英超自停賽後首次開放球場，位於Tier2地區嘅史丹福橋球場今場有2000球迷入場觀賽。唔知係咪已經聽慣咗電視啲罐頭歡呼聲，當聽到現場球迷真正嘅吶喊聲音時硬係覺得怪怪地。
講返場波，雖然列斯聯最近嘅戰績唔理想，但佢地嘅痴線佬踢法令好多領隊都好頭痕。賽前已預料今場會係一場硬仗，結果車路士真係喺開賽3分鐘已失波。好彩球隊係落後時冇自亂陣腳，最後成功反勝呢支宿敵球隊。關於進攻方面冇太大嘅感想，今次反而想講一講防守（進攻方面嘅評論可以睇睇友page車迷Z嘅球評）。
由攻轉守係車路士上季最大嘅弱點，而今季開季至今其實都仍然未遇到衝擊力極強嘅球隊，因此賽前令我最擔心就係車路士嘅攻守轉換速度跟唔跟得上列斯聯。唔意外地，比爾沙係開波第3分鐘就替車路士上咗一堂。當時車路士剛完成進攻，列斯聯截球後冇解圍而係立刻尋找進攻機會，防中菲臘斯移到邊路接應，前鋒班福特見狀即刻加速前插到蘇馬同施華之間嘅空位，最後只係掂咗3次波就完成入球，整個攻勢由開始到結束只係用咗10秒。值得留意嘅係車路士喺呢次反擊中並冇處於人數劣勢，班福特有兩名中堅看管，菲臘斯有夏弗斯睇住，中間仲有簡迪準備回防。但列斯聯嘅轉換速度實在太快，而車路士球員嘅警覺性亦唔足夠。以夏弗斯嘅速度同力量絕對有條件喺菲臘斯接球時給予更大壓力，甚至直接cancel呢次攻勢，可惜夏弗斯只係選擇跟防而冇作出更高強度嘅防守動作，令菲臘斯有時間同空間交出一記絕妙助攻。另外蘇馬、施華同簡迪呢個核心防守組合喺看管班福特時亦有不足之處，簡迪上搶失敗後變相防守無人地帶，然後喺明知班福特中意走中堅之間嘅空隙蘇馬仲走向邊線令空隙變大。最後文迪嘅出錯亦非常值得反省，翻睇唔同角度嘅重播就發現文迪喺出迎時有猶豫，令落地攔截一刻嘅時機變得好尷尬。
雖然以上幾點都唔係非常致命嘅問題，但車路士打算繼續以高壓進取風格為主的話必須要好好正視呢啲瑕疵。首先係要提升全體球員係轉換時嘅強度，減少一對一對抗失敗嘅情況。另外文迪亦要好好練吓出迎時機同判斷，呢點係佢暫時較明顯嘅弱點，而踢高位防守嘅球隊係非常需要一名能擔當清道夫嘅門將。
講到防守又要再次提到簡迪。簡迪轉踢單防中後漸入佳境係事實，但亦唔能夠忽視球員特質所帶來嘅缺陷。不厭其煩地講多次，簡迪同一般單防中唔同嘅地方在於佢好中意上搶標波，因此容易喺核心位置失位。而家林柏特嘅用法就係冒住失位嘅風險強調簡迪嘅搶截能力，務求盡快從中路搶回球權。對上幾場比賽車路士都能夠控制比賽，而且對手嘅進攻意欲唔強，通常只係依靠個別球員能力突破，因此簡迪嘅防守目標好少，每次被對方打反擊時只要針對防守對手嘅重點球員已經足夠delay攻勢。
但今場面對列斯聯就係另一個故事。比爾沙球隊依賴嘅並唔係個別球員嘅能力，每個球員都能夠發動進攻，而且轉換快、流動性強。以往簡迪能夠用佢極強嘅防守意識同運動能力快速K.O.對手，但今場面對一群走位靈活且快速嘅球員時就唔同講法，不論簡迪覆蓋力幾勁都冇可能以一人之力照顧成個中路。除此之外，由此簡迪較習慣man-mark防守，今場好幾次見到佢被列斯聯嘅走動拉離防守位置，甚至試過跟人跟到返對手半場，令中場形成空虛。
我咁講並唔係話簡迪踢得唔好，簡迪今場交出4次搶斷1次攔截，多次係中路奪回球權，表現絕對唔係差。只不過簡迪嘅特質踢防中時確實存在弱點，而列斯聯亦示範咗如何引發呢個弱點出嚟，幸好佢地今場嘅進攻表現只屬一般，否則絕對有條件製造更大威脅。
唔知係咪林柏特都發現到呢個問題，所以下半場車路士嘅逼搶力度稍微下調，將防線位後置形成mid-block，喺反超後再換入防守力同抗壓力較強嘅高華錫。同時車路士又將球權讓出，令列斯聯喺下半場嘅控球比率高達63%。但有趣嘅係，列斯聯係佔有球權嘅情況下進攻表現反而差咗，下半場嘅xG就只有0.16。相反車路士雖然球權較少，但下半場xG足足有3.3。呢個現象同剛剛對西維爾時一樣，係咪代表其實車路士較適合踢mid-block呢？
最後，真係不得不讚泰亞高施華。指揮、包位、經驗、傳送、推進、死球等樣樣都有，而且係免費加盟，我諗唔使等到季尾我已經可以拍定手先宣布施華係今季球隊嘅最佳收購。不過亦因為咁車路士必須盡快開始物色中堅，施華最多都只可以踢埋下季，而佢離開後所遺留落嚟空缺絕對唔係隨便一個中堅可以頂替。
如果你中意呢篇文，希望你可以like埋我個facebook page，多謝各位大佬！
＞Blu波pen＜
講返場波，雖然列斯聯最近嘅戰績唔理想，但佢地嘅痴線佬踢法令好多領隊都好頭痕。賽前已預料今場會係一場硬仗，結果車路士真係喺開賽3分鐘已失波。好彩球隊係落後時冇自亂陣腳，最後成功反勝呢支宿敵球隊。關於進攻方面冇太大嘅感想，今次反而想講一講防守（進攻方面嘅評論可以睇睇友page車迷Z嘅球評）。
由攻轉守係車路士上季最大嘅弱點，而今季開季至今其實都仍然未遇到衝擊力極強嘅球隊，因此賽前令我最擔心就係車路士嘅攻守轉換速度跟唔跟得上列斯聯。唔意外地，比爾沙係開波第3分鐘就替車路士上咗一堂。當時車路士剛完成進攻，列斯聯截球後冇解圍而係立刻尋找進攻機會，防中菲臘斯移到邊路接應，前鋒班福特見狀即刻加速前插到蘇馬同施華之間嘅空位，最後只係掂咗3次波就完成入球，整個攻勢由開始到結束只係用咗10秒。值得留意嘅係車路士喺呢次反擊中並冇處於人數劣勢，班福特有兩名中堅看管，菲臘斯有夏弗斯睇住，中間仲有簡迪準備回防。但列斯聯嘅轉換速度實在太快，而車路士球員嘅警覺性亦唔足夠。以夏弗斯嘅速度同力量絕對有條件喺菲臘斯接球時給予更大壓力，甚至直接cancel呢次攻勢，可惜夏弗斯只係選擇跟防而冇作出更高強度嘅防守動作，令菲臘斯有時間同空間交出一記絕妙助攻。另外蘇馬、施華同簡迪呢個核心防守組合喺看管班福特時亦有不足之處，簡迪上搶失敗後變相防守無人地帶，然後喺明知班福特中意走中堅之間嘅空隙蘇馬仲走向邊線令空隙變大。最後文迪嘅出錯亦非常值得反省，翻睇唔同角度嘅重播就發現文迪喺出迎時有猶豫，令落地攔截一刻嘅時機變得好尷尬。
雖然以上幾點都唔係非常致命嘅問題，但車路士打算繼續以高壓進取風格為主的話必須要好好正視呢啲瑕疵。首先係要提升全體球員係轉換時嘅強度，減少一對一對抗失敗嘅情況。另外文迪亦要好好練吓出迎時機同判斷，呢點係佢暫時較明顯嘅弱點，而踢高位防守嘅球隊係非常需要一名能擔當清道夫嘅門將。
講到防守又要再次提到簡迪。簡迪轉踢單防中後漸入佳境係事實，但亦唔能夠忽視球員特質所帶來嘅缺陷。不厭其煩地講多次，簡迪同一般單防中唔同嘅地方在於佢好中意上搶標波，因此容易喺核心位置失位。而家林柏特嘅用法就係冒住失位嘅風險強調簡迪嘅搶截能力，務求盡快從中路搶回球權。對上幾場比賽車路士都能夠控制比賽，而且對手嘅進攻意欲唔強，通常只係依靠個別球員能力突破，因此簡迪嘅防守目標好少，每次被對方打反擊時只要針對防守對手嘅重點球員已經足夠delay攻勢。
但今場面對列斯聯就係另一個故事。比爾沙球隊依賴嘅並唔係個別球員嘅能力，每個球員都能夠發動進攻，而且轉換快、流動性強。以往簡迪能夠用佢極強嘅防守意識同運動能力快速K.O.對手，但今場面對一群走位靈活且快速嘅球員時就唔同講法，不論簡迪覆蓋力幾勁都冇可能以一人之力照顧成個中路。除此之外，由此簡迪較習慣man-mark防守，今場好幾次見到佢被列斯聯嘅走動拉離防守位置，甚至試過跟人跟到返對手半場，令中場形成空虛。
我咁講並唔係話簡迪踢得唔好，簡迪今場交出4次搶斷1次攔截，多次係中路奪回球權，表現絕對唔係差。只不過簡迪嘅特質踢防中時確實存在弱點，而列斯聯亦示範咗如何引發呢個弱點出嚟，幸好佢地今場嘅進攻表現只屬一般，否則絕對有條件製造更大威脅。
唔知係咪林柏特都發現到呢個問題，所以下半場車路士嘅逼搶力度稍微下調，將防線位後置形成mid-block，喺反超後再換入防守力同抗壓力較強嘅高華錫。同時車路士又將球權讓出，令列斯聯喺下半場嘅控球比率高達63%。但有趣嘅係，列斯聯係佔有球權嘅情況下進攻表現反而差咗，下半場嘅xG就只有0.16。相反車路士雖然球權較少，但下半場xG足足有3.3。呢個現象同剛剛對西維爾時一樣，係咪代表其實車路士較適合踢mid-block呢？
最後，真係不得不讚泰亞高施華。指揮、包位、經驗、傳送、推進、死球等樣樣都有，而且係免費加盟，我諗唔使等到季尾我已經可以拍定手先宣布施華係今季球隊嘅最佳收購。不過亦因為咁車路士必須盡快開始物色中堅，施華最多都只可以踢埋下季，而佢離開後所遺留落嚟空缺絕對唔係隨便一個中堅可以頂替。
如果你中意呢篇文，希望你可以like埋我個facebook page，多謝各位大佬！
＞Blu波pen＜
請按此登錄後留言。未成為會員? 立即註冊