國際賽後第一場比賽，仲要係踢頭場，球員有明顯嘅疲態。幸好比賽中受到嘅威脅唔大，最終成功一報上季被絕殺嘅仇。
防守
哥迪奧拿以前喺巴塞隆拿時期開始使用「六秒反搶法則」，當球隊失去控球權時全體球員會喺六秒內全力逼搶嘗試奪回控球權，若果搶球失敗就會返回防守位置。我數唔到係咪六秒，但車路士今場使用咗一種非常類似嘅防守方式。今場比賽車路士嘅PPDA低至7.29，當喺前場失球權時，幾乎所有車路士球員都會以一種極具侵略性嘅方式逼向紐卡素，有幾次喺對方禁區內失球後甚至見到艾巴咸會追到返去中場。呢套反搶方式喺上半場大大限制咗紐卡素嘅反擊次數，令車路士取得絕大部份嘅控球時間（控球率高達79%）。
不過呢套防守方式有幾個問題。第一，反搶失敗後嘅防守陣式唔夠穩固。當紐卡素破解反搶成功越過半場時，車路士所呈現嘅防守陣式其實頗為鬆散，如果紐卡素把握力更好絕對有條件製造更有威脅嘅攻勢。第二，當體力下降後反搶效率會嚴重下降。呢套侵略性極高嘅反搶方式會消耗大量體力，今季賽程頻密，球員絕對冇可以場場九十分鐘長期保持同一強度。下半場開始時紐卡素稍微提升進攻強度，已經令車路士反搶開始失效，下半場嘅控球率亦跌至63%。第三，係如何能夠減少反搶出現嘅次數。承上一點，高壓反搶對體能需求高，但哥迪奧拿球隊一向都唔係以體力強見稱，所以佢地嘅做法就係喺奠定勝局後開始減少進取性傳球，降低失球風險同需要反搶嘅次數，依靠純熟嘅傳控體系搓波搓到完場。反觀今場比賽，紐卡素全場攻勢最猛烈嘅時間就係下半場後半段，即係車路士體能差唔多燃燒殆盡嘅時候。可見車路士暫時仍然未有「搓到完場」嘅本事，而喺冇體能做反搶嘅情況下會給予對方大量進攻空間。
如果林柏特繼續使用呢套反搶方式，需要再次重整喺己方半場嘅防守陣式、設定好line of engagement嘅位置（即係由邊到開始逼，邊到開始內收），同埋設計更好嘅體能計劃。
蒙特與高華錫
車路士再次用上同樣嘅三中場配套，原本以為會好似上場對錫菲聯咁將蒙特同高華錫當「偽閘」咁用，結果今場嘅中場企位又有啲唔同。上場兩個左右中場經常地靠邊，令兩閘可以更大幅度地前置。今場蒙特嘅位置同樣冇變，但高華錫嘅位置就出現好有趣嘅變化。上場高華錫置於右路，多次同薛耶治、占士互換位置，第一個入波正正係三位右路球員嘅合作成果。今場高華錫明顯有意地靠前同靠中，從heat-map中可以見到佢嘅觸球位置幾乎集中晒喺中圈前緣，較少走到邊路同中後場攞波，有好幾個畫面甚至見到高華錫係企喺艾巴咸身旁。奇怪嘅地方在於高華錫嘅進攻參與度一向唔高，如果想將一個中場推到咁前理應係選擇火力更強嘅蒙特。我暫時諗到兩個有可能嘅原因，第一係因為薛耶治會習慣性地回後幫波，因此中場右路位置唔需要過多人手做組織工作，高華錫可以走到更進取嘅位置支援進攻。相反左路嘅雲拿組織力較弱，令蒙特需要維持喺更靠邊嘅位置造波。第二係因為高華錫而家踢緊嘅位置其實係設計嚟比夏弗斯踢。夏弗斯復出後正路係會踢右中場，而為咗可以發揮佢嘅進攻天賦，佢嘅企置應該會比左中場更前同更置中。今場嘅排陣係為咗令球隊更熟習企位同走位，亦係比高華錫練習呢個位置，皆因如果車路士繼續踢433的話會好需要一個能夠踢晒左右中場嘅球員。不過我以上所講嘅只係猜測，孰真孰假就要睇夏弗斯復出後。
華拿與艾巴咸
上季季尾寫咗成篇文講艾巴咸進攻貢獻不足嘅問題，但從今季開始佢嘅進步可以話係非常顯著。今場比賽艾巴咸有32次觸球，雖然亦稱唔上多，但已經遠遠超過上季嘅平均次數。當中艾巴咸一共交出3次key passes，以及創造出1次big chance。除此之外，亦見到艾巴咸開始識得利用自己出色嘅身體質素，有好幾次都能夠背身「得」住對方再傳球比自己隊友。要同基奧特比當然仍然有段距離，但至少而家嘅艾巴咸唔再係一個單純負責入波嘅前鋒。
雲拿今場做大晒鬼，全場浪費咗兩次黃金機會，令佢喺各大網站上得到全隊最低嘅得分。但撇除埋門一腳外，個人覺得雲拿今場表現其實幾好。季初時一直覺得雲拿唔應該踢翼鋒，但呢場嘅走位、現位都做得唔錯，開始能夠喺前鋒同翼鋒之間搵到定位（當然呢點亦要比返啲credit蒙特同捷維爾呢兩位左路球員）。
季前好多人都覺得雲拿同艾巴咸會係競爭對手，但而家兩個球員嘅默契越來越好。唔講唔知，原來今季艾巴咸每次正選上陣都成功製造出一個入球。如果兩個球員能夠保持狀態，佩利錫復出後需要多加努力先可以取回正選席位。
易食指數五星嘅賽程即將結束，接下來車路士將會喺英超接連遇上熱刺、列斯聯、愛華頓、阿仙奴、曼城等難哽嘅對手。雖然最近能夠一直保持不敗，但林柏特嘅考驗而家先正式開始。
如果你中意呢篇文，希望你可以like埋我個facebook page，多謝各位大佬！
＞Blu波pen＜
防守
哥迪奧拿以前喺巴塞隆拿時期開始使用「六秒反搶法則」，當球隊失去控球權時全體球員會喺六秒內全力逼搶嘗試奪回控球權，若果搶球失敗就會返回防守位置。我數唔到係咪六秒，但車路士今場使用咗一種非常類似嘅防守方式。今場比賽車路士嘅PPDA低至7.29，當喺前場失球權時，幾乎所有車路士球員都會以一種極具侵略性嘅方式逼向紐卡素，有幾次喺對方禁區內失球後甚至見到艾巴咸會追到返去中場。呢套反搶方式喺上半場大大限制咗紐卡素嘅反擊次數，令車路士取得絕大部份嘅控球時間（控球率高達79%）。
不過呢套防守方式有幾個問題。第一，反搶失敗後嘅防守陣式唔夠穩固。當紐卡素破解反搶成功越過半場時，車路士所呈現嘅防守陣式其實頗為鬆散，如果紐卡素把握力更好絕對有條件製造更有威脅嘅攻勢。第二，當體力下降後反搶效率會嚴重下降。呢套侵略性極高嘅反搶方式會消耗大量體力，今季賽程頻密，球員絕對冇可以場場九十分鐘長期保持同一強度。下半場開始時紐卡素稍微提升進攻強度，已經令車路士反搶開始失效，下半場嘅控球率亦跌至63%。第三，係如何能夠減少反搶出現嘅次數。承上一點，高壓反搶對體能需求高，但哥迪奧拿球隊一向都唔係以體力強見稱，所以佢地嘅做法就係喺奠定勝局後開始減少進取性傳球，降低失球風險同需要反搶嘅次數，依靠純熟嘅傳控體系搓波搓到完場。反觀今場比賽，紐卡素全場攻勢最猛烈嘅時間就係下半場後半段，即係車路士體能差唔多燃燒殆盡嘅時候。可見車路士暫時仍然未有「搓到完場」嘅本事，而喺冇體能做反搶嘅情況下會給予對方大量進攻空間。
如果林柏特繼續使用呢套反搶方式，需要再次重整喺己方半場嘅防守陣式、設定好line of engagement嘅位置（即係由邊到開始逼，邊到開始內收），同埋設計更好嘅體能計劃。
蒙特與高華錫
車路士再次用上同樣嘅三中場配套，原本以為會好似上場對錫菲聯咁將蒙特同高華錫當「偽閘」咁用，結果今場嘅中場企位又有啲唔同。上場兩個左右中場經常地靠邊，令兩閘可以更大幅度地前置。今場蒙特嘅位置同樣冇變，但高華錫嘅位置就出現好有趣嘅變化。上場高華錫置於右路，多次同薛耶治、占士互換位置，第一個入波正正係三位右路球員嘅合作成果。今場高華錫明顯有意地靠前同靠中，從heat-map中可以見到佢嘅觸球位置幾乎集中晒喺中圈前緣，較少走到邊路同中後場攞波，有好幾個畫面甚至見到高華錫係企喺艾巴咸身旁。奇怪嘅地方在於高華錫嘅進攻參與度一向唔高，如果想將一個中場推到咁前理應係選擇火力更強嘅蒙特。我暫時諗到兩個有可能嘅原因，第一係因為薛耶治會習慣性地回後幫波，因此中場右路位置唔需要過多人手做組織工作，高華錫可以走到更進取嘅位置支援進攻。相反左路嘅雲拿組織力較弱，令蒙特需要維持喺更靠邊嘅位置造波。第二係因為高華錫而家踢緊嘅位置其實係設計嚟比夏弗斯踢。夏弗斯復出後正路係會踢右中場，而為咗可以發揮佢嘅進攻天賦，佢嘅企置應該會比左中場更前同更置中。今場嘅排陣係為咗令球隊更熟習企位同走位，亦係比高華錫練習呢個位置，皆因如果車路士繼續踢433的話會好需要一個能夠踢晒左右中場嘅球員。不過我以上所講嘅只係猜測，孰真孰假就要睇夏弗斯復出後。
華拿與艾巴咸
上季季尾寫咗成篇文講艾巴咸進攻貢獻不足嘅問題，但從今季開始佢嘅進步可以話係非常顯著。今場比賽艾巴咸有32次觸球，雖然亦稱唔上多，但已經遠遠超過上季嘅平均次數。當中艾巴咸一共交出3次key passes，以及創造出1次big chance。除此之外，亦見到艾巴咸開始識得利用自己出色嘅身體質素，有好幾次都能夠背身「得」住對方再傳球比自己隊友。要同基奧特比當然仍然有段距離，但至少而家嘅艾巴咸唔再係一個單純負責入波嘅前鋒。
雲拿今場做大晒鬼，全場浪費咗兩次黃金機會，令佢喺各大網站上得到全隊最低嘅得分。但撇除埋門一腳外，個人覺得雲拿今場表現其實幾好。季初時一直覺得雲拿唔應該踢翼鋒，但呢場嘅走位、現位都做得唔錯，開始能夠喺前鋒同翼鋒之間搵到定位（當然呢點亦要比返啲credit蒙特同捷維爾呢兩位左路球員）。
季前好多人都覺得雲拿同艾巴咸會係競爭對手，但而家兩個球員嘅默契越來越好。唔講唔知，原來今季艾巴咸每次正選上陣都成功製造出一個入球。如果兩個球員能夠保持狀態，佩利錫復出後需要多加努力先可以取回正選席位。
易食指數五星嘅賽程即將結束，接下來車路士將會喺英超接連遇上熱刺、列斯聯、愛華頓、阿仙奴、曼城等難哽嘅對手。雖然最近能夠一直保持不敗，但林柏特嘅考驗而家先正式開始。
如果你中意呢篇文，希望你可以like埋我個facebook page，多謝各位大佬！
＞Blu波pen＜
請按此登錄後留言。未成為會員? 立即註冊