夏季轉會窗進入最後倒數階段，各大球會都忙於喺deadline前完成買賣。車路士嘅主要收購工作應該已經完結，接下來就係球隊減磅嘅時候。以下整合咗車路士潛在離隊球員最新嘅轉會動向，另外亦加上一啲個人嘅意見。
前場：
最近最受注目嘅係赫臣奧杜爾同拜仁嘅新聞。據指拜仁打算先外借赫臣奧杜爾一年，外加7000萬買斷條款，而呢份報價已被車路士拒絕。值得留意嘅係拜仁提出嘅7000萬買斷條款係選擇性（option to buy）而唔係義務性（obligation to buy），因此難以說服車路士放人。林柏特唔想佢走，而赫臣奧杜爾亦冇提出轉會要求，一切都係睇高層嘅決定。但赫臣奧杜爾係現時隊內除咗佩利錫以外唯一嘅正統翼鋒，更係車路士嘅重點培訓對象。除非拜仁提出無法拒絕嘅報價，否則車路士都唔應該出售。
九月初曾傳出祖雲達斯同基奧特達成個人協議嘅新聞，不過好快基奧特本人就走出嚟澄清話係fake news嚟。基奧特亦係訪問中指自己願意繼續留隊爭取上陣機會，相信呢個夏天佢並唔會離隊。
中場：
最新消息指巴卡約高即將外借至拿玻里一季，外借費用約4.5M。但合約中並唔包括任何買斷條款，意味下年車路士需要再次煩惱如何清洗呢個中場球員。
早前有報導指阿仙奴同PSG都希望借入佐真奴，但相關新聞一直都冇更進一步嘅發展。如今車路士仲未簽到另一個防中，加上對上兩場比賽佐真奴都以正選身份上陣，估計佢並唔會喺今個夏天離隊。個人相信佐真奴的確會逐漸被邊緣化，但現階段佢嘅作用同影響力仍然係好明顯，喺林柏特仍然未搵到中場答案前都唔應該賣走佢。
林柏特公開話路夫斯捷克可能會外借離隊，其後報導亦指有多間球會對佢有興趣，但直到現時為止都冇出現較為具體嘅轉會新聞。加上巴克利已落實外借到維拉，如果路夫斯捷克都走埋咁中場就好可能會人手不足，因此就咁睇龍虎切留隊機會都唔細。不過我始終覺得球隊應該留巴克利、借龍虎切，搞到而家龍虎切喺隊內嘅定位好尷尬。順帶一提，之前盛傳巴克利嘅外借費用高達11m，但我一直都搵唔到可信嘅來源，而且呢個金額亦高到有啲唔合理，所以估計應該都係fake。（有錯請指正）
有傳國米同曼聯都有意簽下簡迪，但艾巴莫域治太中意簡迪，no chance。
後防：
車路士再次拒絕愛華頓對托莫利嘅外借要求，而雷恩方面亦冇進一步消息，托莫利好大機會會留隊。換句話說，魯迪加嘅離隊應該已成定局。現時最具體嘅轉會傳聞係來自熱刺嘅外借要求，但魯迪加並非摩連奴嘅首選，而且車路士亦唔會希望將球員外借到死敵球會（除非合約中有買斷條款），因此呢單交易成事機會唔算高。而另一方面，早前提到及嘅PSG同巴塞方面亦再冇聲氣。現時真係好難估計到底魯迪加會去邊，話唔定最後走唔成都未定。
原先大家都預計阿朗素留隊、艾瑪臣離隊，但經過西布朗半場時嘅騷動後情況又可能有變。現時兩名球員都同國際米蘭扯上關係，但當中只會出現外借轉會。個人係比較希望阿朗素留隊，一來佢嘅skill set較特殊能夠為球隊帶來更多變化，二來因為佢係冠軍成員所以私心上都比較想佢留底。不過球隊紀律係非常重要，如果林柏特想佢離隊亦無可厚非。
馬蘭沙亞冇註冊到球隊號碼，所以一定會外借到其他球會。前排有傳利華古遜對佢有興趣，但而家又係冇咗下文。
喺呢到必須批評一下球會嘅轉會操作，明明泰亞高施華、捷維爾同沙亞係喺八月尾加盟球隊，當時已經好清楚有邊個位置嘅球員要離隊，結果到咗最後幾日仲係一個都未走到，呢方面真係要學習下利物浦喺賣人方面嘅乾脆利落。邊緣人系列：
摩西斯從國米回歸後冇註冊到球隊號碼，未來尚未明朗。
同樣冇註冊到號碼嘅真禾特喺早前嘅訪問中提到希望重新做人，只可惜而家仍然未有球隊對佢有興趣。早幾日有新聞指華倫西亞對有意借用真禾特，但追查來源後發現只有The Sun、Daily Mail之流有報導，可信性唔高。
此外仲有幾位被遺忘嘅球員仍然未搵到下家，包括巴巴拉文、梅桑達同雲堅高爾，而巧合地呢三位球員都有傷在身。前兩者嘅合約到2022年夏天先完，而後者就剛剛續咗一年短約。
轉會窗喺香港時間十月六號早上6點正就會關閉，車路士仲有最後兩日處理陣容臃腫嘅問題。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
前場：
最近最受注目嘅係赫臣奧杜爾同拜仁嘅新聞。據指拜仁打算先外借赫臣奧杜爾一年，外加7000萬買斷條款，而呢份報價已被車路士拒絕。值得留意嘅係拜仁提出嘅7000萬買斷條款係選擇性（option to buy）而唔係義務性（obligation to buy），因此難以說服車路士放人。林柏特唔想佢走，而赫臣奧杜爾亦冇提出轉會要求，一切都係睇高層嘅決定。但赫臣奧杜爾係現時隊內除咗佩利錫以外唯一嘅正統翼鋒，更係車路士嘅重點培訓對象。除非拜仁提出無法拒絕嘅報價，否則車路士都唔應該出售。
九月初曾傳出祖雲達斯同基奧特達成個人協議嘅新聞，不過好快基奧特本人就走出嚟澄清話係fake news嚟。基奧特亦係訪問中指自己願意繼續留隊爭取上陣機會，相信呢個夏天佢並唔會離隊。
中場：
最新消息指巴卡約高即將外借至拿玻里一季，外借費用約4.5M。但合約中並唔包括任何買斷條款，意味下年車路士需要再次煩惱如何清洗呢個中場球員。
早前有報導指阿仙奴同PSG都希望借入佐真奴，但相關新聞一直都冇更進一步嘅發展。如今車路士仲未簽到另一個防中，加上對上兩場比賽佐真奴都以正選身份上陣，估計佢並唔會喺今個夏天離隊。個人相信佐真奴的確會逐漸被邊緣化，但現階段佢嘅作用同影響力仍然係好明顯，喺林柏特仍然未搵到中場答案前都唔應該賣走佢。
林柏特公開話路夫斯捷克可能會外借離隊，其後報導亦指有多間球會對佢有興趣，但直到現時為止都冇出現較為具體嘅轉會新聞。加上巴克利已落實外借到維拉，如果路夫斯捷克都走埋咁中場就好可能會人手不足，因此就咁睇龍虎切留隊機會都唔細。不過我始終覺得球隊應該留巴克利、借龍虎切，搞到而家龍虎切喺隊內嘅定位好尷尬。順帶一提，之前盛傳巴克利嘅外借費用高達11m，但我一直都搵唔到可信嘅來源，而且呢個金額亦高到有啲唔合理，所以估計應該都係fake。（有錯請指正）
有傳國米同曼聯都有意簽下簡迪，但艾巴莫域治太中意簡迪，no chance。
後防：
車路士再次拒絕愛華頓對托莫利嘅外借要求，而雷恩方面亦冇進一步消息，托莫利好大機會會留隊。換句話說，魯迪加嘅離隊應該已成定局。現時最具體嘅轉會傳聞係來自熱刺嘅外借要求，但魯迪加並非摩連奴嘅首選，而且車路士亦唔會希望將球員外借到死敵球會（除非合約中有買斷條款），因此呢單交易成事機會唔算高。而另一方面，早前提到及嘅PSG同巴塞方面亦再冇聲氣。現時真係好難估計到底魯迪加會去邊，話唔定最後走唔成都未定。
原先大家都預計阿朗素留隊、艾瑪臣離隊，但經過西布朗半場時嘅騷動後情況又可能有變。現時兩名球員都同國際米蘭扯上關係，但當中只會出現外借轉會。個人係比較希望阿朗素留隊，一來佢嘅skill set較特殊能夠為球隊帶來更多變化，二來因為佢係冠軍成員所以私心上都比較想佢留底。不過球隊紀律係非常重要，如果林柏特想佢離隊亦無可厚非。
馬蘭沙亞冇註冊到球隊號碼，所以一定會外借到其他球會。前排有傳利華古遜對佢有興趣，但而家又係冇咗下文。
喺呢到必須批評一下球會嘅轉會操作，明明泰亞高施華、捷維爾同沙亞係喺八月尾加盟球隊，當時已經好清楚有邊個位置嘅球員要離隊，結果到咗最後幾日仲係一個都未走到，呢方面真係要學習下利物浦喺賣人方面嘅乾脆利落。邊緣人系列：
摩西斯從國米回歸後冇註冊到球隊號碼，未來尚未明朗。
同樣冇註冊到號碼嘅真禾特喺早前嘅訪問中提到希望重新做人，只可惜而家仍然未有球隊對佢有興趣。早幾日有新聞指華倫西亞對有意借用真禾特，但追查來源後發現只有The Sun、Daily Mail之流有報導，可信性唔高。
此外仲有幾位被遺忘嘅球員仍然未搵到下家，包括巴巴拉文、梅桑達同雲堅高爾，而巧合地呢三位球員都有傷在身。前兩者嘅合約到2022年夏天先完，而後者就剛剛續咗一年短約。
轉會窗喺香港時間十月六號早上6點正就會關閉，車路士仲有最後兩日處理陣容臃腫嘅問題。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
請按此登錄後留言。未成為會員? 立即註冊