同日嘅H組同F組打晒大交，相反車路士位處嘅E組就渡過咗平和安靜嘅一晚。場波只屬例行公事，戰術層面上都冇咩值得拎出嚟講，咁不如就簡單討論吓幾位球員。
19歲蘇格蘭小將比利基摩傷癒復出後首次正選上陣，亦係佢嘅歐聯地標戰。今基摩場出任左中場，負責接連中後場及左路攻勢，錄得全場最多嘅97次觸球，傳球成功率達89%，交出3次成功長傳、3次關鍵傳送、兩次成功盤扭、兩次成功攔截。基摩今場呈現出超越同齡球員嘅成熟，decision making正確而合理，被逼搶時不慌不忙，能夠將皮球運送到安全地帶。擔當8號位嘅基摩喺進攻上亦十分積極，多次走入左路half-space嘗試策應，最後創造出3次機會及完成2次射門。當然呢位小將亦有好多改善空間，例如喺對抗同防守選擇上仍然需要多加努力。賽後基摩被選為Man Of The Match，對剛傷癒嘅基摩來說絕對係一大鼓舞。早前曾傳出基摩會喺一月被外借，但今場演出證明佢已有能力喺球隊佔一席位，再加上其能夠勝任多個位置嘅全能性，將會係球隊面對今個嚴苛球季嘅一大戰力。另一位上演歐聯地標戰嘅係19歲青訓產品安祖連（Tino Anjorin），呢位小將其實上季已曾後備上陣，但今場先係佢第一次嘅一隊正選。安祖連能夠勝任前場多個位置，喺青年軍中較常出任中場，而今場就踢左翼。暫時初步觀察嘅觀感唔錯，全場有59次觸球，傳球成功率達89%，交出2次關鍵傳送、1次盤扭、4次成功搶斷以及創造出1次黃金機會。對比我上次睇佢嘅一隊表現時，今場明顯更成熟同積極，多次從中路接球後推進並創造。考慮今場係安祖連今季第一次同其他一隊成員合作，佢今場嘅進攻表現同配合已經非常唔錯。另一個亮眼點在於其對抗能力上，安祖連今場8次ground duels中贏得5次，背身對抗表現不俗。一直提到車路士中場力量不足嘅問題，期望未來可以睇睇佢踢中場時嘅表現。有別於基摩，個人認為安祖連同一隊仍然有些少距離，如果人手許可或者可以考慮將佢外借鍛鍊。夏弗斯復出後第二場正選，推前咗一格踢右翼。本場夏弗斯表現活躍，全場錄得59次觸球，傳球成功率86%，交出3次關鍵傳送、3次成功長傳、2次成功盤扭、5次ground duels won、2次aerial duels won以及創造出1次黃金機會。夏弗斯喺8號上未能完全適應，今場回歸front 3後位置表現更心應手，再加上剛遇上薛耶治同赫臣奧杜爾嘅受傷，或者未來幾場可以繼續安排夏弗斯到右翼上，喺稍微適應比賽節奏及強度後再出任挑戰性更大嘅中場位置。
最後想提今場表現非常出色嘅艾馬臣。艾馬臣今場錄得96次觸球（僅次於基摩），傳球成功率達95%，全場交出4次關鍵傳送、5次成功傳中、3次盤扭成功、1次中龍射門、8次ground duels won、4次搶斷成功、1次攔截成功，呢個數據稱得上係MOTM級別。其實上季季初艾馬臣已有唔錯嘅演出，不過喺受傷後表現一落千丈。如今捷維爾位置不可憾動，但同時現時球隊嘅戰術對佢消耗極大，因此左閘位置上非常需要一位替換球員，如果艾馬臣返到聯賽都可以保持此等表現將能大大紓解捷維爾嘅壓力。
對陣列斯聯嘅賽前記召林柏特話“everyone is fit”，但一場比賽後已多咗薛耶治同赫臣奧杜爾兩位傷兵，可見要捱過呢個球季絕對唔容易。雖然最後唔能夠以勝利結束小組賽階段，但今仗一眾後備球員同小將嘅表現不俗，相當亦係一眾車迷樂見嘅結果。
如果你中意呢篇文，希望你可以like埋我個facebook page，多謝各位大佬！
＞Blu波pen＜
19歲蘇格蘭小將比利基摩傷癒復出後首次正選上陣，亦係佢嘅歐聯地標戰。今基摩場出任左中場，負責接連中後場及左路攻勢，錄得全場最多嘅97次觸球，傳球成功率達89%，交出3次成功長傳、3次關鍵傳送、兩次成功盤扭、兩次成功攔截。基摩今場呈現出超越同齡球員嘅成熟，decision making正確而合理，被逼搶時不慌不忙，能夠將皮球運送到安全地帶。擔當8號位嘅基摩喺進攻上亦十分積極，多次走入左路half-space嘗試策應，最後創造出3次機會及完成2次射門。當然呢位小將亦有好多改善空間，例如喺對抗同防守選擇上仍然需要多加努力。賽後基摩被選為Man Of The Match，對剛傷癒嘅基摩來說絕對係一大鼓舞。早前曾傳出基摩會喺一月被外借，但今場演出證明佢已有能力喺球隊佔一席位，再加上其能夠勝任多個位置嘅全能性，將會係球隊面對今個嚴苛球季嘅一大戰力。另一位上演歐聯地標戰嘅係19歲青訓產品安祖連（Tino Anjorin），呢位小將其實上季已曾後備上陣，但今場先係佢第一次嘅一隊正選。安祖連能夠勝任前場多個位置，喺青年軍中較常出任中場，而今場就踢左翼。暫時初步觀察嘅觀感唔錯，全場有59次觸球，傳球成功率達89%，交出2次關鍵傳送、1次盤扭、4次成功搶斷以及創造出1次黃金機會。對比我上次睇佢嘅一隊表現時，今場明顯更成熟同積極，多次從中路接球後推進並創造。考慮今場係安祖連今季第一次同其他一隊成員合作，佢今場嘅進攻表現同配合已經非常唔錯。另一個亮眼點在於其對抗能力上，安祖連今場8次ground duels中贏得5次，背身對抗表現不俗。一直提到車路士中場力量不足嘅問題，期望未來可以睇睇佢踢中場時嘅表現。有別於基摩，個人認為安祖連同一隊仍然有些少距離，如果人手許可或者可以考慮將佢外借鍛鍊。夏弗斯復出後第二場正選，推前咗一格踢右翼。本場夏弗斯表現活躍，全場錄得59次觸球，傳球成功率86%，交出3次關鍵傳送、3次成功長傳、2次成功盤扭、5次ground duels won、2次aerial duels won以及創造出1次黃金機會。夏弗斯喺8號上未能完全適應，今場回歸front 3後位置表現更心應手，再加上剛遇上薛耶治同赫臣奧杜爾嘅受傷，或者未來幾場可以繼續安排夏弗斯到右翼上，喺稍微適應比賽節奏及強度後再出任挑戰性更大嘅中場位置。
最後想提今場表現非常出色嘅艾馬臣。艾馬臣今場錄得96次觸球（僅次於基摩），傳球成功率達95%，全場交出4次關鍵傳送、5次成功傳中、3次盤扭成功、1次中龍射門、8次ground duels won、4次搶斷成功、1次攔截成功，呢個數據稱得上係MOTM級別。其實上季季初艾馬臣已有唔錯嘅演出，不過喺受傷後表現一落千丈。如今捷維爾位置不可憾動，但同時現時球隊嘅戰術對佢消耗極大，因此左閘位置上非常需要一位替換球員，如果艾馬臣返到聯賽都可以保持此等表現將能大大紓解捷維爾嘅壓力。
對陣列斯聯嘅賽前記召林柏特話“everyone is fit”，但一場比賽後已多咗薛耶治同赫臣奧杜爾兩位傷兵，可見要捱過呢個球季絕對唔容易。雖然最後唔能夠以勝利結束小組賽階段，但今仗一眾後備球員同小將嘅表現不俗，相當亦係一眾車迷樂見嘅結果。
如果你中意呢篇文，希望你可以like埋我個facebook page，多謝各位大佬！
＞Blu波pen＜
請按此登錄後留言。未成為會員? 立即註冊