《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
關於夏維斯既離開，情感上當然不捨，但選擇哩個時候分手或好亦是最適當既時間...
引用當日所寫關於夏維斯加盟車路士既文章，「最後想講既就係收購名單之中既第七單收購，亦都係轉會窗中最後一單收購，由利華古遜重金禮聘返黎既球壇觸目新星夏維斯，除左喺位置上能夠同時擔任前場同中場角色之外，多變既個人特質亦可以豐富到球隊既戰術變化，佢既能作為步兵上前線殺敵，亦能以支援兵身份為前線隊友輸送彈藥助攻，將臨場調動既上限額外提高，雖然林伯特經已為夏維斯安排左一個較為合適既身份以攻中位置作賽，不過似乎仍然未能將哩位德國新星既全面性完整地套用在依加既戰術體系之中，相信對於林伯特黎講會係一個與時間對賽既考驗。」
回望過去再到現在一刻為止，夏維斯既潛力仍然未能喺史丹福橋完全湧展現出來，當中經歷過林伯特二次執教，亦有杜曹令佢帶上「King Kai」既稱號，最後也有黯然落幕既樸達，一切彷彿像走過高山低谷一樣，說時遲那時快，夏維斯都已經在藍橋過了三個年頭，向上發展的潛力空間一直都存在，但球員近年黎似乎都不能再向上更進一步，與球隊一樣令人感到停滯不前，加上換帥頻頻，難以有一個穩定既環境同位置去發展，既然如此倒不如選擇另一個地方重新嘗試，無論如何對球員還是球隊黎講都係一個好機會。
不過亦要為夏維斯作出部份平反，如果將前線攻力疲弱既責任完全歸咎於佢就實在有不公道既地方，每當中場缺乏供應時夏維斯都會回後做更多策應，每當翼鋒球員缺乏支援時夏維斯亦會在邊線現位作出援助，而箭頭既空缺沒有隊友補上，如果佢所做既野一早有其他球員負起責任，夏維斯會有離開自己箭頭崗位既需要？當然喺把握力方面夏維斯亦有自身責任，但中柱中眉既次數比起入球數多，作為藍軍球迷都見怪不怪只能夠苦笑。
今日轉投到同巿宿敵阿仙奴無疑會惹起爭議，但說實話想將夏維斯收歸旗下既買家並唔多，安察洛堤既皇馬早已為球員訂下過五千萬不買既前設，而有前主帥杜曹執教既拜仁亦一直空有其表，實際出價都只聞樓梯響，而普捷天奴亦似乎沒有留下夏維斯既心意，既然佢早已決定不再留用祖奧菲歷斯的，同為偏向技術型既夏維斯都未必會係新帥喺前鋒選擇上既類型，而我們就只能夠下季在球場上再見。
補充多一點，夏維斯雖然喺杜曹手底裏成為歐聯致勝入球既功臣，後者亦對球員有好高既評價，但其實哩名德國前鋒喺佢手底下既發揮並唔稱得上亮眼，如果唔係當日喺奪得歐冠後杜曹唔會選擇重金禮聘盧卡古返黎，亦可以話成為一切惡夢既開端，而即使今日成為拜仁主帥，球隊似乎都需要喺中鋒位上增添人腳，佢亦都無選擇將同為德國人既夏維斯帶到安聯競技場，可想而知佢都未必係杜曹依一刻既首選。
文章發表時間 : 4/7/2023 15:55
文章最後更新時間 : 4/7/2023 15:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
關於夏維斯既離開，情感上當然不捨，但選擇哩個時候分手或好亦是最適當既時間...
引用當日所寫關於夏維斯加盟車路士既文章，「最後想講既就係收購名單之中既第七單收購，亦都係轉會窗中最後一單收購，由利華古遜重金禮聘返黎既球壇觸目新星夏維斯，除左喺位置上能夠同時擔任前場同中場角色之外，多變既個人特質亦可以豐富到球隊既戰術變化，佢既能作為步兵上前線殺敵，亦能以支援兵身份為前線隊友輸送彈藥助攻，將臨場調動既上限額外提高，雖然林伯特經已為夏維斯安排左一個較為合適既身份以攻中位置作賽，不過似乎仍然未能將哩位德國新星既全面性完整地套用在依加既戰術體系之中，相信對於林伯特黎講會係一個與時間對賽既考驗。」
回望過去再到現在一刻為止，夏維斯既潛力仍然未能喺史丹福橋完全湧展現出來，當中經歷過林伯特二次執教，亦有杜曹令佢帶上「King Kai」既稱號，最後也有黯然落幕既樸達，一切彷彿像走過高山低谷一樣，說時遲那時快，夏維斯都已經在藍橋過了三個年頭，向上發展的潛力空間一直都存在，但球員近年黎似乎都不能再向上更進一步，與球隊一樣令人感到停滯不前，加上換帥頻頻，難以有一個穩定既環境同位置去發展，既然如此倒不如選擇另一個地方重新嘗試，無論如何對球員還是球隊黎講都係一個好機會。
不過亦要為夏維斯作出部份平反，如果將前線攻力疲弱既責任完全歸咎於佢就實在有不公道既地方，每當中場缺乏供應時夏維斯都會回後做更多策應，每當翼鋒球員缺乏支援時夏維斯亦會在邊線現位作出援助，而箭頭既空缺沒有隊友補上，如果佢所做既野一早有其他球員負起責任，夏維斯會有離開自己箭頭崗位既需要？當然喺把握力方面夏維斯亦有自身責任，但中柱中眉既次數比起入球數多，作為藍軍球迷都見怪不怪只能夠苦笑。
今日轉投到同巿宿敵阿仙奴無疑會惹起爭議，但說實話想將夏維斯收歸旗下既買家並唔多，安察洛堤既皇馬早已為球員訂下過五千萬不買既前設，而有前主帥杜曹執教既拜仁亦一直空有其表，實際出價都只聞樓梯響，而普捷天奴亦似乎沒有留下夏維斯既心意，既然佢早已決定不再留用祖奧菲歷斯的，同為偏向技術型既夏維斯都未必會係新帥喺前鋒選擇上既類型，而我們就只能夠下季在球場上再見。
補充多一點，夏維斯雖然喺杜曹手底裏成為歐聯致勝入球既功臣，後者亦對球員有好高既評價，但其實哩名德國前鋒喺佢手底下既發揮並唔稱得上亮眼，如果唔係當日喺奪得歐冠後杜曹唔會選擇重金禮聘盧卡古返黎，亦可以話成為一切惡夢既開端，而即使今日成為拜仁主帥，球隊似乎都需要喺中鋒位上增添人腳，佢亦都無選擇將同為德國人既夏維斯帶到安聯競技場，可想而知佢都未必係杜曹依一刻既首選。
文章發表時間 : 4/7/2023 15:55
文章最後更新時間 : 4/7/2023 15:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊