祖雲達斯後衛魯加尼,可惜沙利心中既如意算盤並唔能夠打響,車路士一直在收購價上討價還價,最終導致轉會告吹。而睇返依加既中堅人腳,先後有蘇馬同卡拉斯外借離隊,淨返喺度既人手就只係得大衛雷斯、魯迪加、基斯甸臣同卡希爾四位,排除左艾斯派古達回復去閘位位置。

雖然哩位車路士隊長自接過泰利班後無論場外場內表現一直備受批評,什至有話副隊長艾斯派古達既領導能力更比佢優勝,但如無意外今季既常用陣式將會圍繞以四後衛為主,加上藍軍亦要參與歐霸盃戰線,老實說四位中堅輪換兩個正選位其實先叫岩岩好,只要加希爾唔係同大衛雷斯同場上陣,配合返魯迪加或者基斯甸臣哩兩個轉身比較快同速度較高既球員,照計應該都唔會有太多驚險場面出現既。

加利卡希爾未必係一個好隊長,但絕對係一個安份守己既球員,加盟咁多年都可以話無功都有勞。當然,一切都要睇球員、球會以及主帥沙利既意向,如果最終加利卡希爾不甘長期坐於冷板凳上而真係出走,隊中亦有年輕小將安柏度(Ethan Ampadu)可提拔到一隊作替補。

你的離開也是愛,一切靜待9月1號自有分曉。


文章最後更新時間 : 24/08/2018 12:00

來源 : 90Min

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→