《一個比隊長更稱職的副隊長 - 艾斯派古達》

藍獅 於 01/03/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Daily Star

車路士接連面對巴塞隆拿及曼聯兩場硬仗,干地都將球會隊長卡希爾收左後備席上,用上艾斯派古達戴上隊長臂長上場帶領球隊,自傳奇領袖泰利離開後,外界一直有聲音指出前者無論能力抑或場上表現都未能盡責地做好隊長的本份,反而艾斯派古達則以身作則,不論場內場外行為舉止都做受其他球員及球迷敬仰。未來,佢能夠坐正成為車路士的隊長嗎?

2013年,車路士在奪得歐聯冠軍後,一氣過收購一批年青球員作改朝換代,而艾斯派古達正是其中一員,藍軍將佢由法甲馬賽帶到英超,希望佢能夠接替「保隊長」保辛華留下既空缺,擔任球隊中既右閘角色,與伊雲奴域輪換。令人意外既係,經歷過賓尼迪斯、摩連奴二次上車既洗禮後,艾斯派古達被加入了成為左閘既元閘,完美地接替艾殊利高爾留下既空缺,即使菲臘比路易斯 (Filipe Luis)從馬德里體育會加盟亦未能為西班牙人既地位帶黎動搖。

干地上季上任後,先將艾斯派古達放回到最熟悉既右閘位置,一貫務實既作風,交出穩定既成績表,作風低調既佢,往往都較少成為傳媒以至球迷既著眼點。到左轉陣343陣式後,艾斯派古達被安排到後衛位置,哩個絕對係當時球迷們估唔到既地方。身材不高大,打開閘位既佢,竟然踢中堅?盡管艾斯絕對有能力擔任正選十一人,但理應喺343入面右翼衛先至係首選。當然,當時中堅既選擇唔多,即使蘇馬傷癒復出狀態亦未成氣候。而艾斯喺哩個位置絕對係交足功課,防守一如已往穩字當先,配合大衛雷斯及卡希爾陣守後防,亦創出聯賽連續多場不失球;同時佢會喺適當機會前插,配合摩西斯、柏度或韋利安作右路小組進攻。

到今季,泰利離開了藍軍,而卡希爾被晉升為正印隊長,副隊長職責就落入艾斯派古達手上,但前者的退化速度非常之快,穩定地交出「炸彈」表現,相信干地都知道有關問題,亦開始以上季對待泰利的方式套在卡希爾身上,一步步將佢放在後備席上。而在比賽領導球隊的責任,就交比艾斯派古達,戴上臂章後既佢並非有名無實,場上激勵士氣、適當時維護隊友、與裁判溝通等,都十分稱職。

也許這是心態決定境界,艾斯派古達用行動話比大家聽,只要你用心打,少說話,多做事,任何可行既位置都能夠取得令人信服既表現,相信未來佢將會成為車路士既正印隊長。

文章最後更新時間 : 01/03/2018 15:45


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  艾斯派古達  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→